Урд хөрш БНХАУ-д энэ сарын 31-нд эхлэх сагсан бөмбөгийн ДАШТ-д өрсөлдөх шигшээ багууд урьдчилсан байдлаар бүрэлдэхүүнээ зарлаж байгаа. Тэгвэл “ногоон” тив Австрали улсын шигшээ баг Хятадад ирэх үндсэн багийн 12 тамирчнаа албан ёсоор зарлаад  байгаа.

Австралийн шигшээ багийн бүрэлдэхүүнд NBA-д тоглодог 6 тоглогч нэгдсэн бол Евро лигээс 2 тоглогч үлдсэн нь дотоодын лигийн тоглогчид ажээ. NBA-ээс Голден Стэйт Уорриорс багийн А.Богут, Финикс Санс багийн А.Байнес, Филадельифиа76 багаас Й.Болден, К.Кавальерс багаас М.Деллаведова, Юта Жазз багаас Ж.Инглес, Сан-Антониос Спөрс багаас П.Миллс нар багтаад байна.

Австралийн шигшээ багийн бүрэлдэхүүн:

• Төвийн тоглогч: А.Байнес (Финикс Санс), А.Богут (Голден Стэйт Уорриорс), Ж.Лэйндал (Жалгирис Каунас)
• Хамгаалагч: М.Деллаведова (Кливленд Кавальерс), П.Миллс (Сан-Антонио Спөрс), Н.Собей, К.Гоулдинг (хоёулаа Брисбени Буллетс), К.Глиддон (Мельбурн Юнайтед)
• Довтлогч: Ж.Инглес (Юта Жазз), Й.Болден (Филадельфиа76), Н.Кай (Перт Вайлдкатс), Х.Күүкс (Си Ай Жи Баскет)

Номхон далайн орнуудын босоо аварга Австрали улсын шигшээ баг ДАШТ-д 1982, 1994 онуудад хамгийн өндөр амжилтаа үзүүлж байсан бөгөөд 5-р байранд шалгарч байсан. Хамгийн сүүлд 5 жилийн өмнө Испанид болсон ДАШТ-д шөвгийн 16-д шалгарч Туркийн шигшээ багт хожигдсон байдаг.

Б.БЯМБАБАЯР