Английн нэрт хөлбөмбөгч Дэвид Бэкхэм телевизийн шинэ шоу болох Knock Knock Live нэвтрүүлэгт оролцож, гайхалтай бэлгийг Виктор Гонсалесийн гэр бүлд өгчээ. Тэрээр Гонсалесийн гэр бүлд 100 мянган ам.долларын бэлэн мөнгөний чек болон гэр бүлийн долоон гишүүдэд iPhone утсыг бэлэглэжээ. Ингэхдээ тэрээр утасны ярианы төлбөрийг арван жилийн турш төлнө гэсэн байна.

Өнгөрөгч тавдугаар сарын 2-ны өдөр 40 насны төрсөн өдрөө тэмдэглэсэн Дэвид Бэкхэм энэхүү нэвтрүүлэгт оролцохдоо Мексикийн мэргэжлийн хөлбөмбөгийн тоглогч байсан Виктор Гонсалесийн гэр бүлийг сонгожээ. Өрхийн тэргүүн гэр бүлээ тэжээхийн тулд барилгын ажил хийж, сарын долоон өдрийг л гэр бүлийнхэнтэйгээ өнгөрүүлдэг байжээ.

Knock Knock Live нэвтрүүлгийг нэрт хөтлөгч Райан Сикрест хөтлөн явуулдаг байна.

Доорх бичлэгээс Викторын гэр бүлийн хэрхэн баярлаж буйг хүлээн авна уу.

Эх сурвалж: www.mirror.co.uk

Ч.БОЛ