“Оклахома”-гийн лидер Кевин Дюрант улирлын болон финалын MVP-г тодруулахад дан сэтгүүлчдийн саналаар шийдэгддэгийг буруу систем гэж үзэж буйгаа илэрхийлжээ. Мэргэжлийн сагсанбөмбөгчдийн холбооноос анх удаагаа өнгөрсөн улирлын MVP-г тодруулахад сагсанбөмбөгчид болон дасгалжуулагчид саналаа өгч, улмаар Жеймс Харден шилдгээр тодорсон юм.

“Ний нуугүй хэлэхэд, хувь шагналын хувь заяаг шийдэх эрхийг сэтгүүлчдэд дэндүү их өгөөд байх шиг. Үнэндээ тэд тоглогчдыг тийм сайн мэдэхгүй шүү дээ. Биднээс буюу тамирчдаас бага мэдэх нь бол гарцаагүй. Учир нь бид орой бүр бие биенийхээ эсрэг тоглодог. Бие биентэйгээ тэмцэлддэг. Талбай дээр яг юу болдог, хэн юу ярьдгийг бид л хамгийн сайн мэднэ. Мөн багуудын дундахь уур амьсгалыг ч бид мэднэ. Тоглолтод хэн яаж ханддагийг бид илүү мэднэ. Тиймээс бидний саналыг шилдгийг шалгаруулахад тооцдог байх ёстой” гэж Дюрант өгүүлжээ.

Р.Гэгээ

Эх сурвалж: http://horom.mn