Москва хотод цахимаар санал хураах явдал тийм ч түгээмэл биш. Ирэх есдүгээр сард явагдах Москва хотын парламентын сонгуульд энэ хэлбэрийг түлхүү хэрэглэхийг зорьж байна хэмээн Москва хотын Мэдээллийн технологийн газар мэдээллээ.

Гаднын шинжээчдийн дүгнэлтээр цахим санал хураалтын систем нь “цоорхой” ихтэй байгааг анхааруулж байгаа юм.

“Бид гаднын шинжээчдийн дүгнэлтийг харгалзан үзнэ. Гэхдээ цахимаар санал хураах зорилтоосоо бүрэн ухрахгүй. Бид шинжээчдийн дүгнэлтийн дагуу системийг боловсронгуй болгохоор ажиллаж байна” хэмээн тус газар мэдээллээ.

Москва хотын парламентын сонгууль ирэх есдүгээр сарын 8-ны өдөр болох юм.