"Рио Тинто-гийн менежментийн баг хариуцлагагүй мэдэгдэл хийсэн" | News.MN

"Рио Тинто-гийн менежментийн баг хариуцлагагүй мэдэгдэл хийсэн"

"Рио Тинто-гийн менежментийн баг хариуцлагагүй мэдэгдэл хийсэн"

"Рио Тинто-гийн менежментийн баг хариуцлагагүй мэдэгдэл хийсэн"

Тавантолгойн бүлэг ордыг эргэлтэд оруулах, олон улсын хөрөнгийн бирж дээр IPO гаргах ажлыг гүйцэтгэхээр “Эрдэнэс Тавантолгойн” компанийн дэргэд охин компани байгуулжээ. Энэ талаар Уул уурхай, хүнд үйлдвэрийн сайд Д.Сумъяабазараас зарим зүйлийг тодрууллаа.


– Эрдэнэс Тавантолгойн” компанийн 30 хувийн IPO-г олон улсын зах зээл дээр гаргах ажлыг хийх охин компани байгуулах шийдвэрийг Засгийн газраас гаргасан. Энэ ямар учиртай юм бэ?

-Тавантолгойн ордыг эргэлтэд оруулах бэлтгэлд гаргах ёстой шийдвэрүүдийг УИХ, Засгийн газраар хэлэлцүүлж батлуулж байгаа. Ер нь төрийн ажил ингэж явах ёстой. Ялангуяа том бүтээн байгуулалт, их хэмжээний хөрөнгө санхүүжилт шаардсан төслүүд УИХ-ын байнгын хороод, УИХ, Засгийн газраас орж, хуулийн дагуу хэлэлцүүлж батлуулж байгаа. Өмнө нь бид Дубайн гэрээг УИХ-аар оруулаагүй гэх шүүмжлэл өнөөдөр ч байдаг. Тавантолгойн асуудлыг УИХ-аар цаг тухайд нь ороод хэлэлцүүлээд явна. Охин компанитай холбоотойгоор бид нууц тогтоол гаргаад, юм хийгээд байгаа юм шиг буруу ойлголт яваад байх шиг байна. Бүх зүйл ил байгаа. Уул уурхайн салбар өөрөө маш их хардалт, хэл ам дагуулдаг учраас Уул уурхай, хүнд үйлдвэрийн сайдаар томилогдсоноос хойш сар бүр нээлттэй хэвлэлийн хурал хийж, сэтгүүлчдийн асуултад нээлттэй хариулт өгч байгаа. Энэ нь өөрөө шилэн байхын эхлэл юм. Цаашид “Эрдэнэс Тавантолгой” компани олон улсын жишигт нийцэж, үйл ажиллагаа явуулах ёстой. Үүний нэг нь охин компани байгуулах, бэлэн байдлыг хангах, иргэдийн эзэмшиж байгаа 1072 хувьцааны бүртгэлийг нэг бүрчлэн тулгаж, нэгтгэж арванхоёрдугаар сарын эхний долоо хоногт дуусгаж, Засгийн газарт танилцуулах хугацаатай үүрэг өгсөн. Бид ч энэ хугацаандаа дуусгана гэж бодож байна. Тавантолгой нийт зургаан орд байгаа. Үүн дээр найман тусгай зөвшөөрлийн нэг болох Зүүн цанхи дээр охин компани байгуулсан. Өмнө нь ч гэсэн Зүүн цанхийг олон улсын зах зээл дээр гаргах ёстой гэдэг шийдвэр гарч байсан, энэ удаад эрчимжүүлээд явж байна гэж ойлгох хэрэгтэй.

-Охин компанийн бүтэц, удирдлага ямар байх вэ. Удирдлага нь томилогдсон гээд хэд хэдэн хүний нэр яригдаад байна?

-Одоогоор энэ байгууллагын удирдлагыг томилоогүй. Сайн, боловсролтой залуучууд олон байгаа ч төлөвшөөгүй байна. Тавантолгойн орд дээр ажил мэргэжлийн туршлагатай, хурдтай, ёс зүйтэй, хэл болон мэдлэгийн түвшинд дэлхийн хэмжээнд очсон тийм хүн байх ёстой. Хандлага, зарчим нь бас чухал. Энэ олон шаардлагыг харгалзан үзэж, Ерөнхий сайдын хэмжээнд яригдаж байж охин компанийн удирдлагыг томилно. Тавантолгойн ордыг хөдөлгөж, олон улсын зах зээлд гаргах асуудал бол Засгийн газрын тэр дундаа Ерөнхий сайдын хэм хэмжээ, эрх мэдэлтэй холбоотой асуудал. Ер нь бол шаардлага хангаж байгаа хэд хэдэн хүн бий ч эцсийн шийдвэрээ гаргаагүй.

-"Рио Тинто" компани далд уурхайн бүтээн байгуулалт хойшиллоо гэсэн мэдээллээс болж хувьцааны ханш нь унасан байна. Ер нь компанийн удирдлагатай яриа, хэлэлцээр хийж байгаа юу, Засгийн газар?

-"Рио Тинто" компанийн менежментийн баг хариуцлагагүй байна гэж бодож байна. Найман жилийн хугацаанд ажлаа амжуулна гэчхээд менежментийн зардал нэмэгдсэн, техникийн нөхцөл байдал хүндэрсэн гэх мэт шалтаг, шалтгаан тоочоод байгаа. Ер нь Оюутолгой төсөл хэрэгжиж, амжилттай явах ёстой. Яг энэ цаг үед техникийн болон уурхайн нөхцөл байдал, технологийн хувьд горим алдсан гээд шалтаг ярьж байгаа ч энэ асуудлыг маш хариуцлагатай ярих ёстой. "Рио Тинто"-гийн хувьцаа хоёр хувь, "Туркойз хилл"-ийн хувьцаа 44 орчим хувиар унасан байгаа юм. Үүнийг бид маш сайн бодож, яагаад Монголын 34 хувийн хувьцаа цаасан дээр бүртгэлтэй компани байгаад байна вэ? Нөгөө талдаа зардал, мөнгөтэй холбоотой зээл, өр 34 хувь дээр гараад байна вэ? Бид 34 хувиа хөдөлгөхгүй байгаа учраас тэр зардлыг хариуцах ёсгүй. Энэ 34 хувь бид цаашдаа хамтарч зах зээл дээр орж байж хариуцлага хүлээх ёстой гэж би хувь хүнийхээ хувьд хардаж байгаа. Энэ бол сайдын байр суурь биш юм шүү. Ер нь бол бид хөндлөнгийн хууль зүйн үнэлгээ гаргах ёстой. Гэхдээ энэ нь Оюутолгой төслийг гацаах, зогсооно гэсэн үг биш. Бид энэ төслийг цаашид үргэлжлүүлэхийн тулд юу нь болоод, юу нь болохгүй байна вэ гэдгийг харах ёстой.

Өнөөдрийн байдлаар Оюутолгой төслийн хэдэн лиценз гадны банкны барьцаанд байна вэ?

-Тусгай зөвшөөрлүүдийг барьцаалах зүйл байдаг ч үүнийг судалж, тодруулах ёстой. "Рио Тинто" компанийн зүгээс 1,9 тэрбум ам.долларын санхүүжилт хэрэгтэй гэдэг мессеж нь өөрөө Оюутолгой төсөлд итгэн хөрөнгө оруулагчдын нэр хүндийг, өөрсдийн компанийн нэр хүндийг бас унагааж байгаа бодлогогүй зүйл гэж харж байна. Тэгэхээр хариуцлагын асуудал хэнд очих вэ? Үүнд Монголын талд бол буруу гэх зүйл байхгүй. Менежмент хийж буй эзэнтэй хариуцлага ярих ёстой. Энэ төсөл дээр бид санхүүгийн эх үүсвэр харахаас илүү ул суурьтай, хувьцааны загварын модель зэргийг нухацтай харах хэрэгтэй.

-Засгийн газрын зүгээс "Рио Тинто" компанийн удирдлагатай зөвшилцөх, хэлэлцээрийн ширээнд суух, уулзалт хийж байгаа юу?

-"Рио Тинто" компанийн менежментийн баг, дэлхийн нэр хүндтэй гэх санхүүгийн бүх банк зэрэг байгууллагууд бий. Хөрөнгө оруулагчдын хувьд гол хувьцаа эзэмшигч "Рио Тинто" компанийн удирдлагын түвшинд хүчтэй яригдаж байгаа гэж ойлгож байгаа. Бидний зүгээс ч гэсэн таатай байхгүй байгаа. Одоо бид ширээний ард сууж ярилцах ёстой. Гэхдээ ярилцана гэхээр энэ төслийг зогсоо, хураа, хөөж гарга гэж улстөржүүлж болохгүй.

Ш.ЧИМЭГ

"Болор дуран"-аар шалгав.
Энэ мэдээнд өгөх таны сэтгэгдэл?
7
ТэнэглэлТэнэглэл
6
ЗөвЗөв
4
ХахаХаха
1
ХарамсалтайХарамсалтай
0
ХөөрхөнХөөрхөн
0
ГайхмаарГайхмаар
0
БурууБуруу
Баярлалаа!

Холбоотой мэдээ

28 сэтгэгдэл

News.mn сайтад сэтгэгдэл оруулахад анхаарах зүйлс

Avatar

Уурхайчин 2019-08-07 103.212.119.184

Сая Оросуудтай, Оросын төрийн өмчийн компанитай геологи хайгуул хамтарч хийх гэрээ хэлцэл байгуулсан нь Оросуудад л ашигтай болохоос Монголд ашиггүй, буруу замаар явах эхлэл боллоо доо.Дахиад л социализмын үе шиг төсвийн хөрөнгөөр хайгуул хийх болж байна гэсэн үг. Тэр их мөнгө манай төсавт байхгүй. Хайгуул хийх шиг эрсдэлтэй ажлыг ГХО юмуу хувийн хэвшлээр хмйлгэдэг баыхгүй юу?!

Avatar

Уурхайчин 2019-08-07 103.212.119.184

Анхнаасаа л 34 хувь эзэмших маш буруу байсан юм. Зарчихаад рояльтын татвараа Эрдэнэттэй адилхан авдаг байхнь хамаагүй ашигтайг ойлгох малан тэнэг энэ дарга нар дунд алга уу?!

Avatar

Зочин 2019-08-07 202.131.233.190

Маш зөв ш дээ. Би ч тэгж бодож байна.

Avatar

Зочин 2019-08-07 99.241.37.76

oopoo harmaand ni orcon baij estoi neg saihan shaaj baih shivdee ene mahan tolgoi.

Avatar

Зочин 2019-08-07 104.143.92.9

Рио Тинто -д Сумъяабазартай барилдчих бөх олдохгүй байгаа учраас уулзалт болохгүй хойшлоод байгаа гэсэн. \nТэд чинь Уул уурхайгаар мэргэшчихсан улсууд. Монголын нэг бөхөд асуудлаа яаж ч тайлбарлаад ойлгуулж чадахгүй гэдгээ\nмэдэж байгаа. Дур дураа голохгүй гэж бас нэг албан тушаалын хэнээтэн. Ичээсээ. Долгорсүрэн зааныхан бөхчүүд биш намчууд болсон. Сумъяабазар нь МАН, Давгадорж нь АН, тэгээд юмыг яаж мэдэх вэ гээд Сэржбүдээ нь МАХН-н гишүүн гэжуугаа. \nЦааш нь ярихуу аан????

Avatar

Жагаа 2019-08-07 66.181.179.38

Толовшоогуй байна гэнэ уу. Оорийн чинь бодлоор сайн боловсролтой залуус толошино гэдэг нь нам дагаж далдаганахыг хэлээд байна уу

Avatar

Зочин 2019-08-07 122.201.24.109

Рио Тинто -д Сумъяабазартай барилдчих бөх олдохгүй байгаа учраас уулзалт болохгүй хойшлоод байгаа гэсэн.
Тэд чинь Уул уурхайгаар мэргэшчихсан улсууд. Монголын нэг бөхөд асуудлаа яаж ч тайлбарлаад ойлгуулж чадахгүй гэдгээ
мэдэж байгаа. Дур дураа голохгүй гэж бас нэг албан тушаалын хэнээтэн. Ичээсээ. Долгорсүрэн зааныхан бөхчүүд биш намчууд болсон. Сумъяабазар нь МАН, Давгадорж нь АН, тэгээд юмыг яаж мэдэх вэ гээд Сэржбүдээ нь МАХН-н гишүүн гэжуугаа.
Цааш нь ярихуу аан????

Avatar

Зочин 2019-08-07 64.119.20.56

Энэ хүний чадал хүрэхгүй ээ. Бөх барилдахаас өөр ш дээ

Avatar

Зочин 2019-08-07 66.181.182.127

ЭНЭ СУМЯАБАЛАЙ ЧИНИЙ ТОЛГОЙНЫ ОБЪЁМ ХҮРЭХГҮЙ. ЧИОГЦРООД ЗАЙЛААЧ.

Avatar

Зочин 2019-08-07 66.181.161.97

Сумьяабазар сайдын толгойн оюуны чадвар оюу толгойн асуудлыг шийдэж чадахгүй зүгээр зайлаад өгөх хэрэгтэй

Avatar

Зочин 2019-08-07 202.126.88.138

ene MUDAK uuruu anh dalbii dalbii medegdel hiisen shuu dee

Avatar

зочин 2019-08-07 202.126.89.144

кэ кэ хѳрѳнгийн зах зээлд гараагүй ОТ ХХК-д 34% эзэмшдэгээ манайхан сая ойлгосон уу. бүдүүн тоймоор яривал хѳдѳлдѳггүй 34% мѳн дѳѳ. бүтээгдэхүүнд нь ордог бэлэн орцыг нь ѳѳрийн газар нутгаас ѳгчѳѳд зардал хариуцаад суудаг мѳн динэгээ.

Avatar

Зочин 2019-08-07 103.212.116.105

ТЭЗҮ-гийн нөхцлөөс илүү хүнд том гүн том гарсан тул түүнийг яаж барих вэ гэдэг асуудал гарсан шүү дээ Түүнээс биш улс төржөөд байгаай юм Риод байхгүй монголчууд өөрсдөө л улс төрждөг байх. Өөр саалийн үнээ олоочээ Тэр ДорнодынПетрочайна өөрсдийнхөө бүдүүн даргыг л оруулдаг Монголчууд аймгийн засаг дарга бол өнгийх ч эрхгүй гэсэн дээ Үүнийг хэн ч ярихгүй юм хэний хөрөнгө юм бол доо

Avatar

Зочин 2019-08-07 202.126.89.232

Mungu ideh arga !!!!

Avatar

Зочин 2019-08-07 202.126.89.210

БАЯРЦОГТ ШААРЫН ХИЙСЭН ГАЙ !!! ТУХАЙН ҮЕД АЙВАНХООГЫН ХУВЬЦААГ ХАХУУЛЬД АВЧ РИО ТИНТОД ЗАРСАН ХАХУУЛЬЧИН !!! ШОРОНД ХАТААВАЛ ТААРНА !!!

Avatar

Зочин 2019-08-07 202.55.191.130

ш**лдаа. баярцогт ганцаараа ОТ гэрээг хийгээ юу? яагаад тэр үеийн 34 хувийг ав гэж хуцалдацгааж байсан ноёдыг ярьдаггүй юм бэ? сэлэнгийн нарсыг ёзоор болгосон батэрдэнэ, луйварчин ТБД, мэдрэл зандка нтр гээд новшнууд одоо ч гэсэн наад УИХд чинь одоо ч байж л байна

Avatar

баяр 2019-08-07 122.201.23.122

ЕР НЬ ОЮУТОЛГОЙ БОЛОХООР ДЦРТАЙ ЦАГТАА ЗОГСООЖ ДАРАМТАЛДАГ ГЭРЭЭ БАЙГУУЛСАН ЮМ УУУ. ЗОГСОЛТООС ҮҮДСЭН ХАРИУЦЛАГАА ТЭД БОЛОХООР ЯАГААД МОНГОЛЫН ТАЛД ХҮЛЭЭЖ БОЛДОГГГҮЙ ЮМ. ТА НАР ЯАГААД ЭНИЙГ НЬ ЯРЬДАГГҮЙ ЮМ БЭ

Avatar

Зочин 2019-08-07 202.55.191.130

145 жилийн түүхтэй нийт хөрөнгө нь монгол улсын ДНБээс 10 дахин их масс корпорацитай хэдэн үхэр монгол олигтой гэрээ хийж чадах уу?

Avatar

мгл 2019-08-07 122.201.24.129

орхон голыг шавраар урсгаж хордуулдагаа хэзээ зогсоох сайданцар вэ

Avatar

Amar 2019-08-07 202.179.27.86

Энэ хүнд бий л лав итгэхээсээ өнгөрсөн.ҮХ-ийн 6.2-ыг хэвээр нь байлгана гэдэг хүнээс олигтой юм хүлээгээд хэрэггүй.

Avatar

иргэн 2019-08-07 103.26.193.66

Энэ удаа Риогийн талаар зөв ярьсан байна, ойлгож байгаа юм болов уу,

Avatar

34 ХУВИА ЗАРЧИХ ХЭРЭГТЭЙ 2019-08-07 43.228.129.131

34 хувиа зараад зүгээр татвараа сайн аваад л сууж байх хэрэгтэй ш дээ. Тэгвэл манайд ямар ч алдагдал хүлээхгүй. Тэгээд ч цаадуул чинь хурдан хөдлөөд эхэлнэ.

Avatar

Зочин 2019-08-07 202.179.24.62

34 хувийг авах сонирхолтой нөхдүүд хожим ашигтай наймаа хийсэн болох биз. Далд уурхайн бүтээн байгуулалт хойшилж байвал ногдол ашиг бас хойшилно. Зөвхөн Монголынх биш Рио Тинтогийнх ч хойшилно. Монголыг хорлож байгаа юм шиг ойлгоод байгаа нь буруу ойлголт.

Avatar

Зочин 2019-08-07 203.91.115.42

Tentsehgui hun

Avatar

Зочин 2019-08-07 103.57.94.67

чамаас тэнэг хүн тэнд ажилдаг гэж бодохгүй байна тэр хүмүүс чинь хувьцаа эзэмшигчдээ үнэн зөв мэдээлэх үүрэгтэй хүмүүс чам шиг аргалаад худлаа хэлж байгаад сонгуудийн 4 жилдээ амжиж хулгай хийх гэж байгаа юм биш

Avatar

яг үнэн 2019-08-07 202.55.191.130

хувьцаат компани аливаа мэдээллээ ил тод гаргах ёстой.

Avatar

Зочин 2019-08-07 122.201.26.243

Mongoldhuvi hereggui harin tatvaraa avaad ajilcjidaa shahaad suuval amar bishuu

Avatar

Зочин 2019-08-07 64.119.24.123

Сумъяабазар сайдаа газрын тосны уйлдвэр юу болсон бэ нэг мэдэгдэл хийгээч больчихсон юм уу

NewsMN Гар утасны хувилбар Татах
NEWS.mn

Мэдээллийн эх сурвалж