Нийгмийн даатгалын явуулын үйлчилгээ иргэдэд үйлчилж байна | News.MN

Нийгмийн даатгалын явуулын үйлчилгээ иргэдэд үйлчилж байна

Хуучирсан мэдээ: 2019.08.21-нд нийтлэгдсэн

Нийгмийн даатгалын явуулын үйлчилгээ иргэдэд үйлчилж байна

Нийгмийн даатгалын явуулын үйлчилгээ иргэдэд үйлчилж байна

Завгүй даатгуулагчдынхаа ажил, гэрт нь хүрч үйлчлэх зорилготой нийгмийн даатгалын “явуулын үйлчилгээ” гурван үе шаттайгаар хэрэгжиж байна. Эхний ээлжинд Нийслэлийн төвийн зургаан дүүргийн томоохон зах, худалдааны төвүүд дээр очиж үйлчилгээ үзүүлсэн. Нийт 25 удаа зохион байгуулсан тус ажлын үр дүнд 4353 иргэн ажлаа хийнгээ нийгмийн даатгалын зөвлөгөө мэдээлэл, үйлчилгээ авч амжсан байна. Эрүүл мэндийн даатгалд 354, сайн дурын даатгалд 207 иргэнийг шинээр хамруулж, шимтгэлээ төлж амжаагүй 247 даатгуулагч шимтгэлээ төлж, дэвтрээ баталгаажуулсан байна. Мөн нийгмийн даатгалын орлого зарлагаа хянаж, хуулийн мэдээлэл авах боломж бүхий Нийгмийн даатгал гар утасны аппликэйшнийг 508 иргэн шинээр суулган ашиглаж эхэлжээ.

Зуны амралт, аяллын үеэр иргэдийн байрладаг хотхон хороолол, зуслангийн бүсүүдэд явуулын үйлчилгээг хүргэж эхэлсэн бөгөөд нийтдээ 6 бүсэд зохион байгуулж, 475 даатгуулагчид үйлчилжээ. Хороолол, зуслангийн бүсэд зохион байгуулахдаа иргэдийн оролцоог хангах зорилгоор амралтын өдрүүдэд үйлчилгээ үзүүлснээрээ онцлогтой.

Харин дараагийн удаад явуулын үйлчилгээг их дээд сургууль, ерөнхий боловсролын сургуулиудаар зохион байгуулахаар төлөвлөж байна. Ирээдүйн даатгуулагч болох оюутан суралцагчдад нийгмийн даатгалын ач холбогдлыг тайлбарлаж өгөх нь хариуцлагатай даатгуулагчийн тоог нэмэгдүүлнэ гэж үзэж байгаа юм.

Эх сурвалж: НИЙГМИЙН ДААТГАЛЫН ЕРӨНХИЙ ГАЗАР

Энэ мэдээнд өгөх таны сэтгэгдэл?
0
ЗөвЗөв
0
ХахаХаха
0
ХөөрхөнХөөрхөн
0
ГайхмаарГайхмаар
0
ХарамсалтайХарамсалтай
0
ТэнэглэлТэнэглэл
0
БурууБуруу
Баярлалаа!

2 сэтгэгдэл

News.mn сайтад сэтгэгдэл оруулахад анхаарах зүйлс

Avatar

Зочин 2019-08-21 192.82.64.158

Тэтгэвэрт гарах насыг нэмснийг эсэргүүцэж байна . НДШ төлөхгүй байхыг иргэдээс уриалж байна. Бидний төлсөн НДШ -ИЙГ ЛУЙВАРЧИД ХУЛГАЙЛНА ИДНЭ УУНА ЗАВШИНА . ХООСОРТОЛ НЬ ХУЙЛГАЙЛЧИХААД ТЭТГЭВЭРТ ГАРАХ НАСЫГ НЬ НЭМЭЭД НАСААРАА ДААТГАЛ ТӨЛСӨН ХҮНИЙГ ҮХТЭЛ НЬ АЖИЛЛУУЛНА . ДААТГАЛ ТӨЛСӨН ХҮНД ТЭТГЭВЭР АВАХ БОЛОМЖ ОЛГОХ ЁСГҮЙ МОНГОЛ ТӨРИЙН БОДЛОГО ЕРДӨӨ Л ЭНЭ.

Avatar

Зочин 2019-08-21 64.119.19.169

Банкуудаар явж үйлчилнэ үү.

NewsMN Гар утасны хувилбар Татах
NEWS.mn

Мэдээллийн эх сурвалж