Авто тээврийн үндэсний төв ТӨҮГ-аас иргэдийн эрэлт хэрэгцээнд нийцсэн үйлчилгээг хүргэх үүднээс Монгол Улсын Сэлэнгэ аймгийн Сүхбаатар сумаас ОХУ-ын Улаан-Үд хот чиглэлд энэ сарын 9-ний өдрөөс зорчигчдын тогтмол тээврийн үйлчилгээг эхлүүлэхээр болжээ.
Монгол Улс, ОХУ-ын Засгийн газар хоорондын Худалдаа эдийн засаг, шинжлэх ухаан техникийн хамтын ажиллагааны Тээврийн ажлын хэсгийн 14 дүгээр хуралдаанаар тохиролцсоны дагуу ийнхүү улс хоорондын шинэ чиглэл нэмэгдэж буй юм байна.
Тус чиглэлд улс хоорондын зорчигч тээврийн үйлчилгээг эхлүүлснээр иргэдэд стандартын шаардлага хангасан тээврийн хэрэгслээр тогтмол цагийн хуваарийн дагуу ая тухтай үйлчилгээг хүргэх нөхцөл бүрдэх ажээ. Тээвэрлэлтийг Монголын талаас “Зэлтэрийн зам” ХХК, ОХУ-ын талаас “Восток транс” ХХК-иуд гүйцэтгэх юм байна.
Үйлчилгээний цагийн хуваарь болон үнэ тариф:
-Цагийн хуваарь:
- Сэлэнгэ аймгийн Сүхбаатар сумаас: Мягмар, Лхагва, Пүрэв, Баасан, Ням гаригуудад өглөөний 04:30 цагт тогтмол гүйцэтгэнэ.
- ОХУ-ын Улаан-Үд хотоос: Даваа, Мягмар, Лхагва, Пүрэв, Бямба гаригуудад 12:00 цагт тогтмол гүйцэтгэнэ.
Тээвэрлэлтийн зай: 260,5 км
Тээвэрлэлтийн хугацаа: 6 цаг 45 минут
-Хөдлөх цэг:
- Монголын талаас: Сэлэнгэ аймгийн Сүхбаатар сумын төмөр замын вокзал
- Оросын талаас: ОХУ-ын Улаан-Үд хотын автовокзал
-Тариф:
- Монгол талаас: Том хүн 26,000 мянга ОХУ-ын талаас: 650 рубль
- Хүүхэд: 13,000 мянга 325 рубль
Б.ЖАРГАЛ
Ооо 2019-08-07 64.119.19.79
Хувь хүмүүс хамаагүй тухтай авч явна. Дуртай газраар нь зорчуулна
Кк 2019-08-07 64.119.19.79
Жирийн иргэдийн хоолноос булаалдсан шуналтай новшнууд
Зочин 2019-08-07 202.126.88.56
Сэвэнгээс Улан үд хүртэл борооны дараа чиглэл нь өөрчлөгдчихөө юү наад гарчигаа сайн уншаад үздээ
Зочин 2019-08-07 103.50.206.40
Маш оновчтой арга хэмжээ болжээ. Авто тээврийн газрын хамт олонд баяр хүргэе.Төрийн зүгээс Хахууль , дарамт шахалт дундуур нь битгий ороосой.Зам муу үед зөв арга хэмжээ болжээ.
zochin 2019-08-07 66.181.178.233
Bagoni zurag bitgii tabiad bai