Мэргэжлийн сүмогийн долдугаар сарын тэмцээн Нагоя хотод үргэлжилж байна. Башёгийн тав дахь өдөр буюу өнөөдөр сэкивакэ Ичиножёо А.Ичинноров озэки Гоэйдог давснаар хоёр дахь даваагаа авлаа.

Энэ өдөр ёкозүна Хакүхо, Какүрюү, озэки Тэрүнофүжи Г.Ган-Эрдэнэ, Кагамио Д.Нанжид нарын манай дөрвөн бөх учраа бөхөө давснаар башёг (5-0) тэргүүлж эхэллээ. Озэки Кисэносато, сэкивакэ Точиоозан нарын дөрвөн бөх дөрвөн даваа, нэг унаатайгаар тэргүүлэгчдийн ард бичигдэж байна.

Харин дөрвөн унаатай байсан ахмад бөх маэгаширагийн 11-с босч барилдаж буй Кёкүтэнхо Н.Цэвэгням М-14 Тоёохибикигээр эхний даваагаа авлаа.

Ч.БОЛОР