Монгол Улс АНУ-ын Хүүхэд хамгаалах түншлэлийн гэрээнд хамрагдана | News.MN

Монгол Улс АНУ-ын Хүүхэд хамгаалах түншлэлийн гэрээнд хамрагдана

Монгол Улс АНУ-ын Хүүхэд хамгаалах түншлэлийн гэрээнд хамрагдана

Монгол Улс АНУ-ын Хүүхэд хамгаалах түншлэлийн гэрээнд хамрагдана

Гадаад харилцааны яамны Консулын газрын захирал Л.Мөнхтүшиг, АОДАГ-ын дэд захирал Д.Ганболд нар АНУ-ын Төрийн департаментын Хүний наймаатай тэмцэх, хянах алба (ХНТХХ)-ны даргын Ахлах зөвлөх Жэйн Сигмон тэргүүтэй төлөөлөгчидтэй уулзалт хийжээ.

Уулзалтын үеэр талууд АНУ-аас бусад улсад үзүүлдэг тусламжийн төрөлжсөн хөтөлбөрийн нэг болох Хүүхэд хамгаалах түншлэлийн компакт гэрээ (Child Protection Compact Partnership)-нд Монгол Улс хамрагдахаар болсныг мэдээлж, компакт гэрээг байгуулах талаар санал, мэдээлэл солилцсон байна.

Хүүхэд хамгаалах асуудлаарх түншлэлийн компакт гэрээний зорилго нь хүүхэд худалдаалах гэмт хэрэгтэй тэмцэж, мөн холбогдох бусад асуудлыг шийдвэрлэж буй Монгол Улсын Засгийн газар болон иргэний нийгмийн хүчин чармайлтыг эрчимжүүлэх, уялдаа холбоог сайжруулахад чухал хувь нэмэртэй юм.

Энэхүү компакт гэрээнд хамрагдсанаар АНУ-ын хүний наймаатай тэмцэх тусламжийн хүрээнд 5 сая ам.долларын санхүүжилтийг манай улсын хүүхэд хамгаалах, хүүхэд худалдаалах гэмт хэрэгтэй тэмцэх үйл ажиллагаа, хүчин чармайлтад зориулан олгох боломжтой юм байна.

АНУ нь Хүүхэд хамгаалах түншлэлийн компакт гэрээг 2015 онд анх Гана Улсын Засгийн газартай байгуулсан бөгөөд түүнээс хойш Филиппин, Перу, Ямайка зэрэг улстай байгуулаад байгаа ажээ.

Эх сурвалж: ГАДААД ХАРИЛЦААНЫ ЯАМ

"Болор дуран"-аар шалгав.
Энэ мэдээнд өгөх таны сэтгэгдэл?
0
ЗөвЗөв
0
ХахаХаха
0
ХөөрхөнХөөрхөн
0
ГайхмаарГайхмаар
0
ХарамсалтайХарамсалтай
0
ТэнэглэлТэнэглэл
0
БурууБуруу
Баярлалаа!

Холбоотой мэдээ

0 сэтгэгдэл

News.mn сайтад сэтгэгдэл оруулахад анхаарах зүйлс

NewsMN Гар утасны хувилбар Татах
NEWS.mn

Мэдээллийн эх сурвалж