Монгол банкны зарласан албан ханшаар нэг ам.доллар өнөөдөр 2,673.17 төгрөгт хүрэв. Өмнөх сард  ам.долларын ханш 2,662.90 төгрөг байв.

Үндсэндээ сүүлийн гурван сараас хойш ам.долларын төгрөгтэй харьцах ханш чангарч, дунджаар 100 төгрөгөөр өссөн.

Монголбанк ам.долларын өсөлтийг "Дан ганц манай улсын асуудал биш болсон. Дэлхий даяар ханш өсч байна. Мөн том гүрнүүдийн хоорондох худалдааны маргаан ам.долларын өсөлтөд нөлөөлж буй" гэж тайлбарладаг.

Эдийн засагчдын үзэж буйгаар төгрөг үнэгүйдвэл дотоодын болон импортын бараа, бүтээгдэхүүний үнэ нэмэгдэж  иргэдийн амьдралд хүндээр тусах юм.