Ээлжит бус чуулганаар "Эрдэнэт" үйлдвэрийн онцгой дэглэмийг сунгана | News.MN

Ээлжит бус чуулганаар "Эрдэнэт" үйлдвэрийн онцгой дэглэмийг сунгана

Ээлжит бус чуулганаар "Эрдэнэт" үйлдвэрийн онцгой дэглэмийг сунгана

Ээлжит бус чуулганаар "Эрдэнэт" үйлдвэрийн онцгой дэглэмийг сунгана

Монгол Улсын Их Хурлын дарга Г.Занданшатар “Улсын Их Хурлын ээлжит бус чуулган товлон зарлах тухай 2019 оны 165 дугаар захирамжид нэмэлт, өөрчлөлт оруулах тухай” захирамж гаргалаа. Захирамжид “Монгол Улсын Их Хурлын даргын 2019 оны 7 дугаар сарын 04-ний өдрийн 165 дугаар захирамжийн 1 дэх хэсгийн “9 дүгээр сарын 01-ний өдрүүдэд” гэснийг “9 дүгээр сарын 30-ны өдрүүдэд” гэж өөрчилсүгэй” гэжээ.

Ийнхүү өнөөдөр завсарлах байсан ээлжит бус чуулганыг энэ сарын 30 хүртэл сунгах шийдвэр гаргав. Ингэхдээ ээлжит бус чуулганаар хэлэлцэх асуудлын жагсаалтад ч өөрчлөлт оруулсан юм.  Тодруулбал,

-Үй олноор хөнөөх зэвсэг дэлгэрүүлэх болон терроризмтой тэмцэх тухай хуулийн төсөл, түүнтэй хамт өргөн мэдүүлсэн бусад хуулийн төсөл;

-БНМАУ-ын Засгийн газар, ЗСБНХУ-ын Засгийн газар хоорондын 1971 оны 7 дугаар сарын 29-ний өдрийн протокол болон БНМАУ-ын Засгийн газар, ЗСБНХУ-ын Засгийн газар хоорондын 1979 оны 9 дүгээр сарын 11-ний өдрийн хэлэлцээрт нэмэлт, өөрчлөлт оруулах тухай Монгол Улсын Засгийн газар, Оросын Холбооны Улсын Засгийн газар хоорондын ноот бичгийг соёрхон батлах тухай хуулийн төсөл;

-“Газрын тос боловсруулах үйлдвэр барих” төслийн хүрээнд Дорноговь аймгийн Сайншанд сумын нутагт барих газрын тос боловсруулах үйлдвэрийн ажилчдын хотхоны барилга байгууламжийн үндсэн хөрөнгө бий болгоход шаардагдах, дотоодын үйлдвэрлэлээр хангах боломжгүй, импортоор оруулж ирэх бараа материалын Гаалийн албан татварыг хөнгөлж, буцаан олгох тухай болон Нэмэгдсэн өртгийн албан татвараас чөлөөлөх тухай хуулийн төсөл;

-“Эрдэнэт үйлдвэр” төрийн өмчит үйлдвэрийн газар, “Монголросцветмет” төрийн өмчит үйлдвэрийн газарт тогтоосон онцгой дэглэмийн хугацааг сунгах тухай асуудал;

-“Найрсаг харилцаа, иж бүрэн стратегийн түншлэлийн тухай” Монгол Улс, Оросын Холбооны Улс хоорондын гэрээний төслийг нэмэхээр шийдвэрлэсэн байна.

"Болор дуран"-аар шалгав.
Энэ мэдээнд өгөх таны сэтгэгдэл?
0
ЗөвЗөв
0
ХахаХаха
0
ХөөрхөнХөөрхөн
0
ГайхмаарГайхмаар
0
ХарамсалтайХарамсалтай
0
ТэнэглэлТэнэглэл
0
БурууБуруу
Баярлалаа!

Холбоотой мэдээ

3 сэтгэгдэл

News.mn сайтад сэтгэгдэл оруулахад анхаарах зүйлс

Avatar

зочин 2019-09-01 202.9.42.83

Шахаа хийж амжаагүй гишүүн байгаа юм байна л даа .

Avatar

Yana daa 2019-09-01 202.126.88.32

Darhanii Gan bombolgiin uildveriig n haagaad hyatadaas avchirj shahdag bolson . Ene uneen. Iim l yum hiih gej baisan humuus shuu dee. Mundag zaluus garch ireed giahuun bolohoosoo omno bichij baisan shigee baina gej bodood bayarlaad baisan buur aimshigtai DEEREM hiigeed eheldeg bn sh dee.

Avatar

Зочин 2019-09-01 64.119.25.189

Онцгой дэглэм тогтоохоор тэндэрийн хууль үйлчилдэггүй. Сайхан шахаа хийж бна даа. Бүүр улиарчиж…сунгаад л байдаа. Монгол ялж бна даа ккк

NewsMN Гар утасны хувилбар Татах
NEWS.mn

Мэдээллийн эх сурвалж