Улаанбаатар-Дархан чиглэлийн замын ажил 23,7 хувьтай байна | News.MN

Улаанбаатар-Дархан чиглэлийн замын ажил 23,7 хувьтай байна

Улаанбаатар-Дархан чиглэлийн замын ажил 23,7 хувьтай байна

Улаанбаатар-Дархан чиглэлийн замын ажил 23,7 хувьтай байна

Улаанбаатар-Дархан чиглэлийн авто замын барилгын ажлын зөвлөх компани, төслийн удирдагч, ерөнхий болон туслан гүйцэтгэгч аж ахуйн нэгж байгууллагуудын төлөөлөл зэрэг бүх талынхныг оролцуулан, өргөтгөсөн хурал хийжээ.  Б.Энх-Амгалан сайд хурлын эхэнд гүйцэтгэгч компаниудын төлөөллүүдээс Улаанбаатар-Дархан чиглэлийн авто замын засвар шинэчлэлтийн ажлын гүйцэтгэлийн талаарх дүн мэдээллийг сонсож, үүрэг чиглэл өгөн, ажил нь удаашралтай байгаа 2, 4 дүгээр багцын гүйцэтгэгчдэд тав хоногийн хугацаанд ажлаа эрчимжүүлж, ахиц гаргахгүй бол тендэрийн гэрээг цуцлах хүртэл арга хэмжээ авахыг хатуу анхааруулав. Мөн тэрбээр Улаанбаатар-Дархан чиглэлийн авто зам нь Монгол Улсын босоо тэнхлэгийн хамгийн их хөдөлгөөний эрчимтэй, транзит тээврийн гол зам болохыг онцлоод Засгийн газар, Ерөнхий сайдын хэмжээнд ач холбогдол өгч ажиллаж буй олон улсын хэмжээний төсөл хөтөлбөрт хариуцлагагүй хандаж буй 2, 4 дүгээр багцын гүйцэтгэгч Чайна эстэйт констракшн ХХК-ийн удирдлагуудыг шаардлага биелүүлээгүй тохиолдолд гэрээг цуцлахаас гадна, торгууль ногдуулна гэдгийг санууллаа. Гүйцэтгэгч талынхан мэдээллээ танилцуулж дууссаны дараа 11 дүгээр сард багтаан тээврийн хэрэгслийн хөдөлгөөнийг нээнэ гэдгээ Б.Энх-Амгалан сайдад илтгэв.

Улаанбаатар-Дархан чиглэлийн авто замын 1, 3, 5 дугаар багцын гүйцэтгэгч компаниуд хоёр ээлж гарган, 24 цагаар ажиллаж байгаа ч бороо хур ихтэй цаг агаарын нөхцөл байдлаас шалтгаалан графикт хугацаанаас 18 хоногийн хоцрогдолтой ажиллаж байна. Салбарын сайдын зүгээс гүйцэтгэгч талынханд ажлаа эрчимжүүлж, чанартай хийж гүйцэтгэж, түр замыг хурдан тавьж дуусгах, үерт эвдэрсэн түр замыг яаралтай засч дуусгах, графикт хугацаандаа ашиглалтад оруулахад онцгой анхаарч ажиллахыг сануулаад, гүйцэтгэлийн ажилд тулгарч буй зарим хүндрэлтэй асуудлуудыг хууль, журмын дагуу шийдвэрлэж ажиллахыг яамны холбогдох газар, хэлтсийн дарга нарт үүрэг болголоо.

Багц 1: Баруун аймаг салах тойрог уулзвараас Хар мотод давааны ар хүртэлх 37.26 км авто замын барилгын ажил 2019 оны 08 дугаар сарын 25-ны өдрийн байдлаар 27.87 хувьтай, ажлын талбайд 244 ажилтан, 107 машин, техник ажиллаж байна.

Багц 2: Хар модот давааны араас Урьхан хүртэлх 45.5 км авто замын барилгын ажил 2019 оны 08 дугаар сарын 25-ны өдрийн байдлаар 18.92 хувьтай, ажлын талбайд нийт 154 ажилтан, 57 машин, техник ажиллаж байна.

Багц 3: Урьханаас Сүмбэрийн уулзвар хүртэлх 45.74 км авто замын барилгын ажил 2019 оны 08 дугаар сарын 25-ны өдрийн байдлаар 32.31 хувьтай, ажлын талбайд нийт 222 ажилтан, 118 машин, техник ажиллаж байна.

Багц 4: Сүмбэрийн уулзвараас Цайдамын хөндий хүртэлх 45.08 км авто замын барилгын ажил 2019 оны 08 дугаар сарын 25-ны өдрийн байдлаар 16.72 хувьтай, ажлын талбайд нийт 56 ажилтан, 47 машин, техник ажиллаж байна.

Багц 5: Цайдамын хөндийгөөс Дарханы тойрог уулзвар хүртэлх 30.53 км авто замын барилгын ажил 2019 оны 08 дугаар сарын 25-ны өдрийн байдлаар 30.58 хувьтай, ажлын талбайд нийт 108 ажилтан, 74 машин, техник ажиллаж байна.

Улаанбаатар-Дархан чиглэлийн 204.11 километр замын засвар шинэчлэлтийн ажлын явц 2019 оны 8 дугаар сарын 25-ны өдрийн нийт дүнгээр 23.74 хувийн гүйцэтгэлтэй үргэлжилж байна.

Ш.ОЧ

"Болор дуран"-аар шалгав.
Энэ мэдээнд өгөх таны сэтгэгдэл?
3
ТэнэглэлТэнэглэл
1
ГайхмаарГайхмаар
1
БурууБуруу
0
ЗөвЗөв
0
ХахаХаха
0
ХөөрхөнХөөрхөн
0
ХарамсалтайХарамсалтай
Баярлалаа!

Холбоотой мэдээ

9 сэтгэгдэл

News.mn сайтад сэтгэгдэл оруулахад анхаарах зүйлс

Avatar

зочин 2019-08-28 66.181.161.13

За ёстой шаалааа … Өнөөдөр тэр замаар чинь яваад ирлээ …Ийм сайхан өдөр ажил хийж байгаа амьтан алга …түр зам нь там ….

Avatar

Ц 2019-08-28 203.91.112.162

Түр замыг Монголын компаниуд тавьж байгааг ер нь мэдэх үү? Монголчууд оролцсон юм л ер нь бүтэлгүй байх юм дөө…

Avatar

зочин 2019-08-28 203.91.118.180

Архангайн Цэнхэрийн алтны уурхайгаас гарсан бүх техникүүдийг /500 гаруй/оруулаад хурдан дуусгаач ээ

Avatar

иргэн 2019-08-28 202.179.27.58

Ажлын гүйцэтгэл ийм бага хувьтай байхад 11 сард агшиглалтад өг гээд үүрэгдээд сууж байдаг яачихсан толгой бэ.

Avatar

Зочин 2019-08-28 139.5.217.198

монгийг нь хараад яхта дн жижигхээн компануудад огчихсон юм билээ ЭнхАмгаланд хариуцлага тооц

Avatar

Н 2019-08-28 203.91.112.162

Ганц хоёр нь ч тийм л байх, бусад нь үнэхээр ярилтгүй том компаниуд юм билээ.

Avatar

Иргэн 2019-08-28 59.153.113.200

Саяхан яваад ирэхэд 5-6 хувийн л биелэлттэй юм шиг байсан даа. 2020 ондоо багтаж дуусвал их юм болно доо

Avatar

МОНГОЛЧУУД ЗАМ БАРЬТЛАА ӨДИЙ ДӨӨ 2019-08-28 202.179.27.78

ЭНЭ ЗАМ НОХОЙН ХООЛ БОЛСООН. ЭРТХЭЭН ГЯТАДУУДАД ӨГ. ТАМ ОЧИРЫН АРААС ОРСОН.

Avatar

Зочин 2019-08-28 75.72.18.81

ИТОЧҮ-д өгөөд Нарны зам шиг чанартай зам бариулах хэрэгтэй биш үү?

NewsMN Гар утасны хувилбар Татах
NEWS.mn

Мэдээллийн эх сурвалж