ОХУ-ын төрийн Думын (парламентын доод танхим) гадаадын хөндлөнгөөс нөлөөлөх төлөвлөгөөг судлах комиссоос Германы “Deutsche Welle” мэдээллийн агентлагийн сэтгүүлчдийг уулзалтдаа “урьжээ.” ОХУ-ын төрийн Думын аюулгүй байдал, авлигын эсрэг хорооны дарга Василий Пискарев хэлэхдээ “Бидэнд “Deutsche Welle” агентлагийн сэтгүүлчдээс асуух зүйл байгаа учраас тэднийг урьсан. Бид үнэнийг, шууд асууж тодруулахыг хүсч байна” хэмээжээ. Уулзалтын өдрийг гишүүдтэй ярилцаж тогтоно гэж тэрбээр нэмж мэдэгдсэн байна.

Өмнө нь наймдугаар сарын 19-нд төрийн Думын дарга Вячеслав Володин хэлэхдээ ОХУ-ын дотоод хэрэгт хөндлөнгөөс оролцож буй байгууллага, улс орнуудыг нэрлэхдээ АНУ болон “Deutsche Welle” агентлагийг дурдсан аж.

Түүнчлэн ОХУ-ын гадаад хэргийн яамнаас Москва хот дахь Германы элчин сайдын яамны элчин сайдыг орлогч дипломат Бийтэ Грзескиг дуудаж “Deutsche Welle” агентлагийн Москвагийн оршин суугчид зөвшөөрөлгүй гудамжинд жагссан талаарх мэдээлэлд тайлбар авчээ.

ЭХ СУРВАЛЖ: TASS