АНУ-ын Ерөнхийлөгч асан Барак Обама Галт зэвсгийн тухай хуульд өөрчлөлт оруулахыг уриалсан байна. Саяхан АНУ-ын Эль Пасо, Дейтон хотуудад зэвсэгт халдлага болж, олон хүний амь эрсэдсэн билээ.

Уг хэрэг явдлын дараа Ерөнхийлөгч асан Барак Омаба холбогдох албан тушаалтнуудад хариуцлага тооцож, ирээдүйд үүнтэй төстэй эмгэнэлт явдлаас урьдчилан сэргийлэхийн тулд Галт зэвсгийн тухай хуульд яаралтай нэмэлт, өөрчлөлт оруулах шаардлагатайг мэдэгдсэн байна. Үүнээс гадна АНУ-ын өнөөгийн удирдлага арьс өнгөөр ​​ялгаварласан үг хэллэг ашигладаг нь улс оронд айдас, үзэн ядалтын уур амьсгал бий болгож байна хэмээн Трампыг буруутгав.

Тэрбээр цааш нь дэлхийн аль ч улс оронд АНУ шиг иргэдийг үй олноор нь буудсан тохиолдол гараагүй, бас дэлхийн ямар ч хөгжингүй улс орон америкчууд шиг зэвсгээр үйлддэг хүчирхийллийг тэвчихгүй хэмээн хэлсэн байна.

Эх сурвалж: BUSINESS INSIDER