Э.Оюунболд ес даван түрүүлж, улсын арслан цол хүртлээ

Тулгар төрийн 2224 жил, Их Монгол Улс байгуулсны 809 жил, Ардын хувьсгалын 94 жилийн ой, Үндэсний их баяр наадмын хүчит бөхийн барилдаан 512 хүчит бөхчүүд барилдсанаас Хэнтий аймгийн Өмнөдэлгэр сумын харьяат, "Хан Хэнтийн аварга", Эрдэнэтийн уулын баяжуулах үйлдвэр "Хангарьд" спорт хороо, Хэнтий аймгийн Цагдаагийн хэлтсийн бөх улсын харцага Энхтөгсийн Оюунболд ес даван түрүүлж улсын арслан цол хүртлээ.

Увс аймгийн Давст сумын харьяат, "Алдар" спорт хороо, Зэвсэг хүчний 310 анги, "Увс нуур" дэвжээний бөх, улсын арслан Пүрэвийн Бүрэнтөгс үзүүрлэлээ.

Э.Оюунболд 22 насанд улсын их баяр наадамд түрүүлж байгаа бөгөөд Хэнтий аймгаас 16 жилийн улсын наадамд түрүүлсэн бөхөөр тодорч байна. Учир нь дархан аварга Б.Бат-Эрдэнэ 1999 онд 11 дэх түрүүгээ авч байжээ.

Мөн энэ жилийн улсын наадмаас нийт зургаан начин, хоёр харцага цолтон төрлөө.

Монгол Улсын Ерөнхийлөгч Ц.Элбэгдорж зарлиг гаргаж Тулгар төрийн 2224, Их Монгол Улсын 809, Ардын хувьсгалын 94 жилийн ой, Үндэсний их баяр наадмын үндэсний хүчит бөхийн барилдаанд тав давсан Дундговь аймгийн Эрдэнэдалай сумын харъяат, Хан-Уул дүүргийн Онцгой байдлын хэлтсийн бөх Алтангэрэлийн Алтанхуяг, Говь-Алтай аймгийн Жаргалант сумын харьяат, "Хангарьд" спорт хороо, Хантайшир дэвжээний бөх Шоовдойхүүгийн Шинэбаяр, Завхан аймгийн Баянхайрхан сумын харьяат "Хилчин" спорт хорооны бөх Ганболдын Баасандорж, Архангай аймгийн Булган сумын харьяат, "Соёмбо" спорт хороо, "Бөхбилэгт" дэвжээний бөх Чагнаадоржийн Ганзориг, Сүхбаатар аймгийн Мөнххаан сумын харьяат, "Жавхлант" дэвжээний бөх Болдбаатарын Батжаргал, Увс аймгийн Түргэн сумын харьяат "Увс нуур" дэвжээний бөх Даваасамбуугийн Энхбаяр, Дундговь аймгийн Эрдэнэдалай сумын харьяат "Алдар" спорт хороо, "Хур харцага" дэвжээний бөх Эрдэнэбатын Даш нарт тус тус Монгол Улсын начин цол олгов.

Мөн зургаа давсан Ховд аймгийн Чандмань сумын харьяат, ЦЕГ-ын 805 дугаар ангийн бөх Нямаагийн Батзаяа, Сэлэнгэ аймгийн Жавхлант сумын харьяат, “Алдар” спорт хороо, “Таванхан” дэвжээний бөх Бат-Очирын Одгэрэл нарт тус тус Монгол Улсын харцага цол олголоо.

Монгол Улсын Ерөнхийлөгч Ц.Элбэгдоржийн зарлигаар Үндэсний их баяр наадмын үндэсний хүчит бөхийн барилдаанд уран мэхийг уралдуулан барилдсан 512 бөхөөс ес давж түрүүлсэн Хэнтий аймгийн Өмнөдэлгэр сумын харьяат, “Аварга” биеийн тамирын дээд сургууль, “Хангарьд” спорт хорооны бөх Энхтөгсийн Оюунболдод Монгол Улсын арслан цол олголоо.

Түүнд Монгол Улсын арслан цолны үнэмлэх, тэмдэг, түрүү бөхийн шагналыг Монгол Улсын Ерөнхийлөгч Ц.Элбэгдорж гардуулав. Мөн үндэсний хүчит бөхийн барилдаанд үзүүрлэсэн Увс аймгийн Давст сумын харьяат улсын арслан Д.Бүрэнтөгс Төрийн тэргүүнээс шагналаа гардан авав.

Есийн даваа

1. П.Бүрэнтөгс у.а – Э.Оюунболд у.х

Наймын даваа

1. П.Бүрэнтөгс у.а – Ч.Санжаадамба у.з

2.Б.Гончигдамба у.г – Э.Оюунболд у.х тунаж гарьд цолны болзол хангалаа

Долоогийн даваа

1. П.Бүрэнтөгс у.а – Н.Батзаяа у.н

2. Н.Ганбаатар у.г – Б.Гончигдамба у.г

3. Ч.Санжаадамба у.з – Б.Одгэрэл а.х.а

4. Ц.Содномдорж у.х – Э.Оюунболд у.х тунаж улсын заан цолны болзол хангалаа

Ховд аймгийн Чандмань сумын харьяат "Ховд" дэвжээ, "Од" групп, Цагдаагийн 805-р ангийн бөх улсын начин Нямаагийн Н.Батзаяа

Сэлэнгэ аймгийн Жавхлант сумын харьяат "Алдар" спорт хороо, ЗХ-ний 337-р анги, "Таванхан" дэвжээний бөх аймгийн хурц арслан Бат-Очирын Б.Одгэрэл нар зургаа даван шөвгөрч улсын харцага цол хүртлээ

Зургаагийн даваа

1. Н.Батсуурь у.а – Н.Батзаяа у.н улсын харцага цолны болзол хангалаа

2. П.Бүрэнтөгс у.а – А.Алтанхуяг а.х.а

3. Н.Ганбаатар у.г – Ш.Шинэбаяр а.х.а

4. Б.Гончигдамба у.г – Г.Баасандорж а.а

5. Ч.Санжаадамба у.з – Д.Энхбаяр а.а

6. Ц.Содномдорж у.х – Бо.Батжаргал а.а

7. Э.Оюунболд у.х – Э.Даш а.а

8. Б.Одгэрэл а.х.а– Ч.Ганзориг а.а тунаж Б.Одгэрэл улсын харцага цолны болзол хангалаа

1. Төв аймгийн Дэлгэрхаан сумын уугуул, Дундговь аймгийн Эрдэнэдалай сумын харьяат "Түшээт ханы аварга" дэвжээ, Хан-Уул дүүргийн Онцгой байдлын хэлтсийн 014-р анги, "Эфес" төвийн бөх аймгийн хурц арслан Алтангэрэлийн Алтанхуяг

2. Говь-Алтай аймгийн Жаргалант сумын харьяат "Хангарьд" спорт хороо, Хантайшир дэвжээ, "Амгалан уртуу" ХХК-ний бөх аймгийн хурц арслан Шоовдойхүүгийн Шинэбаяр

3. Завхан аймгийн Баянхайрхан сумын харьяат "Хилчин" спорт хороо, Завхан дэвжээ, "Засагт хан" групп, "Жеминтернэшнл" ХХК-ний бөх аймгийн арслан Ганболдын Г.Баасандорж

4. Архангай аймгийн Булган сумын харьяат Хууль сахиулахын их сургуулийн "Соёмбо" спорт хороо, "Бөхбилэгт" дэвжээ, "Сүмт Өргөө" ХХК, "Оюут хясаа" ХХК-ний бөх аймгийн арслан Чагнаадоржийн Ч.Ганзориг

5. Сүхбаатар аймгийн Мөнххаан сумын харьяат "Жавхлант" дэвжээ, "Их Модун" группийн бөх аймгийн арслан Болдбаатарын Бо.Батжаргал

6. Увс аймгийн Түргэн сумын харьяат "Увснуур" дэвжээ, "Бутгангууд" констракшн,"Насны зам" ХХК-ний бөх аймгийн арслан Даваасамбуугийн Д.Энхбаяр

7. Дундговь аймгийн Эрдэнэдалай сумын харьяат "Алдар" спорт хороо, "Хангарьд" клуб, "Хур харцага" дэвжээний бөх аймгийн арслан Эрдэнэбатын Э.Даш нар тав даван шөвгөрч улсын начин боллоо.