"Анима" арт студи болон "Корпорейт конвейшн центр" хамтран дуу авианы бүтээл, модерн бүжиг, XX зууны модернизм урлагийн уран бүтээлчдийн намтар, уран бүтээлийн тухай өвөрмөц арга хэмжээ зохион байгуулах гэж байна. Монголд анх удаа "Синдром" арт лекцийг ирэх сарын 10-нд "Корпорейт конвейшн центр"-т толилуулахаар товложээ.

Нийт 120 минут үргэлжлэх энэхүү арга хэмжээ 25 мянган төгрөгийн үнэтэй. Лекцийг урлаг судлаач М.Аминаа удирдан явуулж, Ван Гог, Сальвадор Дали, Фрида Кало гэх мэт солиот зураачдын сод бүтээлүүдийн тухай яриа өрнүүлэх юм.