Ирэх есдүгээр сарын 1-ний өдрөөс “Аэромонголиа” авиакомпани орон нутгийн чиглэлийн бүх ангиллын тийзийн үнийг дахин 10 хувь бууруулна гэж Иргэний нисэхийн ерөнхий газраас мэдэгдэв.  Тус компани өнгөрөгч долоодугаар сарын 26-нд орон нутгийн бүх чиглэлийн, бүх ангиллын тийзийн үнийг 10 хувиар бууруулах шийдвэр гаргаж байсан аж.

Тус авиа компани нь Өлгий, Ховд, Алтай, Улаангом, Мөрөн чиглэлд ERJ-145 маягийн агаарын хөлгөөр нислэг үйлддэг байна. Дотоодын нислэгийн тийзийн үнийг үе шаттай бууруулах нь  орон нутгийн нисэх буудлуудын үйл ажиллагааг идэвхжүүлэхэд чухал ач холбогдолтой гэж холбогдох албаныхан үзэж байна.

Б.ЦЭЦЭГ