–Башёг ёкозүна Хакүхо, Какүрюү нар 11 даваа, нэг унаатай тэргүүлсэн хэвээр үлдлээ–

Мэргэжлийн сүмогийн Нагоё башёгийн 12 дахь өдөр буюу өнөөдөр ёкозүна Хакүхо М.Даваажаргал озэки Котошёогикүг, ёкозүна Какүрюү М.Ананд шинэхэн озэки Тэрүнофүжи Г.Ган-Эрдэнийг давж, башёг тэргүүлсэн хэвээр үлдлээ. Какүрюү Тэрүнофүжи нарын барилдаан анхаарал татаж байсан ч аварга ялсан юм. Тэрүнофүжи энэхүү барилдаанд хүчтэй байгаагаа харуулаад авсан. Мөн энэ өдөр озэки Кисэносато комүсүби Миёогирюүг давсан бол озэки Гоэйдо М-4 Такаказэгаар тавин хувийн амжилтаа хийлээ.

Ийнхүү башёг 12 өдрийн дараагаар ёкозүна Хакүхо, Какүрюү нар 11-1 гэсэн амжилттай тэргүүллээ хадгалсан хэвээр үлдсэн бол озэки Кисэносато, Тэрүнофүжи Г.Ган-Эрдэнэ, сэкивакэ Точиоозан, М-8 Ёшиказэ, М-14 Эндо нарын бөхчүүд 9 даваа, 3 унаатай удаалж байна.

Макүүчи зиндаа: (Монгол бөхчүүд)

Ёкозүна Хакүхо М.Даваажаргал 11-1
Ёкозүна Какүрюү М.Ананд 11-1
Озеки Тэрүнофүжи Г.Ган-Эрдэнэ 9-3
Секивакэ Ичиножёо А.Ичинноров 3-9
Маэгашира 6 Кёкүшюхо Т.Эрдэнэбаатар 5-7
Маэгашира 7 Тамаваши Б.Мөнх-Оргил 6-6
Маэгашира 11 Токитэнкү Хүчитбаатар 6-6
Маэгашира 11 Кёкүтэнхо Н.Цэвэгням 3-9
Маэгашира 14 Кагамио Б.Нанжид 8-4
Маэгашира 15 Сейро А.Өнөболд 6-6
Маэгашира 16 Таканоива А.Баасандорж 5-7 гэсэн амжилттай явна.

Жюүрёо:

Зүүний 4 Асасэкирюү Б.Дашням 8-4

Зүүний 7 Араваши Э.Дөлгөөн 7-5

Зүүний 13 Шёотэнро Д.Нямсүрэн 5-7 гэсэн амжилттай явна.

Ч.БОЛОР