УИХ-ын гишүүнийг эгүүлэн татдаг болъё | News.MN

УИХ-ын гишүүнийг эгүүлэн татдаг болъё

УИХ-ын гишүүнийг эгүүлэн татдаг болъё

УИХ-ын гишүүнийг эгүүлэн татдаг болъё

Хамгийн олон хумслагчтай УИХ Монгол Улсын эцэг хуульд  өөрчлөлт оруулах юм чинээ хэн санах билээ. Гэвч хувь заяаны шоглоом юм уу бүү мэд, 2016 оны УИХ-ын сонгуульд 65 суудал авсан МАН  Үндсэн хуульд өөрчлөлт оруулах нь. Одоогоор эрх баригч нам Үндсэн хуульд оруулах нэмэлт өөрчлөлтийн төслийг хэлэлцэх хүрээнд  Ерөнхийлөгчөөс мэдүүлсэн санал дээр “зодолдож” байна. Тодруулбал, УИХ-ын гишүүдийн тоог 108-д хүргэж, сонгогдох хугацааг таван жил болгох заалтад бүлгийн гишүүдийн байр суурь нэгдээгүй л дуулдана.  Саналаа хэлэхээрээ “гишүүдийн тоог нэмж болохгүй” гэх хэрнээ санал хураахаар  эсрэг кноп дардаг. Суудал дээрээ хэд хувирч буй саналыг баталгаажуулахын тулд санал бүр дээр гишүүн бүрээр гарын үсэг зуруулж авч байгаа мэдээлэл ч бий.

УИХ-ын гишүүний хууль тогтоох, шийдвэр гаргахад оролцох оролцоог нь нэмэгдүүлэх, сонгогчийн төлөөллийг сайжруулах зэрэг агуулгаар хөөвөл гишүүний тоог нэмэх амьдралын шаардлага үүссэн байж болох ч дагалдуулж хариуцлагын заалт тусгахгүйгээр парламент хариуцлагатай болох боломжгүй юм.  Тэр тусмаа  УИХ-ын гишүүнийг таван жилээр сонгодог болох заалт Үндсэн хуульд тусвал албан тушаалаа урвуулан ашигласан байсан ч насаараа УИХ-д сонгогдсоор хариуцлага хүлээхгүй сугарч үлдэх боломж нь улам нэмэгдэх юм.

Бэлээхэн жишээ нь Жижиг, дунд үйлдвэрлэлийг хөгжүүлэх сан/ЖДҮХС/-гаас авсан тэрбум, тэрбумын зээл, Эрүүгийн хуульд өөрчлөлт оруулах хүрээнд хэрэг хөөн хэлэлцэх хугацааг бууруулсан хуулийн хулгай зэргийг нэрлэж болно.

Улсын ерөнхий прокуророосоо эхлээд ЖДҮХС-тай нэр холбогдсон УИХ-ын нэр бүхий гишүүнийг бүрэн эрхийг түдгэлзүүлж шалгах шаардлага байна гэдэг хүсэлт УИХ-д оруулж ирэхэд хүлээж авалгүй, буцаасан. Харин ч дахиад асуудал оруулж ирэхээс болгоомжилсон уу, Авлигатай тэмцэх газрын дарга, Улсын ерөнхий прокурор хоёрыг албан тушаалаас нь чөлөөлж, энэ асуудал нам болсон.

Гэтэл шалгая, хариуцлага хүлээлгэе гэхэд УИХ-ын гишүүний халдашгүй байдал гэх бамбай нь банкных нь хуулгыг ч үзэх эрхгүй болтол хамгаалчихсан байдаг.  Хэрэв Үндсэн хуульд оруулах нэмэлт өөрчлөлтөд УИХ-ын гишүүнийг эгүүлэн татдаг байхаар тусгаад өгчихвөл нэг хэсэг нь хуулийн дээр, нөгөө хэсэг нь хуулийн дор амьдардаг тэгш бус харилцаа үгүй болно.

Уг нь УИХ дахь Ардчилсан намын зөвлөлөөс УИХ-ын гишүүнийг эгүүлэн татдаг болох заалтыг Үндсэн хуульд тусгаж өгөх шаардлагатай гэх саналыг тавьснаас хойш сарын хугацаа өнгөрлөө. Одоо хэр нь эрх баригчид саналаа хэлээгүй л байна. Ач холбогдлоор нь авч үзвэл  УИХ-ын гишүүний тоог нэмэхээс ч илүүтэй өндөр ач холбогдолтой санал  юм.  Товчхондоо УИХ-ыг сонгодог парламент руу нь хөгжүүлэхийг хүсч л байгаа бол УИХ-ын гишүүн нь хариуцлага хүлээдэг байх заалтыг Үндсэн хуульд тусгаж өгөх шаардлагатай. Тэр цагт Үндсэн хуульд нэмэлт өөрчлөлт оруулсны хэрэг гарна. Эл заалт тусаагүй цагт УИХ-ын сонгуулийг холимог тогтолцоогоор явуулаад ч нэмэргүй. ЖДҮ-ийн зээлийн хулгайч нь хүртэл мөнгөөр цохиод, намынхаа даргын хормойноос зүүгдээд дахиад сонгогдоно. Өнгөрсөн 27 жилийн туршид гарсан алдаа дахиад л давтагдаж, монголчууд тамын тогооныхоо үлгэрээр амьдарна.  Ямар ч зарчмын том өөрчлөлт гарахгүй гэсэн үг.

Чуулган, байнгын хороо хуралдахад ирц бүрддэггүй өнөөх л улиг болсон жүжиг дахиад л тоглогдоно.

Худлаа гэвэл өнгөрсөн хавар УИХ гишүүдийн ирц, саналыг хурууны хээгээр бүртгэдэг төхөөрөмжийг 600 гаруй сая төгрөг зарцуулан байж нэвтрүүлсэн ч онцын өөрчлөлт үзүүлж чадаагүй. УИХ-ын дарга Г.Занданшатар ирцээ  бүрдүүлэхийн тулд УИХ, Засгийн газрын гишүүдийг нэгбүрчлэн нэрээр нь дуудаж, хуралдаа орж ирэхийг сануулсаар хаврын чуулганаа өндөрлүүлсэн.

Технологи ч хууль тогтоогчдыг хариуцлагатай болгож чадахгүй байна. Иймээс сонгогчдынхоо эрх ашиг, улсынхаа эрх ашгийг хамгаалсан хууль тогтоогч сонгогддог болгох хамгийн чухал заалт бол УИХ-ын гишүүнийг эгүүлэн татдаг байх эрх зүйн зохицуулалтыг Үндсэн хуульд суулгах шаардлага байна.

Г.ХОРОЛ

"Болор дуран"-аар шалгав.
Энэ мэдээнд өгөх таны сэтгэгдэл?
16
ЗөвЗөв
1
ТэнэглэлТэнэглэл
0
ХахаХаха
0
ХөөрхөнХөөрхөн
0
ГайхмаарГайхмаар
0
ХарамсалтайХарамсалтай
0
БурууБуруу
Баярлалаа!

Холбоотой мэдээ

20 сэтгэгдэл

News.mn сайтад сэтгэгдэл оруулахад анхаарах зүйлс

Avatar

Zochin 2019-08-19 203.220.196.2

Elbegdorj eronhiiligch baihdaa ene huuliig batluulah geed diileegui niiteeree jagsaal tsuglaan hiij batluulsan in deer bhoo

Avatar

Zochin 2019-08-19 103.57.95.44

Oyunxorol avgaig xamgiin turuun zailuul.xaraxaas muuxai xamgiin xorchin avgai.

Avatar

Зочин 2019-08-19 49.0.212.245

МАН-ынхан тийм хууль гаргаж харагдаачээ

Avatar

Бат 2019-08-19 103.229.120.21

Ёстой зөв сонгуулий маргаашнаас эргүүлж татна мөнхийн сонгууль явуулна мөнгөөр ч тасрахгүй

Avatar

Зочин 2019-08-19 202.72.245.220

ХУЛГАЙЧУУД УИХД ДАХИН СУУЖ ХУУЛИЙН ХАМГААЛАЛТАНД ОРНО ГЭЖ МӨРӨӨДӨЦГӨӨЖ БАЙГАА УЧИР ШОРОНД ОРОХООС ХАМГААЛАХ ДАРХЛААГ ЮУ ГЭЖИУСТГАХ ВЭ ДЭЭ

Avatar

Зочин 2019-08-19 202.9.42.25

ард түмнээрэ шигшдэг хууль гаргавал би төрдөө итгэнэ

Avatar

Зочин 2019-08-19 202.9.42.235

3 САЯ ХхОРОҮНТЭЙ УЛСАД УИХ-ЫН ГИШҮҮН НЬ 56 БАЙХАД ЗОХИМЖТОЙ. ХОРОЛМАА ГЭХ ЭНЭ ХҮҮХЭН МАНАН-ГИЙН СЭТГҮҮЛЧ ГЭДГЭЭРЭЭ АЛДАРТАЙ. ГЭХДЭЭ ЗАРИМ ҮЕД МАНАН-Г БАС ШҮҮМЖИЛЖ БАЙМААР ЮМАА

Avatar

Зочин 2019-08-19 202.9.42.25

энэ гишүүдээ их хурал дээр нь дахин сонгуулиар шийддэг болё хэн ажиллаж чадахгүй байгааг хус. хоёрдугаар сонгууль их хурал дээр явуул. 76 г21 болгодог бол. их хурлын дэргэд судалгааны мэргэжлийн судалгааны хүрээлэн байгуул. тээнэг улсуудаар жолоодуулах дургүй хүрээд байна

Avatar

Зочин 2019-08-19 202.126.89.240

I don't agree

Avatar

Зочин 2019-08-19 195.65.142.16

Yндсэн хуульд ганц энэ заалт ороход л болоо

Avatar

Muu luivarchin 2019-08-19 174.222.135.3

Dambaochir l***r bas yu be

Avatar

Zochin 2019-08-19 66.181.168.8

Улсын их хурлын гишүүдийг эгүүлэн татдаг болох нь зөв шүү.

Avatar

Зочин 2019-08-19 107.2.97.187

Зөвхөн УИХ-ын гишүүдийг ч биш бүх шатны төрийн албан хаагчдыг эргүүлэн татдаг,огцруулдаг хууль хэрэгтэй байна.

Avatar

Зочин 2019-08-19 202.131.226.221

Өвчтэй эсэхээс үл хамаарч Чуулганы 3/1-д л суугаагүй бол төлөөлөх үүргээ биелүүлж чадахгүй бна гэдэг үндэслэлээр эргүүлэн татагдаж сонгуулиар 2 т орсон нөхрийг гишүүн болгодог болъё

Avatar

Зочин 2019-08-19 107.2.97.187

Элбэгдорж үнэхээр мундаг хүн байна.женко,зика,хүүк,ичдэггүй лоолой мэт нь хаана нь хүрэхгүй кулгайчууд!

Avatar

Зочин 2019-08-19 195.65.142.16

Та чинь солиорсон амьтан уу

Avatar

Зочин 2019-08-19 107.2.97.187

Чи өөрөө ?

Avatar

Зочин 2019-08-19 107.2.97.187

Та нарын харааж зүхдэг Ерөнхийлөгч Элбэгдорж Томилогдсон болон сонгогдсон төрийн албан хаагчдыг эргүүлэн татах тухай хуулийг санаачлаад,боловсруулаад УИХ-д өргөн барьсан боловч тэр үеийн УИХ-ын дарга З.Энхболд гэдэг нөхөр болсон болоогүй шалтаг заасаар байгаад авч хэлэлцэлгүй өнгөрсөн.Энэ хуулийг баталчихсан байсан бол тун ч их хэрэгтэй хууль байсан юм даа.

Avatar

Зочин 2019-08-19 66.181.161.3

Zuv

Avatar

Зочин 2019-08-19 107.2.97.187

Та нарын харааж зүхээд байдаг Ерөнхийлөгч Элбэгдорж Томилогдсон болон сонгогдсон төрийн албан хаагчдыг эргүүлэн татах тухай хуулийг санаачлаад,боловсруулаад УИХ-д өргөн барьсан боловч тэр үеийн УИХ-ын дарга З Энхболд (одоо женкогийн ордны тайган болчоод Элбэгдорж руу боргоож байгаа гөлгөн нохой шиг царайтай нөхөр) авч хэрэгсээгүй.Энэ хуулийг тэр үед хэлэлцээд баталчихсан байсан бол одоо тун ч их хэрэг болох байлаа.

NewsMN Гар утасны хувилбар Татах
NEWS.mn

Мэдээллийн эх сурвалж