Энэтхэг улсын Сангийн сайд асан Паланиаппан Чидамбарамыг мөнгө угаасан болон авлигын хэргээр өчигдөр /2019.08.21/ баривчлан саатуулжээ. Өдгөө 73 настай тэрбээр 1984 оноос хойш сөрөг хүчний Конгресс намын гишүүн, Парламентын гишүүний үүргийг тус тус гүйцэтгэж, Сангийн яамнаас гадна Дотоод хэргийн яамны сайдаар ажиллаж байжээ. Энэ хугацаанд гадны хөрөнгө оруулалтуудыг хувьдаа завшсан байж болзошгүй хэмээн шалгаж байсан юм.

Баривчилгааны үеэр түүнийг дэмжигчид болон хэвлэл мэдээллийн ажилтнууд тойрон хүрээлсэн байжээ. Эх сурвалжуудын мэдээлж буйгаар түүнийг батлан даалтад суллахаас татгалзсан энэ баривчилгаа улс төрийн шинж чанартай Чидамбарам болон түүний хүү Карти нарын эсрэг явуулга гэж харж байна.

2007 онд Сангийн сайдын албан тушаалыг хашиж байхдаа “INX Group” дэх олон арван сая ам.долларын хөрөнгө оруулалтыг угаасан ба түүний хүү Карти тус группээс хахууль авсан гэж сэжиглэж байгаа юм. Мөрдөн байцаах төв товчоо 2018 онд түүнийг баривчилсан ч батлан даалтад эргэн суллаад байсан нь энэ аж.

Эх сурвалж:RT