Төв аймгийн Баянцагаан сумын Алтад багийн “Зуугийн-Овоо” гэдэг газар (Төв аймгийн төвөөс баруун урд зүгт 180 км, Дундговь аймгийн төвөөс хойд зүгт 100 км-т) хоёр суудлын автомашин мөргөлдөж, автомашины төмөр эд ангид хүн хавчуулагдан нас барсан хэрэг гарчээ.

Энэ тухай дуудлагыг наймдугаар сарын 6-ны өдрийн 15:53 цагт хүлээн авч, Дундговь аймгийн Онцгой байдлын газрын 5 алба хаагч, 1 автомашинтай 100 км зам туулан 17:50 цагт хэргийн газарт очсон байна.

Улаанбаатар хотоос Дундговь аймгийн Сайнцагаан сумын чиглэлд 4 зорчигчтой зорчиж явсан “Приус-20” загварын суудлын автомашин, “Королла” загварын суудлын автомашинтай мөргөлдсөн байжээ.

Ослын улмаас хохирсон Дундговь аймгийн Сайнцагаан сумын 7 дугаар багийн харьяат иргэн Г /53 настай, эрэгтэй/, нийслэлийн Сүхбаатар дүүргийн 11 дүгээр хорооны харьяат иргэн Г /41 настай, эрэгтэй/,  Дундговь аймгийн Луус сумын 1 дүгээр багийн харьяат иргэн Э/27 настай, эмэгтэй/, У /5 сартай, эмэгтэй/ нарын цогцсыг гаргаж, Төв аймгийн Цагдаагийн газрын жижүүрийн бүрэлдэхүүнд шилжүүлэн өгсөн байна.

Б.ЖАРГАЛ