Хятадын Ардын Чөлөөлөх Армийн цэрэг, техникүүд өчигдөр /2019.08.28/ Хонконгийн хилээр орж иржээ. Тус улсын төрийн мэдлийн Шиньхуа агентлагийн мэдээлснээр энэ нь жил бүр болдог армийн бие бүрэлдэхүүний ээлж солилцох үйл явц аж. Харин Хонконгийн тал үүнийг жагсагчдад өгч буй сануулга гэж харж байна.

Хуягт тэрэгнүүд, олон тооны цэрэг ачсан автомашинууд, тэнгисийн байлдааны хөлөг Хонконгийн боомтод ирсэн гэрэл зургууд хэвлэл мэдээллийн хэрэгслүүдээр гарч байгаа юм. Хятадын чөлөөлөх арми Хонконгод 8,000-10 мянга орчим цэрэгтэй гэсэн тоо байдаг бөгөөд 1997 онд Хонконг Британийн колониос гарч Хятадын мэдэлд шилжснээс хойш Хятад улс Хонконгод ийнхүү цэргээ байршуулах болсон юм.

Эх сурвалж:XINHUA