Бичил бизнесийг дэмжих чиглэлээр олгосон 10 орчим тэрбум төгрөгийг нэхэмжилнэ | News.MN

Бичил бизнесийг дэмжих чиглэлээр олгосон 10 орчим тэрбум төгрөгийг нэхэмжилнэ

Хуучирсан мэдээ: 2019.08.29-нд нийтлэгдсэн

Бичил бизнесийг дэмжих чиглэлээр олгосон 10 орчим тэрбум төгрөгийг нэхэмжилнэ

Бичил бизнесийг дэмжих чиглэлээр олгосон 10 орчим тэрбум төгрөгийг нэхэмжилнэ

Нийслэлийн ИТХ-ын Тэргүүлэгчдийн хурлаар “Шаардах эрх шилжүүлэх гэрээ байгуулах” эрх олгох тухай тогтоолын төслийг хэлэлцэв. Бичил бизнесийг дэмжих нийслэлийн сан 2014 онд байгуулан нийт 14.3 тэрбум төгрөгийн зээл олгосон байдаг бөгөөд үүнээс 4 тэрбум гаруй төгрөг л эргэн төлөгдсөн аж. Үлдсэн 10 орчим тэрбум төгрөг огт төлөгдөөгүй байгаа учраас уг хөрөнгийг эргэн төвлөрүүлэх шаардлагатай тулгарчээ. Уг хөрөнгийг нэхэмжлэх эрх нь нийслэлийн ИТХ-д байгаа тул тус эрхийг нийслэлийн Хөдөлмөр эрхлэлтийн газарт шилжүүлэхээр уг төслийг хэлэлцүүлсэн юм.

Нийслэлийн Хөдөлмөр эрхлэлтийн газраас дээрх хөрөнгийг нэхэмжлэх хүсэлтийг шүүхэд гаргасан боловч шаардах эрх байхгүй учраас боломжгүй гэсэн хариултыг өгсөн байна. Тиймээс ийнхүү нийслэлийн ИТХ-ын Тэргүүлэгчдийн тогтоолоор шаардах эрхийг нийслэлийн Хөдөлмөрийн газарт шилжүүлэх тогтоолын төслийг баталлаа.

Өнөөдрийн хурлаар мөн нийслэлийн өмчид хөрөнгө бүртгэн авах тухай тогтоолын төслийг хэлэлцэв. Тодруулбал,  Хан-Уул дүүргийн XXIII хороонд байрлах 150 хүүхдийн ортой 144 дүгээр цэцэрлэгийн өргөтгөл, Чингэлтэй дүүргийн 83 дугаар цэцэрлэгийн өргөтгөлийн барилгуудыг тус тус бүртгэх тухай тогтоолын төслийг хэлэлцэн дэмжиж, тогтоол гаргалаа.

Өнөөдрийн хурлаар мөн “Ёслол хүндэтгэлийн гэрэгэ”-г бүтээн гардуулах тухай асуудлыг хэлэлцэв. Нийслэлийн Засаг дарга бөгөөд Улаанбаатар хотын захирагчаар ажиллаж байсан нэр бүхий гурван хүнд болон одоогийн Засаг дарга С.Амарсайхан нарт “Ёслол хүндэтгэлийн гэрэгэ”-г бүтээн гардуулах, хадгалуулах тогтоолын төслийг хэлэлцэн дэмжсэн юм.

Эх сурвалж: Нийслэлийн ИТХ-ын ХМОНХТ 

Энэ мэдээнд өгөх таны сэтгэгдэл?
2
ХарамсалтайХарамсалтай
0
ЗөвЗөв
0
ХахаХаха
0
ХөөрхөнХөөрхөн
0
ГайхмаарГайхмаар
0
ТэнэглэлТэнэглэл
0
БурууБуруу
Баярлалаа!

3 сэтгэгдэл

News.mn сайтад сэтгэгдэл оруулахад анхаарах зүйлс

Avatar

Зочин 2019-08-29 103.14.38.136

АН хороодын засаг дарга нартай тохиролсон идсэн менге шуу дээ. АН-аас буюу тэр уед хотыг захирч байсан Бат-Уул, Баттулга нараас л нэхэмжлэх хэрэгтэй.

Avatar

Зочин 2019-08-29 202.9.42.179

Энэ ч эргэж олдохоосоо өнгөрсөн байх аа

Avatar

Зочин 2019-08-29 112.72.12.6

МӨНГӨӨ НЭХЭЖ ОЛЖ АВАА

NewsMN Гар утасны хувилбар Татах
NEWS.mn

Мэдээллийн эх сурвалж