УИХ-ын ээлжит бус чуулган ганц асуудал хэлэлцжээ

Хуучирсан мэдээ: 2019.08.25-нд нийтлэгдсэн

УИХ-ын ээлжит бус чуулган ганц асуудал хэлэлцжээ

УИХ-ын ээлжит бус чуулган ганц асуудал хэлэлцжээ

УИХ-ын ээлжит бус чуулган есдүгээр сарын 1-нд завсарлана. Өнгөрсөн долдугаар сарын 05-нд нээсэн ээлжит бус чуулганаар үндсэн 14 асуудал хэлэлцэхээс төлөвсөн ч харамсалтай нь нэг удаа хуралдаж нэг л асуудал хэлэлцжээ. Тодруулбал, долдугаар сарын 16-ны өдөр ээлжит бус чуулган хуралдаж Үндсэн хуулийн цэцийн 2019 оны 03 дугаар дүгнэлтийг хэлэлцээд тус дүгнэлтийг хүлээн зөвшөөрөх боломжгүй гэж гишүүдийн олонхи үзсэн юм. Уг өдөр Монгол Улсын Ерөнхийлөгч чуулганы нэгдсэн хуралдаанд оролцож, өөрийн боловсруулсан Үндсэн хуульд нэмэлт, өөрчлөлт оруулах хуулийн төсөл, саналаа танилцуулсан.

Үүнээс хойш дахин ээлжит бус чуулган хуралдалгүй Ерөнхийлөгчийн өргөн барьсан хуулийн төслийг УИХ-ын 62 гишүүний өргөн барьсан хуулийн төсөлтэй нэгтэх зөвшилцөх ажлын хэсгийг байгуулж ажилласан юм.

Өнгөрсөн долоо хоногт тус ажлын хэсэг тодорхой зөвшилцөл шийдэлд хүрч, Ерөнхийлөгчийн саналуудаас зарим заалтыг хүлээж авахаа МАН-ын бүлэг мэдэгдсэн. Үүгээр баасан гаригийн үдээс хойш Төрийн байгуулалтын байнгын хороо хуралдаж, Монгол Улсын Үндсэн хуульд оруулах нэмэлт, өөрчлөлтийн төслийн хоёр дахь хэлэлцүүлгийг хийж эхэлсэн. Маргааш нь буюу Даваа гаригт дахин Төрийн байгуулалтын байнгын хороо хуралдаж, Монгол Улсын Үндсэн хуульд оруулах нэмэлт, өөрчлөлтийн төслийн хоёр дахь хэлэлцүүлгийг хийж дуусгаснаар үргэлжлүүлэн чуулганы нэгдсэн хуралдаан хуралдахаар төлөвлөжээ.

Үндсэндээ ирэх долоо хоногийн Ням гаригт ээлжит чуулган завсарлах ч дараах асуудлуудыг чуулганаар хэлэлцэхээр хүлээгдэж байна.

Ээлжит бус чуулганаар дараах асуудлуудыг хэлэлцэхээр тогтоосон.  Үүнд:

  • Монгол Улсын Үндсэн хуульд оруулах нэмэлт, өөрчлөлтийн төсөл болон холбогдох хууль тогтоолын төсөл /хэлэлцүүлэг үргэлжилнэ/;
  • “Оюутолгой ордыг ашиглах хөрөнгө оруулалтын гэрээний хэрэгжилтийг шалгаж, санал дүгнэлт гаргах үүрэг бүхий” Улсын Их Хурлын Ажлын хэсгийн ажлын тайлан, үүнтэй холбогдуулан Улсын Их Хурлаас гаргах шийдвэрийн төслийн тухай;
  • Үндсэн хуулийн цэцийн 2019 оны 03 дугаар дүгнэлт; / ХЭЛЭЛЦСЭН ГАНЦ АСУУДАЛ НЬ/
  • “Тогтоолын хавсралтад нэмэлт, өөрчлөлт оруулах тухай” Улсын Их Хурлын тогтоолын төсөл;
  • Монгол Улсын Засгийн газар, Европын сэргээн босголт, хөгжлийн банк хоорондын “Санхүүжилтийн ерөнхий хэлэлцээр”-ийг соёрхон батлах тухай хуулийн төсөл;
  • Монгол Улсын Засгийн газар Азийн хөгжлийн банк хооронд байгуулсан “Санхүүжилтийн ерөнхий хөтөлбөр”-ийг соёрхон батлах тухай хуулийн төсөл;
  • Уур амьсгалын ногоон сангийн хөнгөлөлттэй зээлийн хөрөнгөөр хэрэгжүүлэх “Улаанбаатар хотын төлбөрийн чадварт нийцсэн ногоон орон сууц ба дасан зохицох чадвар бүхий хотын шинэчлэл төсөл”-ийн Зээлийн хэлэлцээрийг соёрхон батлах тухай хуулийн төсөл;
  • Экспортын зээлийн тухай Монгол Улсын Засгийн газар, Бүгд Найрамдах Беларусь Улсын Засгийн газар хоорондын ерөнхий хэлэлцээрийг соёрхон батлах тухай хуулийн төсөл;
  • Монгол Улсын 2018 оны нэгдсэн төсвийн гүйцэтгэл, Засгийн газрын санхүүгийн нэгтгэсэн тайлан, “Монгол Улсын 2018 оны төсвийн гүйцэтгэлийг батлах тухай” Улсыи Их Хурлын тогтоолын төсөл;
  • Санхүүгийн хамтын ажиллагааны ерөнхий хөтөлбөрийн тухай Монгол Улсын Засгийн газар, Унгар Улсын Засгийн газар хооронд байгуулсан хэлэлцээрийн нэмэлт, өөрчлөлтийн төсөл /Улсын Их Хурлын холбогдох Байнгын хороодтой зөвшилцөх/;
  • Монгол Улсын Засгийн газар, Азийн хөгжлийн банктай хамтран хэрэгжүүлэх “Эмзэг бүлгийн иргэдийн эрүүл мэндийн тусламж, үйлчилгээний хүртээмжийг сайжруулах хөрөнгө оруулалтын хөтөлбөр"-ийн Санхүүжилтийн ерөнхий хэлэлцээрийн төсөл /Улсын Их Хурлын холбогдох Байнгын хороодтой зөвшилцөх/;
  • Сонгуулийн ерөнхий хорооны гишүүдийг томилох, чөлөөлөх тухай асуудал;
  • Өргөн нэвтрүүлгийн тухай хуулийн төсөл болон хамт өргөн мэдүүлсэн хуулийн төслүүд;
  • Монгол Улсын Их Хурлын 2019 оны намрын ээлжит чуулганаар хэлэлцэх асуудлын тухай Улсын Их Хурлын тогтоолын төслийг тус тус хэлэлцэнэ.
Энэ мэдээнд өгөх таны сэтгэгдэл?
5
ТэнэглэлТэнэглэл
0
ЗөвЗөв
0
ХахаХаха
0
ХөөрхөнХөөрхөн
0
ГайхмаарГайхмаар
0
ХарамсалтайХарамсалтай
0
БурууБуруу
Баярлалаа!

Холбоотой мэдээ

NewsMN Гар утасны хувилбар Татах
NEWS.mn

Мэдээллийн эх сурвалж