2015 оны 7-р сарын 18-24-ний өдөр АНУ-ын Калифорни мужийн Пасадена, Тастин хотуудад зохион байгуулагдсан 2015 оны Идэрчүүдийн аварга шалгаруулах олон улсын гольфын наадамд (2015 Veritas World Junior) Монгол улсаа төлөөлөн оролцсон 13 настай Г.Сэнгүм 13 насны охидын ангилалд нийт 6000 ярдын зай бүхий 18 нүхтэй Brookside Golf Club-ийн 75 пар бүхий Koiner талбайд болсон 3 өдрийн тэмцээний эхний өдрийн байдлаар -6 оноо, хоёр дахь өдрийн байдлаар +3 оноо, гурав дахь өдрийн байдлаар +7 оноо авж  нийлбэр дүнгээр +4 буюу нийт 229 оноогоор 1-р байр эзэлж алтан медалийн болзол хангасан байна. Энэхүү олон улсын тэмцээн нь 4 дэх жилдээ зохион байгуулагдаж байгаа байгаа AAU буюу АНУ-ын Атлетикийн Холбооноос хүүхдийн  гольфын олимп хэмээн нэрлэгдэх болсон тэмцээн бөгөөд энэ жилийн тэмцээнд нийт 21 орны 6-18 насны 322 хүүхэд өрсөлдсөн байна.

13 насны ангилалд 3 өдрийн турш өрсөлдсөн тамирчдын байрыг жагсаавал:

1-р байр +4 оноогоор Г. Сэнгүм, Улаанбаатар, Монгол улс

2-р байр +26 оноогоор Уайти Шани, Эл Сэкүндо, Калифорни, АНУ

3-р байр +65 оноогоор Пател Куши, Пласентиа, Калифорни, АНУ

4-р байр +67 оноогоор Бодингтон Лорен, Бурнаби, Канад улс

Тэмцээний онооны мэдээллийг доорх хуудсаар харах боломжтой бөгөөд тэмцээний албан ёсны вэб хуудас нь www.veritasworldjunior.org юм байна.