Зуны цагт хүүхэд болон томчуудын чихэнд шоргоолж, ялаа, цог хорхой, жоом зэрэг гадны амьд биет орох тохиолдол нэмэгддэг.

Хэрвээ танд болон таны ойр дотны хэн нэгэнд ийм зүйл тохиолдсон бол юуны өмнө чихэнд спирт, эсвэл бүлээн тос (ургамлын, оливийн) дусааж, агааргүй орчин үүсгэснээр хорхой амьгүй болж, улмаар чих тань зовиурлахгүй гэж чих, хамар хоолойн эмч нар зөвлөж байна. Үүний дараагийн алхам нь заавал мэргэжлийн эмчид хандах юм.

Иргэд өөрсдөө дур мэдэн эмчилгээ хийх, ухах зэргээр оролддогоос болж байдлыг улам хүндрүүлдэг байна. Эмч нар зөвлөхдөө чихэнд амьд биет орсны дараа ухах зэргээр оролдох нь хэнгэрэг цоолох эрсдэлтэйг анхаарууллаа.

Б.ЖАРГАЛ