Монгол Улсын Засгийн газрын урилгаар Гадаад өр ба Хүний эрхийн асуудал хариуцсан НҮБ-ын хүний эрхийн хараат бус шинжээч Хуан Пабло Бохославски есдүгээр сарын 02-11 өдрүүдэд Монгол Улсад албан айлчлал хийнэ.

Айлчлалын хүрээнд эдийн засаг, санхүү, төсөвтэй холбоотой өргөн хүрээний асуудлаар анхдагч эх сурвалжаас авсан мэдээлэлд хүний эрхийн өнцгөөс судалгаа хийж, тэргүүн туршлага, учирч буй сорилтууд болон бодлого, үйл ажиллагаанд оршин буй болзошгүй цоорхойг олж тогтоох зорилготой аж.

Монгол Улсад ажиллахдаа ноён Бохославски Засгийн газрын байгууллагууд, иргэний нийгэм, хувийн салбар, эрдэм судалгааны болон олон улсын байгууллагуудын төлөөлөлтэй уулзана.

Тэрбээр Монгол Улсад айлчалынхаа хүрээнд ажилласан тайлангаа есдүгээр сарын 11-нд олон нийтэд танилцуулах ажээ.

А.АНИР