Туркийн Ерөнхийлөгч Рэжэп Тайип Эрдоган ОХУ-д айлчилж байгаа билээ. Тэрбээр өчигдөр /2019.08.27/ ОХУ-ын Ерөнхийлөгч Владимир Путины хамт Москва хотын ойролцоо нээгдсэн “МАКС” агаарын техникийн үзэсгэлэнг үзэж сонирхжээ.

Энэ үзэсгэлэнд Орос улс хамгийн сүүлийн үеийн “Су-57” сөнөөгч онгоцоо анх удаа нийтэд дэлгэсэн юм.Шинэхэн сөнөөгчийг Туркийн Ерөнхийлөгч Эрдоган ихэд шохоорхон нисгэгчийн бүхээг рүү нь өнгийж, нэг бүрчлэн ажиглажээ.

Эрдоган: Энэ Су-57 мөн үү, нисэхэд бэлэн үү?

Путин: Тиймээ, өнөөдөр бид нисэхийг нь харна.

Эрдоган: Бид худалдаж авч болох уу?

Путин: Бололгүй яахав гэх зэргээр хоёр удирдагч нөхөрсөгөөр ярилцжээ.

Су-57 бол ОХУ-ын бүтээж буй тавдугаар үеийн сөнөөгч онгоц бөгөөд эхний ээлжинд 76 ширхэгийг үйдвэрлэхээр төлөвлөжээ. Сүүлийн үед Орос-Туркийн зэвсэг техникийн хамтын ажиллагаа өргөжиж, NATO болон АНУ үүнд ихэд таагүй хандаж байгаа юм.

Эх сурвалж: FLIGHT GLOBAL