Төв аймгийн Баянчандмань суманд овооны тахилгын үеэр хурдан морь унаач хүүхдийг түрүүлсэнгүй гэж уяач нь гэртээ ташуураар зодож, бэртээсэн тухай мэдээлэл цацагдсан. Цагдаагийн ерөнхий газрын Хэвлэл мэдээллийн албаны дарга Б.Баатархүүгийн мэдээлснээр дээрх мэдээллийн дагуу энэ хэргийг  аймгийн цагдаагийн байгууллагаас шалгаж байгаа аж. Хохирогч М гэх 10 настай хүүд халдсан этгээд М гэгчийг урьдчилсан байдлаар тогтоож, шалгалтын ажлыг эхлүүлсэн байна.

Хохирогч М нь наймдугаар сарын 8-нд дааганы уралдаанд 67 дугаартай уралдсан. Түүнийг түрүү авсангүй гэж морины эзэн уяач зодох үед зугтаж гэрийнхэнтэйгээ холбоо барьснаар Гэмтэл согог судлалын үндэсний төвд хүргэгдсэн гэх мэдээлэл байгаа юм.

Б.ЦЭЦЭГ