Канад улсад явагдаж буй Рожерс цомын тэмцээний эмэгтэйчүүдийн ганцаарчилсан төрөлд өрсөлдөж буй дэлхийн чансааг тэргүүлэгч Э.Бэрти тэмцээний 2-р шатанд АНУ-ын залуу теннисчин С.Кенинд хожигдон тэмцээнээ өндөрлүүлэв.
Тоглолт эхнээсээ л ширүүн өрсөлдөөнтэй болж байсан бөгөөд С.Кенин дэлхийн чансааг тэргүүлэгч Э.Бертиг сандаргаж байсан. Ингээд хоёр теннисчдийн тоглолт 1 цаг 56 минут үргэлжилж С.Кенин 6-7, 6-3, 6-4 харьцаатай өрсөлдөгч Э.Бертиг хожиж тэмцээний 3-р шатанд шалгарлаа.
Мөн тэмцээний 2-р шатанд 2017 оны US Open тэмцээний аварга, дэлхийн чансааны №7 АНУ-ын С.Стефэнс өрсөлдөгч Чехийн М.Боузковад 2-6, 5-7 харьцаатай хожигдож тэмцээнээ өндөрлүүлээд байна.
Б.БЯМБАБАЯР