Эрс өөрчлөлт хийхээс огт айдаггүй хэмээн өөрийгөө тодотгодог дуучин Ука шинэ өнгө төрх, стиль имижээрээ олныг гайхшируулж чаддаг нэгэн. Десант дээлийг трэнд болгож чадсан тэрбээр энэ удаа Хурд хамтлагтай хамтран “Долоон тэрбум” дууны клипээ цацлаа.

Дуучин Укаг этгээд хэв маягтай хөдөлмөрч бүсгүй гэдгийг нь үзэгч, сонсогчид андахгүй ч “Хурд” хамтлагийн шинэ өнгө төрх  стиль имиж ёстой л олны нүдийг бүлтийлгэв. Тус хамтлагийнхан хэв маягаа эвдэж өмнө нь харагдаж байгаагүй өнгөлөг хувцсаар жигдэрч, гэзгээ хоёр салаа сүлжин улаан малгай өмссөн нь ёстой л шинэ залуу үеийн хөгжмийн хамтлаг шиг харагдаж байна билээ. Ялангуяа тус хамтлагийн гоцлол дуучин Цогоогийн гэзгээ хоёр сүлжиж, улаан малгай нь дун донжтой харагдана лээ хэмээн фэнүүд нь жиг, жуг  Тэд ийнхүү хэв маягаа эвдсэн нь дуучин Укагийн санаачилга бололтой. Учир нь тэрбээр "7 тэрбум" клипний зураг авалтын стилистээр ажилласан юм байна.

Б.ЦЭЦЭГ