Монгол хүүхдүүд дэлхийн олон үзэгчтэй том шоунуудад оролцож, эх орноо сурталчилсаар байна. Хамгийн сүүлд Монголын Оюун Ухааны Академийн тамирчин Х.Ивээл аавтайгаа хамт ОХУ-ын “Россия-1” сувгийн "Удивительные люди" буюу "Гайхамшигт хүмүүс" шоу нэвтрүүлэгт амжилттай оролцоод иржээ. Гэрээний дагуу уг нэвтрүүлэг есдүгээр сард дэлгэцнээ гарах аж.

Тэгвэл энэ сарын 22-нд Ш.Наранбат хүү /12 настай/ Монгол хүний оюун ухааны гайхамшгийг дэлхийд гайхуулах зорилгоор тус нэвтрүүлэгт оролцохоор болжээ. Тэрбээр бага насны ангиллын 2019 оны улсын аварга, Дэлхийн дөрвөн удаагийн дээд амжилтыг тогтоосон юм.