Зориг сан нь наймдугаар сарын 24-ний үдээс хойш “Ардчилал зуны зуслан” 5 дахь удаагийн сургалтын  төгсөлтийн арга хэмжээг зохион байгуулав. Тус сангийн зөвлөх Н.Энхбаяр “Энэхүү зуны зуслангийн зорилго нь залуу үеийнхэнд ардчиллын тухай мэдлэгийг түгээж, манлайлах ур чадварыг бэхжүүлэхэд чиглэж байгааг тэмдэглэв. Мөн зуны зуслангийн зорилго нь ардчиллыг тогтвортой урагшлуулан хөгжүүлэхэд оршино.

Тайваниас Монгол Улсад суугаа дэд төлөөлөгч Жой Янь хэлэхдээ “Монгол, Тайвань нь өрнөдийн ардчилал өндөр хөгжсөн орнуудтай харьцуулахад ардчилал хөгжөөд удаагүй байгаа хэдий ч олон жилийн туршид хүчин чармайлт гаргасны эцэст Монгол нь өөрийн бүс нутагт "Ардчиллын баян бүрд" болж байсан бол Тайвань нь "Азийн ардчиллын гэрэлт цамхаг" болж чаджээ. Хоёр орны ард иргэд ардчилсан хөгжлийн үзэл санаанд бат бөх итгэл үнэмшилтэй бөгөөд үндэсний тусгаар тогтнолыг хамгаалж, ардчилал, эрх чөлөөт амьдралын хэв маягийг хамгаалахыг зорьж байна.

Зориг сан нь 1998 онд Монголын ардчилсан хөдөлгөөнийг санаачлагч С.Зориг агсаны дурсгалыг хүндэтгэх зорилгоор байгуулагдсан бөгөөд сан нь Тайванийн Ардчиллын сантай ардчилсан зуны зусланг зохион байгуулах чиглэлээр олон жилийн турш хамтран ажилласан бөгөөд энэ жил 158 өргөдөл хүлээн авснаас нийт 20 оюутанг энэхүү хөтөлбөрт хамруулжээ.