Нийслэлчүүд өвөлд бэлэн үү | News.MN

Нийслэлчүүд өвөлд бэлэн үү

Нийслэлчүүд өвөлд бэлэн үү

Нийслэлчүүд өвөлд бэлэн үү

Энэ жил намрын халуун өдрүүдийг үзэлгүй өвөлтэй золгож магадгүй байна. Энэ үед өвөлжилтийн бэлтгэлийн талаар сонирхохгүй хүн ховор байгаа нь ойлгомжтой. Наймдугаар сарын 10-ны байдлаар нийслэлийн өвөлжилтийн бэлтгэл ажил 70 гаруй хувьтай байна гэсэн мэдээллийг салбарынхан өгч байна.

Дулааны гуравдугаар цахилгаан станцын өндөр даралтын хэсгийн суурилагдсан хүчин чадлыг 75 МВт-аар нэмэгдүүлэх, Дулааны дөрөвдүгээр цахилгаан станцын турбогенераторыг шинэчлэн хүчин чадлыг нэмэгдүүлэхээр Засгийн газраас шийдвэрлэсэн. Энэ ажил ид хийгдэж байгаа аж. Одоогоор Улаанбаатар хотын цахилгаан дамжуулах сүлжээнд хийгдэж буй 35 кв-ын агаарын шугам болон дэд станцуудад засвар шинэчлэлтийн ажил 83.8 хувьтай байна.

“Дулааны гуравдугаар цахилгаан станц” ТӨХК  2019-2020 оны өвөлжилтийн бэлтгэл ажлын хүрээнд 41 ажил хийгдэх бөгөөд одоогоор 69 хувьтай байна. Ирэх аравдугаар сарын 01 гэхэд бүх ажлыг дуусгах төлөвлөгөөтэй ажиллаж байгаа гэдгийг албаныхан хэлж байна.

“Дулааны дөрөвдүгээр цахилгаан станц” ТӨХК нь нийслэл Улаанбаатар хотын дулааны эрчим хүчний хэрэглээний 55 хувийг хангадаг Монгол Улсын эрчим хүчний хамгийн том үйлдвэр юм. Улмаар өвөлжилтийн бэлтгэл ажил төлөвлөгөөт графикийн дагуу явж байгаа аж.

“Улаанбаатар дулааны сүлжээ” ТӨХК  “Баянхошуу дэд төв”-ийг төвлөрсөн дулаанаар хангах дулааны шугам угсралтын ажил хийгдэж буй. Энэ ажлыг хийснээр СХД-ийн 7 дугаар хороо, хилчин хорооллыг төвлөрсөн дулаанд холбох юм.

Нийслэлийн гэр хороололд амьдарч байгаа айл өрхийг галалгааны улиралд сайжруулсан түлшээр хангахад 600,000 тонн түлш шаардлагатай. Одоогоор 130,000 мянган тонн  сайжруулсан шахмал түлш үйлдвэрлэн нөөцлөөд байна.

Ямартай ч энэ мэт нийслэлийн өвөлжилтийн бэлтгэл ажил эхэлчихсэн байна. Дээрх засвар үйлчилгээний ажил бүрэн хийгдэж гэмээнэ бид "гал алдах"-гүй" өвөлжинө.

 

"Болор дуран"-аар шалгав.
Энэ мэдээнд өгөх таны сэтгэгдэл?
1
ЗөвЗөв
1
ГайхмаарГайхмаар
0
ХахаХаха
0
ХөөрхөнХөөрхөн
0
ХарамсалтайХарамсалтай
0
ТэнэглэлТэнэглэл
0
БурууБуруу
Баярлалаа!

Холбоотой мэдээ

2 сэтгэгдэл

News.mn сайтад сэтгэгдэл оруулахад анхаарах зүйлс

Avatar

болдоо 2019-08-25 202.126.89.244

нүүрс түлэхгүй утаагүй өвөлжих байх гэж найдаж байгаа шүү … ажил хэрэг бүтэлтэй сайхан болоосой

Avatar

Матар 2019-08-25 64.119.19.238

Эрчимийнхэн ч яахав хийх юмаа хийгээд евлийг даваад л гарна, харин энэ орон сууцны контор энэ тэрууд заримдаа хэцуу дээ, дээр нь тэр сайжруулсан шахмал тулш ч асуудал дагуулна даа, худлаа тоо ярисан баахан дарга нилээн бажгадах байх даа, болдог бол тэр дарганцаруудад хотын захад гэр барьж егеед евелжуулэх хэрэгтэй, тэгвэл жоохон юм ойлгож хоосон тооноосоо салах биз

NewsMN Гар утасны хувилбар Татах
NEWS.mn

Мэдээллийн эх сурвалж