Хятадын соёлын өдрүүд Улаанбаатарт болно  | News.MN

Хятадын соёлын өдрүүд Улаанбаатарт болно 

Хуучирсан мэдээ: 2019.08.21-нд нийтлэгдсэн

Хятадын соёлын өдрүүд Улаанбаатарт болно 

Хятадын соёлын өдрүүд Улаанбаатарт болно 

Монгол Улс Хятад улстай дипломат харилцаа тогтоосны 70 жилийн ой энэ онд тохиож байна. Түүхэн ойг тэмдэглэх хүрээнд Улаанбаатар хотноо соёлын өдрүүд зохион байгуулах болсон талаар өнөөдөр /2019.08.21/ БНХАУ-аас Монгол Улсад суугаа Элчин сайдын яамнаас сэтгүүлчдэд мэдээлэл хийлээ.

Соёлын арга хэмжээ Улаанбаатар хотноо наймдугаар сарын 26-аас ирэх есдүгээр сарын 6-нд зохион байгуулагдана. Энэ үеэр Хятадын 300 гаруй уран бүтээлчдээс бүрдсэн баг тоглолт хийхээс гадна спортын тэмцээн, аялал жуулчлалыг сурталчлах өдөрлөг, иргэдийг эрүүл мэндийн үнэ төлбөргүй үзлэг, оношилгоонд хамруулах зэрэг арга хэмжээнүүд болох юм байна.

Соёлын арга хэмжээ Хятад Монголын соёлын салбар дахь харилцаа хамтын ажиллагааг гүнзгийрүүлэх, хоёр улсын хүмүүнлэгийн харилцан солилцоог ахиулах, хоёр орны ард түмний харилцан ойлголцол болон найрамдлыг зузаатгах, Хятад Монголын харилцааны шинэ хөгжилд ахиц гаргахад оршиж байна.

Онцлоход, энэхүү арга хэмжээг зохион байгуулахад БНХАУ-аас Монгол улсад суугаа элчин сайдын яам, Хятадын ӨМӨЗО-ны ардын засгийн газар, Монгол Улсын Боловсрол Соёл Шинжлэх Ухааны яам, Улаанбаатар хотын захиргаа, Хятадын ӨМӨЗО-ны ардын засгийн газрын хэвлэл мэдээллийн алба, Монгол Улсын засгийн газрын хэрэгжүүлэгч агентлаг соёл урлагийн газар, Улаанбаатар дахь Хятадын соёлын төв хамтран оролцоно.

Э.БАГЛААЦЭЦЭГ

Энэ мэдээнд өгөх таны сэтгэгдэл?
2
ЗөвЗөв
1
ТэнэглэлТэнэглэл
1
БурууБуруу
0
ХахаХаха
0
ХөөрхөнХөөрхөн
0
ГайхмаарГайхмаар
0
ХарамсалтайХарамсалтай
Баярлалаа!

Холбоотой мэдээ

3 сэтгэгдэл

News.mn сайтад сэтгэгдэл оруулахад анхаарах зүйлс

Avatar

Зочин 2019-08-21 117.111.25.217

юуний нь үзэх вэ дээ сонирхох юм юу ч байхгүй хятад драмуудаа одоо боль

Avatar

Зочин 2019-08-21 202.9.42.67

Хятадын соёлын төв хаана байдаг юм бэ. Хэлж туслана уу

Avatar

зочин 2019-08-21 66.181.180.44

Үзнээ. Ямар тоглолт хаагуур болох юм бол?

NewsMN Гар утасны хувилбар Татах
NEWS.mn

Мэдээллийн эх сурвалж