Замын бүсчлэлийг хэрэгжүүлэхгүй болсон шалтгаан | News.MN

Замын бүсчлэлийг хэрэгжүүлэхгүй болсон шалтгаан

Замын бүсчлэлийг хэрэгжүүлэхгүй болсон шалтгаан

Замын бүсчлэлийг хэрэгжүүлэхгүй болсон шалтгаан

Өнөөдрийн байдлаар Монгол Улсад 871350 тээврийн хэрэгсэл бүртгэлтэй байгаагаас 501934 нь нийслэлд бүртгэлтэй байна. Энэ нь нийт автомашины 57.6 хувийг эзэлж байна гэсэн судалгаа бий. Энэ нь бид автомашины хэрэглээгээ өөрчилж, шаардлагатай бол татгалзах цаг болсны илрэл. Ямар нэгэн шинэ зохицуулалт хийхгүй бол өнөө л алхам бүрт стресстүүлж байдаг замын түгжрэлтэй нүүр тулсаар байх болно гэдгийг нийслэлийн Замын хөдөлгөөн төлөвлөлт, зохицуулалт, инженерчлэлийн газар болон холбогдох байгууллагаас мэдээлж буй.

Улаанбаатар хотын түгжрэлийг бууруулахын тулд замын хөдөлгөөнийг гурван бүсчлэлд хуваах шинэ зохицуулалтыг наймдугаар сарын 15-наас үе шаттайгаар хэрэгжүүлэхээр төлөвлөж байсан.  Гэвч иргэд шүүмжлэлтэй хандсан учраас шинэ зохицуулалтыг хэрэгжүүлэхээ больж, өөр арга зам хайж байгаа тухайгаа нийслэлийн Замын хөдөлгөөн төлөвлөлт, зохицуулалт, инженерчлэлийн газраас мэдээллээ.

Энэ талаар тус газрын мэргэжилтэн Г.Саруулаас тодруулахад “Нийслэлийн Засаг даргын зөвлөлийн хурлын үеэр наймдугаар сарын 2-нд авто замын бүсчилсэн зохицуулалтын ажлын хүрээнд хийхээр төлөвлөж буй ажлуудаа танилцуулсан. Уг хурлаар нийслэлийн Засаг дарга С.Амарсайхан  “Наймдугаар сарын 15-ны өдрийг хүртэл иргэдээс олон хувилбарт санал асуулга авч, мэдээлэл түгээх ажил хийж, эргээд танилцуул” гэсэн. Үүний дагуу иргэдээс хэд хэдэн хувилбарт санал асуулга авч байна. Өнөөдрийн байдлаар санал асуулгад оролцсон иргэдийн 65 орчим хувь нь дэмжихгүй байгаа учраас замын бүсчлэлийн зохицуулалтыг өөрчилж, өөр зохицуулалт хийхээр төлөвлөөд ажиллаж байна. Тодорхой шинэ шийдэл гарсны дараа нэгдсэн байдлаар иргэдэд мэдээлэл өгөөд явна” гэсэн юм.

Шинэ зохицуулалтаар нийслэлийн замын хөдөлгөөнийг А, В, С гэсэн гурван бүсчлэлд хуваах юм. А, В бүсчлэлд байгаа бүх авто зогсоолыг төлбөртэй болгохоос гадна татвараа төлөөгүй, торгуультай, өнгө үзэмжгүй, үзлэгт хамрагдаагүй, тээврийн хэрэгслийн бүрэн байдлыг хангаагүй автомашиныг нэвтрүүлэхгүй байхаар тусгасан нь олны дургүйцлийг хүргэв.

Харин нийслэлийн Замын хөдөлгөөн төлөвлөлт, зохицуулалт, инженерчлэлийн газрын дарга С.Энхтөр “Иргэдийн ярьж байгаа шиг баян, ядуугийн ялгаа гаргасан зүйл огт байхгүй. Жолооч хуульд заасан үүргээ биелүүлсэн тохиолдолд хотын төвд чөлөөтэй нэвтрэх эрх нь байгаа” гэдгийг хэлж байсан юм.

Замын бүсчлэлийг хэрэгжүүлэхээр зургадугаар сарын 27-нд 25 орчим вэб сайтад линк байршуулан эхний олон нийтийн санал асуулгыг явуулжээ. Уг санал асуулгад нийт 3761 иргэн оролцож, тэдний 55 орчим хувь нь дэмжиж, 40 орчим хувь нь дэмжээгүй бол мэдэхгүй гэсэн хариултыг гурван хувь нь өгсөн байна.

Үүний дараагаар наймдугаар сарын 2-нд нийслэлийн Засаг даргын зөвлөлийн хуралд танилцуулж, дахин Нийслэлийн мэдээ фэйсбүүк фэйжээр дамжуулан санал асуулга авчээ. Энэ удаагийн санал асуулгад нийт 2800 орчим иргэн оролцсоноос 65 хувь нь дэмжихгүй, 35 хувь нь дэмжиж байна гэж хариулсан байна. Иргэдийн ихэнх хувь нь дэмжихгүй байгаа учраас замын бүсчлэлийг хэрэгжүүлэхээ хойшлуулж, өөр зохицуулалт хэрэгжүүлэхэээр ажиллаж байна гэдгийг албаныхан учирлав.

Харин авто зогсоолыг төлөвлөж байснаараа тоог нь нэмж, төлбөртэй болгох ажлыг үргэлжлүүлэн хийнэ хэмээн  албаныхан хэлж байв. Өөрөөр хэлбэл нийслэлд төлбөртэй зогсоолын тоо олширч, өглөө эртлэн ирсэн хүн амин хувиа хичээж, зогсоолыг хувийнх юм шиг өдөржингөө үнэ төлбөргүй ашиглахаа болино гэсэн үг.

Хотын А, В бүсэд одоогоор байгаа зөвшөөрлийн дагуу үйл ажиллагаа явуулж байгаа нийт 2382 автомашины зогсоолыг 15696 болгож нэмэгдүүлэх аж. Өнөөдрийн байдлаар 5330 автомашины зөвшөөрөлгүй зогсоолыг албан ёсоор зөвшөөрөл өгөх, зогсоол байх боломжтой 7984 автомашины зогсоолыг ашиглахаар бэлтгэл ажлаа эхлүүлжээ.

Улаанбаатар хотод 2018 оны арванхоёрдугаар сарын байдлаар 89 мянга 400 тээврийн хэрэгсэл нэмэгдэж, 3330 тээврийн хэрэгсэл хасагдаж байгаа үзүүлэлт гарчээ. Жилд дунджаар 80 орчим мянган тээврийн хэрэгслээр нэмэгдэж байна гэсэн үг. Хэрвээ энэ үзүүлэлтээрээ цаашид явбал бид удахгүй тэг зогсоход хүрнэ  гэдгийг албаныхан онцолж байна. Тиймээс нийслэлчүүдийн “толгойны өвчин” болсон замын түгжрэлийг бууруулахад иргэдийн оролцоо, ухамсар, дэмжлэг хамгийн чухал гэж мэргэжилтнүүд хэлэв.

А.СҮРЭН          

"Болор дуран"-аар шалгав.
Энэ мэдээнд өгөх таны сэтгэгдэл?
4
ТэнэглэлТэнэглэл
2
ЗөвЗөв
0
ХахаХаха
0
ХөөрхөнХөөрхөн
0
ГайхмаарГайхмаар
0
ХарамсалтайХарамсалтай
0
БурууБуруу
Баярлалаа!

Холбоотой мэдээ

18 сэтгэгдэл

News.mn сайтад сэтгэгдэл оруулахад анхаарах зүйлс

Avatar

Зочин 2019-08-15 103.111.68.3

Улаанбаатар хотод бөруун хүрдтэй тээврийн хэрэгслээ хориход л ирэх 20 жилдээ бид автозамын түгжрэлд толгой өвдөхгүй.
Олон улсын туршлагаар ийм л байна.

Avatar

иргэн 2019-08-15 150.129.143.123

АРЧААГҮЙ АРГА БАРИЛААН УРЬДАЛ БОЛГООД ТЭР НЬ ДАНДАА УНАЛТ БОЛОХ ЮМ. ЖААХАН ӨӨДРӨГ БОЛОМЖТОЙ ХУВИЛБАРУУД ГАРГАМААР ЮМ.

Avatar

иргэн 2019-08-15 150.129.143.123

НИЙТИЙН ТЭЭВРЭЭ ЦЭГЦЛЭЭЧ ЭЭ.

Avatar

СУДЛААЧ ИРГЭН 2019-08-15 202.9.42.183

СУРГУУЛЬ ЦЭЦЭРЛЭГ ЦУГЛАРАХААС ӨМНӨ ТЭР ТӨЛБӨРТЭЙ ЗОГСООЛЫН ДҮРЭМ ЖУРМАА БАТАЛЖ ГАРГААД НЭГ ЧГЭСЭН АЖЛЫГ УРАГШЛУУЛААД ӨГӨӨРЭЙ ХОТЫН ДАРГА НАРАА ЦӨӨХӨН ЗОГСООЛ ДЭЭР НЬ ЦӨӨХӨН МАШИН ӨДӨРЖИН ЗОГСООД БУСАД НЬ ЗОГСООЛ РАЙ ЖТОЙРЧ ӨНЖДӨГ БАЙМААРГҮЙ БАЙНА ДАВАХР ЗОГСООЛЫГ ХӨГЖҮҮЛМЭЭР БАЙНА ХОТ ДЭМЖВЭЛ ДАВХАР ЗОГСООЛ БАЙГУУЛААД ЛИЗИНГЭЭР ХӨГЖҮҮЛЭХ БОЛОМЖ БАЙГАА

Avatar

zam 2019-08-15 202.9.43.197

hotoo telj 4-zamiin uulzbaraa nyhen gartztai bolgoo tegeed baruun taldaa jolootoi mashin mongold oruulahaa horigloh heregtei

Avatar

Зочин 2019-08-15 49.0.212.238

Уг нь аятайхан л санаа юм, даан ч хэрэгжүүлэх аргагүй, А Б бүсүүдэд өдөр бүр уулзвар болгон дээр хэдэн арван мянган цагдаа зогсчихоод явж буй машин нэг бүрчилэнг саатуулж зогсоогоод шалгаад байх уу

Avatar

СУДЛААЧ ИРГЭН 2019-08-15 202.9.43.207

нэг дүгээрт нийтийн тээврээсайн хөгжүүлэх хоёрдугаарт төлбөртэй зогсоолын тоог нэмэндүүлэх ХАМГИЙН гол нь зогсоолоор үйлчлүүлэх журам гэдгээ баталж гаргаарай тэхгүй бол зогсоолд хаа дуртай газараа машинаа тавиад алга болж ирээд хэрүүл хийгээд хараагаад байдаг хүмүүс их байгаашүү ухамсартай боловсролтой хэсэг нь төлбөртэй зогсоолыг хөгжүүлэхийг зөв гэж дэмжиж байгаа юм билээ мөн давхар зогзоолыг төрийн зүгээс дэмжиж хөгжүүлмээр байна

Avatar

Зочин 2019-08-15 202.131.225.150

Нийтийн тээврээ сайн хөгжүүлбэл машинтай хүмүүс юу боллоо гэж түгжрээд яваад байхав дээ. Нийтийн тээвэр нь цагтаа хурдан шуурхай яваад эхэлбэл машинаа шаардлагатай үед л унана. Үүнийг хүчээр шийдэх гээд ямар ч хэрэг байхгүй.

Avatar

Zochin 2019-08-15 66.181.168.8

huuli erh zuin zohitsuulalt hervee bga bol gudamjnii hashlaga, yavgan hunii zam davuulj tavisan mashinuudiig torgodog bolmoor bna, yavgan hunii zam, talbaid barag ortsnii haalga taglachih ni holgui l mashinaa bairshuuldag. Uuniig boliulah heregtei bn. Odoo zogsool ni tulburtei bolchihleer ulam l ene asuudal hundrenede!!! Hotiin tuvd amidarch bga irged hotiin zohion baiguulaltiin buruutai uildlees bolj hohirmoorgui bn!!!

Avatar

zochin 2019-08-15 66.181.166.136

Хотын түгжрэлийг одоо ямар ч арга хэмжээ бууруулж чадахгүй. Бүх зүйл чинь эрэлт болон нийлүүлэлт дээр баланслагдаж явна шдээ. Нийлүүлэлт болсон зам нь эрэлт болсон машины тоогоо гүйцэхгүй болсон байна шүүдээ. Үүнийг бууруулах арга зам дагуул хотуудыг эхлээд анхнаас нь хот төлөвлөлтийн зарчимаар хөгжүүлээд тэгээд дараа татварын арга хэмжээнүүдтэй холбож байж л бууруурах хандлага ажиглагдана шүү…

Avatar

Хотын хүн 2019-08-15 66.181.166.36

Зочин 31 минутын өмнө 103.26.193.96
Уг нь хэрэгжүүлэх л байсан юм. Хотынхон ч ажлаа хийх чадваргүй юм шив дээ. Юм л болбол олон нийтээс асууна гээд. Төр нийтийн эрх ашгийн төлөө гаргах шийдвэрээ зоригтой гаргадаг байх хэрэгтэй. Одоо удахгүй өвөл болно. Шаардлага хангахгүй тээврийн хэрэгсэл явсаар л байна. Хөдөлгөөний түгжрэл их байгаа нь олон зүйл нөлөөлж байгаа шүү дээ. Хотын удирдлага, Хотын тээврийн газар ажлаа л сайн хий л дээ. Ялангуяа энэ таксийн үйлчилгээг журамлах хэрэгтэй. Хөдөөний маши

Avatar

Зочин 2019-08-15 103.14.36.18

Нийтийн тээврээ сайжруулвал бүх асуудал шийдэгдэнэ.

Avatar

Зочин 2019-08-15 103.26.193.96

Уг нь хэрэгжүүлэх л байсан юм. Хотынхон ч ажлаа хийх чадваргүй юм шив дээ. Юм л болбол олон нийтээс асууна гээд. Төр нийтийн эрх ашгийн төлөө гаргах шийдвэрээ зоригтой гаргадаг байх хэрэгтэй. Одоо удахгүй өвөл болно. Шаардлага хангахгүй тээврийн хэрэгсэл явсаар л байна. Хөдөлгөөний түгжрэл их байгаа нь олон зүйл нөлөөлж байгаа шүү дээ. Хотын удирдлага, Хотын тээврийн газар ажлаа л сайн хий л дээ. Ялангуяа энэ таксийн үйлчилгээг журамлах хэрэгтэй. Хөдөөний машинууд хот явах бүсийг бий болгох г м

Avatar

Зочин 2019-08-15 43.250.125.252

Гадны оронд хог хаягдал болсон машины сэг оруулж ирэхээ л болих хэрэгтэй ш дээ. Агаарын бохирдол хог хаягдалдаа дарагдчаад

Avatar

Иргэн 2019-08-15 103.57.92.254

Торгууль журам нь өндөр хатуу байхад болно.Согтуу жолоочийг өндөр торгох 1,2 сар саатуулах тээврийн хэрэгслийг нь зараад улсын орлого болгох г.м .Сингапур,Хонконг өндөр торгуультай байгаад дэн журам цэгцтэй байнаа

Avatar

Энхтөр буруу ярьж байна хууль зөвхөн А/Б бүсэд үйлчлэх ёстой биш Монгол улсын бүх нутаг дэвсгэрт үйлчлэх ёстой шүү дээ 2019-08-15 202.21.100.210

нийслэлийн Замын хөдөлгөөн төлөвлөлт, зохицуулалт, инженерчлэлийн газрын дарга С.Энхтөр “Иргэдийн ярьж байгаа шиг баян, ядуугийн ялгаа гаргасан зүйл огт байхгүй. Жолооч хуульд заасан үүргээ биелүүлсэн тохиолдолд хотын төвд чөлөөтэй нэвтрэх эрх нь байгаа. Энхтөр буруу ярьж байна хууль зөвхөн А/Б бүсэд үйлчлэх ёстой биш Монгол улсын бүх нутаг дэвсгэрт үйлчлэх ёстой шүү дээ

Avatar

Замын цагаа ажлаа хийхгүй байна 2019-08-15 202.126.88.140

үнэн үнэн, энэ асуудал дээр бол замын цагдаагийнхан ажлаа хийхгүй байна гэсэн үг. Тэд ажлаа хийхгүйгээс болоод зөрчилтэй машин, үзлэгт ороогүй машин, татвар төлөөгүй машин хөдөлгөөнд ихээр оролцож байна гэсэн үг. Одоо замын цагдаагийнхан энэ зөрчилтэй машинуудын асуудлыг өөрсдөө ажлаа зөв зохион байгуулаад, бусад жолооч нарт хүндрэл, түвэг бололгүйгээр шийдвэрлээд явах хэрэгтэй ш дээ… Өөрсдөө ажлаа хийж чадаагүй байж, А бүсэд тэгш, сондгой дугаараар явуулна ч гэх шиг, жирийн иргэдийн эрхэнд

Avatar

ямбий 2019-08-15 64.119.27.174

ТӨЛБӨРТЭЙ ЗОГСООЛЫГ НЭМЭГДҮҮЛЭХИЙГ ДЭМЖИЖ БАЙНА

NewsMN Гар утасны хувилбар Татах
NEWS.mn

Мэдээллийн эх сурвалж