Олон улсын зээлжих зэрэглэлийн Фитч агентлаг “Fitch on Mongolia 2019” форумыг 2019 оны 8 дугаар сарын 22-ны өдөр Улаанбаатар хотод зохион байгууллаа.

Энэхүү форумыг Монголбанкны Дэд Ерөнхийлөгч Б.Лхагвасүрэн нээж, Монголбанк, Сангийн яам, Уул уурхай, хүнд үйлдвэрийн яам болон бусад санхүүгийн байгууллагын төлөөллүүд “Монгол Улсын эдийн засаг, банкны салбарын төлөв байдал ба бодлогын тулгамдсан асуудлууд” болон “Уул уурхайн секторын төлөв байдал” сэдвүүдийн хүрээнд хэлэлцүүлэг өрнүүлэв. Түүнчлэн Фитч агентлаг Монгол Улсын зээлжих зэрэглэлийн өнөөгийн үнэлгээ болон цаашид зээлжих зэрэглэлийг дээшлүүлэх хүчин зүйлсийн талаар мэдээлэл өглөө.

Эх сурвалж: МОНГОЛБАНК