Цаг уурчид наймдугаар сард олон жилийн дунджаас ахиу бороо орох төлөвтэйг мэдээлж байв.  Наймдугаар гарснаас хойш нийт нутгийн 70 орчим хувьд нь бороотой байсан нь зуншлага сайн байхад нөлөөлжээ. Тодруулбал нийт нутгийн 95 хувьд нь зуншлага сайн, таван хувь нь гандуу байгааг Цаг уур, орчны шинжилгээний газраас мэдээлж байна. Тухайлбал, Баянхонгорын Богд, Шинэжинст, Өвөрхангайн Баянгол, Гучин-Ус, Сант, Төв аймгийн Баян-Өнжүүл, Бүрэн сум багтжээ. Мөн Дундговийн Адаацаг, Баян-жаргалан, Өлзийт, Дорноговийн Хөвсгөл, Улаанбадрах, Сайншанд, Сүхбаатарын Түвшинширээ сумын нутагт бэлчээрийн ургамал тааруу ургасан, зуншлага сайнгүй, хур тунадас бага орж, гантай байгаа аж.

Б.ЦЭЦЭГ