Орон нутгийн замд хурд хэтрүүлбэл 6 сараар эрх хасна | News.MN

Орон нутгийн замд хурд хэтрүүлбэл 6 сараар эрх хасна

Орон нутгийн замд хурд хэтрүүлбэл 6 сараар эрх хасна

Орон нутгийн замд хурд хэтрүүлбэл 6 сараар эрх хасна

Зуны амралт, зугаалгын өдрүүд үргэлжилж байгаатай холбогдуулан орон нутгийн замын хөдөлгөөний ачаалал ихтэй байгааг Тээврийн цагдаагийн албанаас мэдээлж байна. Зөвхөн энэ долоо хоногт л гэхэд орон нутгийн замд зам тээврийн ослоос шалтгаалж 11 хүн нас баржээ. Үүнээс хоёр нь бага насны хүүхэд амь насаараа хохирч, дөрвөн хүүхэд гэмтсэн байна. Тээврийн цагдаагийн алба хөдөлгөөний аюулгүй байдлыг хангах, зам тээврийн осол хэргээс урьдчилан сэргийлэх зорилгоор 21 аймаг буюу улсын хэмжээнд хяналт шалгалтаа 24 цагаар зохион байгуулаад ажиллаж байгааг албаныхан хэллээ.

Энэ талаар тус албаны Урьдчилан сэргийлэх хэлтсийн ахлах мэргэжилтэн Ч.Чимэдбат мэдээлэл өглөө. Тэрбээр “Нийт бүртгэгдсэн ослын шалтгаан нөхцөлийг авч үзвэл 97.7 хүртэлх хувь нь жолоочийн буруутай үйлдлээс шалтгаалж буюу онхолдох, мөргөлдөх осол аваар гарч байна. Ялангуяа жолоочид цагдаагийн хяналт байхгүй гэх замуудад замын хөдөлгөөний дүрэм заалтыг мөрддөггүй. Жишээлбэл, хурдаа хэтрүүлж, хамгаалах бүсээ зүүхгүй, шөнийн цагт холын гэрэлтэй хөдөлгөөнд оролцох нь элбэг. Цагдаагийн алба хаагчид маань ч үүнтэй нөхцөл байдлаа тааруулж гудамж замын хяналт шалгалтаа хөдөлгөөнт байдлаар зохион байгуулж байна. Өнгөрсөн жил 21 аймгийн замын цагдаагийн тасаг, хэсгүүдэд зөөврийн хурд хэмжигчийг хүлээлгэн өгсөн нь улсын хэмжээнд хурдыг хэмжих нөхцөл бололцоо хангагдсан юм. Нэг үгээр хэлбэл цагдаагийн хяналт шалгалт хаана ч байж магадгүй гэсэн үг.

Нэг талаасаа иргэд цагдаагийн алба хаагчдаар амь нас, эрүүл мэндээ хамгааллуулах сонирхолтой болсон ч юм шиг. Орон нутгийн замд хурдыг 80 км цагаас хэтрүүлж хөдөлгөөнд оролцсон жолоочийг 50 мянган төгрөгөөр торгож,  хоёр оноо хасдаг бол 120 км цагаас илүү хурдыг хэтрүүлж оролцвол мөн л 50 мянган төгрөгөөр торгож газар дээр нь зургаан сараар эрхийг нь хасч байна” гэв.

Тухайлбал Сэлэнгэ аймгийн Замын цагдаагийн тасгийн алба хаагч нар аймгийн нутаг дэвсгэртээ хөдөлгөөнт байдлаар орчин үеийн дэвшилтэт технологийн 3-4 километрийн зайнд тээврийн хэрэгслийн хурдыг хэмжих хүчин чадалтай багажийг ашиглаж байна. Мөн Булган аймаг дах Замын цагдаагийн тасгийн алба хаагчид нутаг дэвсгэрээр дайран өнгөрч буй тээврийн хэрэгслийг түр зогсоон, зорчигч жолооч нарыг эмчийн үзлэгт хамруулах, жолоочийн нойрыг сэргээж гарын амраангаа сэрэмжлүүлэг мэдээ мэдээллийг хүргэж ажиллаж байгаа аж.

А.СҮРЭН

"Болор дуран"-аар шалгав.
Энэ мэдээнд өгөх таны сэтгэгдэл?
5
ЗөвЗөв
1
ХөөрхөнХөөрхөн
1
БурууБуруу
0
ХахаХаха
0
ГайхмаарГайхмаар
0
ХарамсалтайХарамсалтай
0
ТэнэглэлТэнэглэл
Баярлалаа!

Холбоотой мэдээ

5 сэтгэгдэл

News.mn сайтад сэтгэгдэл оруулахад анхаарах зүйлс

Avatar

инженер хүн хэлж байна 2019-08-09 66.181.191.85

Учир нь шинэ хийцийн автомашины хурд ба шатахуун зарцуулалт, жолоочийн реакци ба машины жолоодлогын системийн ажиллагааг ихэнх машин дээр 90 км/цаг ба 120км/цаг хурдтай явахад зохицуулж тооцоолсон байдаг юм. Дэндүү уудам Монгол нутагтаа 80 км/цаг хурдтай яваад байвал "яаж тэр их хол замыг барах" юм бэ?" Үүнийг бодож үсэн үү? цагдаа нараа. Бас өнөө үед монгол даяар ашиглаж байгаа машин техник ямар төвшинд хүрч хөгжөөд байгааг санаач. Одоо Москвич, ГАЗ-51, "Эксел" зэрэг мөлхөө машин байхгүй бизээ

Avatar

инженер хүн хэлж байна 2019-08-09 66.181.191.85

Орон нутгийн замд 80 км/цаг хүртлэх хурдтай яв, гэдэг бол амьдралд нийцэхгүй шаардлага. Харин автомашины хурдыг 100-110 км/цаг -аар хязгаарласан тэмдгийг олон газрт тавьж, зөрчсөн жолоочийг торгох арга авах нь зүйтэй. Орон нутгийн замын чанар сайжраагүй байхад хамгийн тэнэг юм уу, эсвэл согтуу нөхдүүд л хурд хэтрүүлж сагсаганах байлгүй. Харин зам зуурт хяналтын пост гаргаж жолооч нарын биеийн байдалд шалгалт, эмнэлгийн үзлэг хийдэг болбол ёстой нэг "хүний төлөө" санаа тавьсан сайхан ажил болноо

Avatar

Зочин 2019-08-09 202.21.108.143

Гэхдээ орон нутгийн замд 80 кмц гэдэг бол арай бага хурд юмаа. Ядаж 100 кмц болгох хэрэгтэй. 150 кмц мэдээж арай дэндсэн хэрэг болно.

Avatar

Иргэн 2019-08-09 202.9.43.99

Мундаг ингэж ажллаж б\гаад Баярлалаа. Эрхийг нь уртхан хасвал яасан юм бэ? Хүн а**х гээд явж б\гаа нөхөд шүү дээ????

Avatar

Зочин 2019-08-09 85.203.47.171

1 жилээр хасах хэрэгтэй хүний амь настай холбоотой дэндүү жолооч нар их бдаг

NewsMN Гар утасны хувилбар Татах
NEWS.mn

Мэдээллийн эх сурвалж