"Даншиг наадам Хүрээ цам 2019" шашин соёлын наадам ирэх есдүгээр сарын 6, 7-нд Төв цэнгэлдэх хүрээлэнд болно.  Уламжлал ёсоор тав дахь жилдээ зохион байгуулагдах даншиг өргөх ёслолыг нийслэлийн удирдлагууд зохион байгуулахгүй гэх байр суурийг илэрхийлсэн ч Гандантэгчинлэн хийдээс бурхны шашны энэхүү томоохон арга хэмжээг таслахгүй,  есдүгээр сард зохион байгуулахаар болсон билээ. Одоогоор уг наадмын бэлтгэл ажил үргэлжилж байгаа аж.

Даншиг өргөх ёслол наймдугаар сарын эхний долоо хоногийн амралтын өдөр Хүй долоо худагт /2019.08.03-04-н/ зохион байгуулагдахаар товлогдсон ч есдүгээр сард болгон хойшлогдсоноос уг наадмыг үзэхээр ирсэн жуулчид сэтгэл гонсгор буцсан юм.

Б.ЦЭЦЭГ