УИХ-ын чуулганы нэгдсэн хуралдааныг өнөөдөр 15.00 цагт товлон Үндсэн хуульд нэмэлт, өөрчлөлт оруулах хуулийн төслийн хоёрдахь хэлэлцүүлгийг хийх байсан ч гишүүдийн ирц хүрээгүйн улмаас  маргааш өдрийн 12.00 цаг хүртэл хойшлогдлоо.

Өнөөдөр /2019.08.26/ УИХ дахь МАН-ын бүлгийн  хуралдаанаар зарчмын зөрүүтэй байсан хоёр асуудлыг хэлэлцээд нэгдүгээрт, байгалийн баялаг төрийн, нийтийн өмч байх, хоёрдугаарт  шүүхтэй холбоотой гурван заалтыг Үндсэн хуулийн төсөлд тусгахаар болж улмаар Төрийн байгуулалтын байнгын хорооны хуралдаанаар дэмжигдсэн юм.