ЗЦГ-ын гүүрэн гарцны нэвтрэх хөдөлгөөний эхний хэсгийг нээнэ гэв | News.MN

ЗЦГ-ын гүүрэн гарцны нэвтрэх хөдөлгөөний эхний хэсгийг нээнэ гэв

ЗЦГ-ын гүүрэн гарцны нэвтрэх хөдөлгөөний эхний хэсгийг нээнэ гэв

ЗЦГ-ын гүүрэн гарцны нэвтрэх хөдөлгөөний эхний хэсгийг нээнэ гэв

Энэ жил нийслэлийн хэмжээнд авто замын өргөтгөл шинэчлэл,  дэд бүтцийг сайжруулахтай холбоотой олон төсөл хөтөлбөрүүд хэрэгжиж байгаа. Нийслэлийн Засаг дарга бөгөөд Улаанбаатар хотын захирагч С.Амарсайхан нийслэл хотод баригдаж байгаа авто зам, гүүрийн ажлуудын явцыг хэд хэдэн удаа биечлэн шалгаж, газар дээр очиж ажиллан, тулгамдсан асуудлыг шийдвэрлэж, зам гүүрийн ажлыг хугацаандаа багтааж ашиглалтад оруулах үүрэг даалгаврыг өгсөн.

Удахгүй хичээлийн шинэ жил эхэлж, авто замын ачаалал нэмэгдэж, түгжрэл ихсэхтэй холбогдуулан нийслэлийн Засаг дарга бөгөөд Улаанбаатар хотын захирагч С.Амарсайхан өчигдөр /2019.08.28/ шөнийн 23.00 цагийн орчимд Замын Цагдаагийн газрын өмнөх гүүрэн замын ажлын явцыг шалгаж, газар дээр очиж ажиллалаа.

Хотын захирагчийг ЗЦГ-ын гүүрэн гарцан дээр очиж ажиллах үед тус зам гүүрийн ажлын хойд хэсэгт буюу Хүүхдийн паркийн зүүн талын хэсэгт хэсэг ажилтнууд бетон цутгаж байсан бол урд хэсэгт нь буюу Хоме плаза талаас шөнийн ээлж гарч ажиллаагүй, зам барилгын ажил үргэлжлээгүй, зогсонги байдалтай байлаа.

Зам гүүрийн барилгын талбай дээр зөвлөх компанийн удирдлага инженерүүд ажиллаж байсан бол Хотын захирагч ерөнхий гүйцэтгэгч Хятадын компанийн удирдлагуудыг дуудаж уулзлаа. Хотын захирагч хэлсэн үгэндээ “Энэ зун бороо хур элбэгтэй байснаас шалтгаалж, зам барилгын ажил хугацаа алдсан зүйл бий. Тиймээс өдөр шөнөгүй ажиллаж байж төлөвлөсөн хугацаандаа амжиж  зам  гүүрийн ажлаа дуусгах ёстой. Өдөр шөнөгүй ажиллаж байх ёстой хүмүүс ажлаа хийхгүй байна. Дуусчихна, болчихно гэж ажлыг хойш тавьсаар байтал өдөр хоног алдаж, удахгүй хүйтэрч ажил хийхэд хэцүү болох нөхцөл бүрдэнэ. Гүйцэтгэгч компани хүн хүчээ нэмж, зохион байгуулалтаа сайжруулж ажилла. Хяналт тавьдаг, хариуцдаг байгууллагын ажилтнууд энд  байнга зогсож ажиллаж байх ёстой. Нийслэлчүүдийн хувьд нэг хоногийн өмнө ч гэсэн зам гүүрийн  ажлаа нээх нь чухал ач холбогдолтой байгааг та бүхэн анхаарч ажиллах нь чухал байна” гэв.

Гүйцэтгэгч компанийн удирдлагын зүгээс төлөвлөгөөний  дагуу 09 сарын 15-ны өдөрт багтааж ЗЦГ-аас Хоме плаза руу чиглэсэн хоёр талын хөдөлгөөнийг эхний хэсгийг нээнэ гэдгээ илэрхийллээ.

Эх сурвалж: Нийслэлийн ЗДТГ-ын Хэвлэл мэдээлэлтэй харилцах хэлтэс

"Болор дуран"-аар шалгав.
Энэ мэдээнд өгөх таны сэтгэгдэл?
4
ЗөвЗөв
0
ХахаХаха
0
ХөөрхөнХөөрхөн
0
ГайхмаарГайхмаар
0
ХарамсалтайХарамсалтай
0
ТэнэглэлТэнэглэл
0
БурууБуруу
Баярлалаа!

Холбоотой мэдээ

4 сэтгэгдэл

News.mn сайтад сэтгэгдэл оруулахад анхаарах зүйлс

Avatar

зочин 2019-08-29 66.181.161.13

За ёстой Хятад кампаны эздүүд манай дарга нарыг гөлөөг ч гэж тоохгүй юм билээ дээ …дуустал нь дуугүй хараад суухаас өөр аргагүй . ..

Avatar

Зочин 2019-08-29 202.131.227.114

Бетон цутгаснаас хойш 100%-ийн бат бэхийн бэхжилт гарсны дараа тулгуур тулаасуудын авч, дээгүүр нь машин тэрэг зорчих боломжтой болно. Бетоны бат бэхийн үзүүлэлт нь даац авах хэмжээндээ хүрсэн эсэхийг нягталж байж хөдөлгөөн нээхгүй бол 100%-ийн бэхжилт аваагүй байхад нь нээвэл гүүр нурах аюултай. Хурдан хийх нь зөв боловч технологийн горим гэж нэг юм бий. Одоо өдөр ирэх тусам сэрүүсч байгаа учир бетоны бат бэхээ бүрэн авч дуусах хугацаа төдий чинээ хойшлоно гэсэн үг.

Avatar

болдоо 2019-08-29 202.126.89.237

за бас их шавдуулбал чанар алдах эрсдэл гарч мэднэ шүү, шахах нь зөв гэхдээ хэтрүүлж хэрэггүй эээ …. ганц нэг сараар хойшлогдсон ч чанартай л байвал боллооо …

Avatar

sain bain 2019-08-29 202.179.27.117

Сайн байна. Сайн шахаж ажиллах хэрэгтэй. Хятдуудыг сайн хянаж цагдаж байхгүй бол даварна.

NewsMN Гар утасны хувилбар Татах
NEWS.mn

Мэдээллийн эх сурвалж