Италийн Ювентус клубын 25 настай жигүүрийн тоглогч Ж.Канселу Английн Манчестер Сити клубтэй нэгдлээ. Манчестер Сити клуб Португал тоглогчийг авахын тулд 65 сая еврог+Данило гэсэн солилцоо хийгээд байна.

Английн Тоттенхэм Хотспур клуб Италийн Ювентус клубээс Аргентин довтлогч П.Дибалаг нэгтгэж байгаа бол Барселона клубээс Ф.Коунтиньо мөн ирж магадгүй байна. Арсенал клуб Челси клубын Бразил төвийн хамгаалагч Д.Луизыг авч магадгүй байна. Энэ солилцоог Арсеналын У.Эмери хүсэж байгаа боловч клубын эзэн хүсэхгүй байгаа бололтой.

Манчестер Юнайтед клубын Бельги довтлогч М.Лукаку багаа орхих нь тодорхой болж байна. Зөрүүлээд Манчестер Юнайтед клуб Ювентус клубын довтлогч М.Манжукич ирж магадгүй байна.

Буурал тивийн хөлбөмбөгийн солилцооны цонх өнөө шөнө хаагдах бөгөөд хэд хэдэн томоохон солилцоо явагдахад тун ойрхон байгаа. Ирээдүй нь тодорхойгүй байгаа Ф.Коунтиньо, Неймар, Р.Лукаку, К.Эриксен, П.Погба гэх мэтчилсэн нэрс хамгийн идэвхтэй яригдаж байна. Ямартаа ч маргааш өглөө том солилцоонууд явагдсан байх болов уу.

Б.БЯМБАБАЯР