Хашаатын даваа-Толбо сум чиглэлийн авто зам ашиглалтад орлоо | News.MN

Хашаатын даваа-Толбо сум чиглэлийн авто зам ашиглалтад орлоо

Хашаатын даваа-Толбо сум чиглэлийн авто зам ашиглалтад орлоо

Хашаатын даваа-Толбо сум чиглэлийн авто зам ашиглалтад орлоо

УИХ, Засгийн газрын гишүүн, Зам, тээврийн хөгжлийн сайд Б.Энх-Амгалан баруун бүсийн аймгуудад ажиллаж, салбарын хэмжээнд хэрэгжиж буй төсөл, хөтөлбөрүүдтэй танилцан, зарим бүтээн байгуулалтын ажлын явцад тулгарч буй асуудлуудад газар дээр нь шаардлагатай арга хэмжээг авч, үүрэг чиглэл өгөн ажиллаж байна.

Тэрбээр наймдугаар сарын 17, 18-ны амралтын өдрүүдэд Баянхонгор, Говь-Алтай аймагт ажиллаж, Баянхонгор-Байдрагийн гүүр чиглэлийн 129.4 километр хатуу хучилттай авто замыг ашиглалтад оруулсан бол наймдугаар сарын 18-21-ний өдрүүдэд Ховд, Баян-Өлгий аймагт ажиллав.

Баян-Өлгий аймагт шинээр баригдсан Хашаатын даваа-Толбо сум чиглэлийн 60 километр хатуу хучилттай авто замын барилгын ажил дөрвөн жил үргэлжилсний эцэст дуусгавар болж, Улсын комисс ажиллан, тээврийн хэрэгслийн зорчих хэсгийн хөдөлгөөнийг нээлээ. Уг төслийн зөвлөхөөр БНЭУ-ын ICT SAIN CONSALTING LLC компани ажиллсан бол ерөнхий гүйцэтгэгчээр БНХАУ-ын Чайна Хуаши Энтерпрайзис Лимитэд ХХК ажиллалаа.

Азийн хөгжлийн банкны зээлийн хөрөнгөөр хэрэгжсэн энэхүү авто замын зорчих хэсгийн өргөн 7 метр, хоёр талдаа 1.5 метр хөвөөтэй, 5 сантиметр зузаан асфальтан хучилт, 69 хоолой, 15-30 метрийн урттай гурван ширхэг гүүртэй, олон улсын шаардлага стандарт бүхий авто зам юм. Одоогоор замын зарим хэсэгт тэмдэг тэмдэглэгээ, хурд сааруулагч зэрэг ажил хийгдэх үлдсэн бөгөөд Зам, тээврийн хөгжлийн сайд Б.Энх-Амгалан есдүгээр сарын 15 гэхэд үлдсэн ажлаа хийж дуусгасан байхыг холбогдох албаны хүмүүст үүрэг болголоо.

Энэхүү авто зам нь баруун бүсийн босоо тэнхлэгийн Азийн авто замын сүлжээний АН-4 чиглэлд хамаардаг бөгөөд энэ нь ОХУ, Монгол Улс, БНХАУ гурван улсын Новосибирк – Барнау – Горно Алтайск – Ташанта – Улаанбайшинт – Ховд – Ярант – Такешкен – Өрөмч – Каши – Хонкираф гэсэн чиглэлээр дайран өнгөрч, Монгол Улсын нутаг дэвсгэрээр нийт 756 километр авто замын сүлжээг хамардаг.

Энэхүү сүлжээг Баруун босоо тэнхлэгийн авто зам гэж нэрлэдэг ба Монгол Улсын баруун бүс нутгийн эдийн засаг, нийгмийн хөгжилд төдийгүй бүс нутгийн эдийн засгийн хамтын ажиллагаа, худалдаа эргэлтийг нэмэгдүүлэхэд чухал ач холбогдол бүхий авто зам юм. Мөн ОХУ, Монгол Улс, БНХАУ хооронд “Эдийн засгийн коридор” байгуулах хөтөлбөрийн хүрээнд дээрх авто замын сүлжээг дамжин өнгөрөх олон улсын тээвэрлэлтэд идэвхтэй ашилах зорилтыг тавих ажиллаж байна.

ЭХ СУРВАЛЖ: ЗАМ, ТЭЭВРИЙН ХӨГЖЛИЙН ЯАМ

"Болор дуран"-аар шалгав.
Энэ мэдээнд өгөх таны сэтгэгдэл?
3
ТэнэглэлТэнэглэл
2
ЗөвЗөв
0
ХахаХаха
0
ХөөрхөнХөөрхөн
0
ГайхмаарГайхмаар
0
ХарамсалтайХарамсалтай
0
БурууБуруу
Баярлалаа!

Холбоотой мэдээ

5 сэтгэгдэл

News.mn сайтад сэтгэгдэл оруулахад анхаарах зүйлс

Avatar

hannah 2019-08-25 105.112.120.35

МОНГОЛ УЛСЫН МИНИЙ ХҮН
МӨНГӨ ОРУУЛАЛТТАЙ БОЛОМЖТОЙ БОЛОМЖТОЙ БОЛОМЖТОЙ БОЛОМЖТОЙ БОЛОМЖТОЙ ЗЭЭЛИЙН ЗЭЭЛИЙН ЗЭЭЛИЙН КОМПАНИЙН ИРГЭДИЙН САНХҮҮГИЙН БАНК-ИЙН БОЛОМЖТОЙ БОЛОМЖТОЙ, БУРХАН ШААРДСАН БАНК (citybankloans10@aol.com) (citybankloans123@gmail.com)
Намайг Мария гэдэг. Би МОГОЛИЯ-аас ирсэн. Би сүүлийн 5 сарын турш жинхэнэ зээлийн компанийг хайж, бүх байшингаа худалдаж авлаа. тэд хариуд нь юу ч өгөхгүйгээр миний мөнгийг авсан, миний бүх найдвар алга болж, би бухимдаж, бухимдаж, интернетийн зээли

Avatar

Зочин 2019-08-25 49.0.213.12

Сонгуулийн шоу

Avatar

Иргэн 2019-08-25 202.179.25.122

Баянхонгороос Байдрагийн гүүр хүрэх гэж 2 удаа төөрөөд аргаа бараад айл бараадаад хоноголж байлаа. Нэг талаар зам барихаар баярламаарч хүний хөлд дарагдаад байгаль сүйдээд байхаар санаа зовох юм.

Avatar

Зочин 2019-08-25 202.170.84.188

байгаль сүйдээд гэж юу ярьна… очиж үсрээд л хог тарьна биз….байгаль сүйтгэх чинь уул уурхайгаа л ойлгож яриарай… зам тавьж л хот хөдөөний ялгаа багасаж эх орноороо тойрон аялана шүүдээ…

Avatar

Зочин 2019-08-25 66.181.161.6

"Зам, тээврийн хөгжлийн сайд Б.Энх-Амгалан .. Баянхонгор-Байдрагийн гүүр чиглэлийн 129.4 километр хатуу хучилттай авто замыг ашиглалтад оруулсан" гэнэ үү? Тэгвэл наадах нөхрийг чинь энд тэнд аваачиж тавиад л зам ашиглатанд оруулаад баймаар ид шидтэй нөхөр байна шдээ!!!!!

NewsMN Гар утасны хувилбар Татах
NEWS.mn

Мэдээллийн эх сурвалж