Арабын орноос Байгаль орчин, аялал жуулчлалын яам /БОАЖЯ/-нд 1.5 сая ам.долларын үнэ бүхий нийт 45 "Mitsubishi L200" загварын автомашиныг буцалтгүй тусламжаар өгөхөөр болжээ. Байгаль орчныг хамгаалахад дэмжлэг үзүүлэх зорилгоор хүлээлгэн өгөх автомашинууд улсын хилээр орж ирсэн бөгөөд орон нутгийн байгаль хамгаалагчдын ажлын нөхцлийг сайжруулахад ихээхэн дэмжлэг болно гэж үзэж байна.

Сүүлийн жилүүдэд Арабын орнууд Монгол Улстай байгаль орчныг хамгаалах чиглэлээр идэвхитэй хамтын ажиллагаа өрнүүлж байгаа аж. Тус орнуудаас буцалтгүй дэмжлэг, туслалцаа авах ажилд иргэн Д.Маржангүл идэвхи санаачлагатай оролцож иржээ.

Мөн Арабын орнууд Улаанбаатар хотын агаарын бохирдлыг бууруулах зорилгоор жил бүр 1-2 сая орчим ам.долларын буцалтгүй тусламжийг БОАЖЯ-нд үзүүлдэг юм байна.

Г.ХОРОЛ