Үндэсний баяр наадмыг Улс даяар нэг өдөр хийе | News.MN

Үндэсний баяр наадмыг Улс даяар нэг өдөр хийе

Үндэсний баяр наадмыг Улс даяар нэг өдөр хийе

Үндэсний баяр наадмыг Улс даяар нэг өдөр хийе

Хэдхэн хоногийн өмнө Монгол улсын Онцгой комиссын өргөтгөсөн хурал боллоо. Энэ үеэр Монгол Улсын Шадар сайд Ө.Энхтүвшин “Үндэсний баяр наадам зах замбараагаа алдаж байгаа тухай хэлээд баяр наадмыг нэг өдөр зохион байгуулдаг болох хэрэгтэй байна, цаашид анхаарч ажиллана” гэж хэлсэн.

2003 онд Үндэсний Их Баяр наадмын тухай хууль гарсан байдаг. Уг хуульд зааснаар Улсын баяр наадмыг Засгийн газар, аймаг, сумын баяр наадмыг тухайн шатны Засаг даргын тогтоосон газарт тус тус тэмдэглэнэ хэмээн 2 дугаар зүйлийн 4-т заасан. Мөн Үндэсний их баяр наадам нь улс, аймаг, нийслэл, сум (дүүрэг)-ын баяр наадмаас бүрдэнэ гэсэн заалт бий. Хэрвээ энэ хуулиас үзвэл Монгол Улсын Үндсэн хууль болон Засаг Захиргаа, нутаг дэвсгэрийн тухай хуульд зааснаар аймаг нь нийслэлтэй, сум нь дүүрэгтэй, баг нь хороотой дүйж байгаа тул дүүргийн наадамд түрүүлсэн бөхөд аймгийн арслан цол өгч байгаа нь бас л хуулийн завхрал явагдаж байгаагийн илэрхийлэл. Налайх болон Багануур дүүргийн наадамд түрүүлээд аймгийн арслан цолонд хүрч байгаа явдал нь шударга бус юм. За энэ ч яах вэ, өөр хэрэг.

Харин Үндэсний баяр наадмын тухай хууль анх гарснаас хойш 2007 оны 7 сар, 2014 оны 6 сар, 2017 оны 2 сард тус тус нэмэлт өөрчлөлт оруулсан байдаг. Хамгийн сүүлийн 2017 оны нэмэлт өөрчлөлтөөр Үндэсний сур харваанд олгож буй цолыг өөрчилсөн. Бид Үндэсний баяр наадмаа хийх өдрөө хуульчлаад оруулж өгч яагаад болохгүй гэж. Ийн бичиж буй учир нь бөхчүүд "яс горьдсон нохой" шиг аймаг, сумын наадам хэсэж наадам үймүүлж, будлиантуулах явдал хэрээс хэтэрч байна. Магадгүй үүнийг анзаарсан учраас Шадар сайд Ө.Энхтүвшин баяр наадмыг нэг өдөр хийдэг больё гэж хэлсэн болов уу?

Хэдийгээр нүдээрээ харж, баримтаар нотлоогүй ч аймаг, сумын наадам байтугай улсын наадамд допинг, найрааны асуудал амь бөхтэй оршин байсаар өдийг хүрч байгаа. Бүр сүүлдээ үндэсний өв уламжлал болсон баяр наадмаа улс даяараа хийж чадахаа болиод, хэрүүл тэмцэл, талцал болоод байгаа нь нэгэнтээ тодорхой болоод байна.

Иймд улсын наадмаа 10-наас 12-ны өдрүүддээ хийгээд, улсын хэмжээнд байгаа 330 сумын наадмыг нэг өдөр, 21 аймгийн наадмыг мөн нэг өдөр хийвэл лав л наадмаас наадам хэсэж, орон нутгийн иргэдийг бухимдуулан байж будлиан үүсгэх асуудал бага ч болов цэгцрэх боломжтой. Бид Үндэсний баяр наадмын тухай хуулиндаа өөрчлөлт оруулж болж байхад яагаад улсын наадмаасаа зөрүүлээд аймаг, сумын наадмыг нэг өдөр хийх талаар тусгаж болохгүй гэж?

Б.БЯМБАБАЯР

"Болор дуран"-аар шалгав.
Энэ мэдээнд өгөх таны сэтгэгдэл?
2
ЗөвЗөв
0
ХахаХаха
0
ХөөрхөнХөөрхөн
0
ГайхмаарГайхмаар
0
ХарамсалтайХарамсалтай
0
ТэнэглэлТэнэглэл
0
БурууБуруу
Баярлалаа!

Холбоотой мэдээ

12 сэтгэгдэл

News.mn сайтад сэтгэгдэл оруулахад анхаарах зүйлс

Avatar

Zochin 2019-08-23 66.181.185.169

Zardal mungee hemheh, olon dahin aimguudiin bolon ovoo dovnii naadmaa bolimoor baina. Sagsahnaj mori uralduulj hunii huuhed zodoj nair naadam heterhii havtgairch baigaa ny busdad daramttai munge tsatssan ediin zasagch bish urelgen zangaa bolij huulind zahiragdaj ner mur hideg bolmoor baina. .

Avatar

Монголд жудаггүй 3 төрлийн хүн байна. 1.Улс төрчид 2.Уяачид 3.Бөхчүүд 2019-08-23 202.21.112.37

Улсын наадмыг орон даяар нэг өдөр 7 сарын 11,12 ндоо л өмнөх шигээ тэмдгэлэх хэрэгтэй. тэгэхгүй бол нэг хэсэг хүмүүс л газар газрын наадмын морь, бөхийн түрүүг авдаг наадам хэсэж энд очиж хор хутгаж мөнгө олох хялбар ажил хийж байна. энгийн хөдөөгийн малчин уяач болон залуу бөхчүүдэд нь боломж гардаггүй. Мөн нэг өдөр наадамаа хийгээгүйгээс 7 сар бүтэн наадам хийсээр байгаад таардаг. манай улс шиг ийм баяр наадам нь ихэдсэн улс орон алга.

Avatar

ЦДОО 2019-08-23 103.26.194.163

Улс, аймаг, сум тэгш ой байсан ч хамаагүй бүгдээрээ 7 сарын 11-нд наадмаа хийж сурцгаая. Энэ 7/8-10-нд, эсвэл 7 сарын хорин хэдэнд, 8 сард наадмаа хийж байгаа нь Хөдөлмөрийн хуулиа зөрчөөрд байгаа шүү дээ. 7/ 8-10-нд наадмаа хийчихсэн гээд 7/11-13-нд ажилладаг аймаг, сум байдаг уу? Тэгээд ч 7/11-13-нд наадмаа орон даяар зэрэг хийчихээд, наадмын маргаашнаас хадлан, тариа , өвлийн бэлтгэлээ хангасан нь улс орны хөгжил, ард түмний амьдралд илүү өгөөштэй байхыг бүх монгол хүн ойлгох цаг болжээ.

Avatar

Зочин 2019-08-23 202.21.127.169

Наадмыг улс орон даяар нэг өдөр зэрэг хийх нь зүйтэй. Сум, аймаг, улсын наадамд барилдах, уралдах, харвах нь тухайн хүний сонголтын асуудал.Ер нь үндэсний баяр наадмын бөх, морь, сур нь "спорт" гэхээсээ илүүтэй ард түмний" баяр цэнгэл" гэж ойлговол зохилтой, магадгүй үндэсний баяр наадмаар цол зэрэг олгодоггүй, харин шагнал урамшуулал боломжийн байвал зүгээр байх.

Avatar

ЦДОО 2019-08-23 103.26.194.163

Социализмын үед ч даншигийн үед ч нэг өдөр л наадам баяраа тэмдэглэдэг. Мөн 1999 онд Ерөнхий сайд байсан Амаржаргал энэ баяр наадмыг цэгцлэх тухай Засгийн газрын тогтоол гаргасан боловч 2000 он гараад хэрэгжиж чадаагүй. Энхтүвшиний санал маш зүйтэй. Тэр аймаг, сумын хэдэн жилийн ой болно, тэр аймаг, сумын бөх түрүүлэг л дээ, тэгээд тэр жип, машиныг нь аваг л дээ. Заавал улсын алдар цолтой бөх түрүүлүүлж түүнд өгч улам баяжуулах, авилгад идүүлэх , биеэ тоож онгироо болгох шаардлага юу байна.

Avatar

иргэн 2019-08-23 202.126.89.198

Бидний амралт ихдээд байна. Амралтыг цөөлөх шаардлагатай. Баярын өдрүүдийг ч цөөлж, наадмыг нэг өдөр хийх нь зөв.

Avatar

Зочин 2019-08-23 202.9.42.141

Бөхчүүдэд цол олгохын тулд наадам хйидэггүй. Ард түмнээ цэнгүүлэх гэж баяр наадмыг зохион байгуулдаг юм. тийм учраас ҮНДЭСНИЙ ИХ БАЯР НААДАМЫГ орон даяар нэг өдөр эхлүүлэн 3 хоногт багтаан явуулж байх нь зөв болов уу

Avatar

Зочин 2019-08-23 202.9.43.227

Аймаг сумандаа сайн барилдсан нь улсын наадамд ирж оролцох боломжтой байх хэрэгтэй. Эхлээд сумууд, аймгууд, сүүлд нь улсын наадмаа хийвэл зүгээр. Аймаг сумууд бүгд нэг өдөр хийхийг дэмжиж байна

Avatar

Зочин 2019-08-23 202.179.27.22

Дараа жил нь оролцож болно. Бүх наадам нэг өдөр хийхийг дэмжиж байна.

Avatar

Зочин 2019-08-23 103.229.121.145

Улсын наадамд зөвхөн бөх барилдуул.
Аймгийн ннадамд зөвхөн нум сум харвуул
. Сумын наадамд зөвхөн морь уралдуул. .

Avatar

fuck 2019-08-23 202.131.225.150

haha

Avatar

Зочин 2019-08-23 202.131.225.150

Тэнэгтэй байгаарай

NewsMN Гар утасны хувилбар Татах
NEWS.mn

Мэдээллийн эх сурвалж