Намрын эхэн сарын шинийн 15 буюу наймдугаар сарын 15, 16-ны өдрүүдэд Дундговь аймгийн төвд буй Дашгэнпэллин хийд үүсэн байгуулагдсаны 30 жилийн ойд зориулж, Майдар эргэж, “Сайхан гомбо” тахих ёслол болох юм байна.

Тус хийд өдөр бүр Цогчин уншлагатай, сар бүрийн шинийн найманд Их манал, Сандуйн жүд, Доржжодво, Чогууд, Ганжуур, арван дөрвөнд Магтаалууд, арван таванд Дүйжид нямба, Ганжуур, Чогууд, хорин есөнд Арван хангал,гучинд Доо Дүдва, Ганжуур хурдаг аж.

Мөн жил бүрийн намар Майдар эргэж, маргааш нь хийдийн гол сахиус болох Гомбо бурхныг тахидаг уламжлалтай юм байна.

Б.ЖАРГАЛ