Япон эхэлж атомын бөмбөг хаясан бол юу болох байв? | News.MN

Япон эхэлж атомын бөмбөг хаясан бол юу болох байв?

Япон эхэлж атомын бөмбөг хаясан бол юу болох байв?

Япон эхэлж атомын бөмбөг хаясан бол юу болох байв?

АНУ-аас дэлхийн II дайны үеэр Японы Хирошима, Нагасаки хотуудад атомын бөмбөг хаяснаас хэдэн мянган хүн амь үрэгдэж, улмаар Токио дайнд бууж өгсөн түүхийг бүгд мэднэ. Тухайн үед Япон улс түрүүлж атомын бөмбөг хаясан бол юу болох байсан бэ? Энэ тухай маш нууц судалгааны материалд түшиглэн бичсэн ном дэлхий дахинд Хойд Солонгосын цөмийн хөтөлбөрийн заналхийлэлтэй нүүр тулсан энэ үед олны анхаарлыг татах болов.

Роберт К.Уилкоксийн “Японы нууц дайн” нэртэй ном анх 1995 онд АНУ-д хэвлэгдсэн боловч Японд атомын бөмбөг хаясны 74 жилийн ойгоор уншигчдын дунд эрэлттэй болж иржээ. Номын дэд гарчиг одоо цаг үетэй холбогдуулан шинэчлэгджээ. Тухайлбал, “Атомын бөмбөг хийх Японы цагтай уралдсан өрсөлдөөн” гэж байсан бол одоо “Атомын бөмбөг хийх Японы цаг уралдсан өрсөлдөөн Хойд Солонгосын цөмийн хөтөлбөрийн үндэс болсон нь” гэж өөрчлөгджээ.

Роберт К.Уилкокс номоо бичихдээ түүхийн нууцлаг, маргаан дагуулсан онолуудын тухай олон ном, эх сурвалжийг уншин судалсан байна. Тэрбээр номоо хэвлүүлснээс хойш 24 жилийн дараа ч дэлхийн II дайны үеийн Японы цөмийн хөтөлбөрийн талаарх судалгаагаа үргэлжлүүлсээр байв. Энэ хугацаанд тэрбээр цөмийн хөтөлбөр дээр ажиллаж байсан Японы шинжлэх ухааны ажилчидтай хийсэн ярилцлага, АНУ-ын албаныхны яриа болон бусад ил болон нууцын зэрэглэлтэй хэдэн зуун хуудас материалыг олон орноос цуглуулжээ.

ЯПОН УЛС БОЛ ДАЙСАН, БАС ХОХИРОГЧ

Япон улс атомын бөмбөг хөгжүүлж байсныг олон улс мэддэг ч зорилгодоо хүрсэн эсэх нь маргаан дагуулдаг аж. Роберт Уилкокс хэлэхдээ, улс төрийн зорилгоор АНУ-ын албаныхан дайны гэмт хэргээ нуун дарагдуулахад Япон улсад тусалсан гэдгийг онцолжээ. Тухайлбал, дайны үеэр Япон улсын албаныхан хоригдлууд дээр биологийн харгис туршилт явуулсан байна. Мөн тэрбээр Японы цөмийн хөтөлбөрийн талаар АНУ тодорхой мэдэж байгаа ч нууцалдаг хэмээн маргажээ.

Түүний бичсэнээр Япон улс ямар ч эргэлзээгүй нэг ширхэг атомын бөмбөгийг амжилттай бүтээсэн аж. Олон улс атомын бөмбөг хийхээр өрсөлдөж байсан тухайн үед Японы эрдэмтэд болон эрх баригчид энэ төсөлд бүхнээ зориулж байжээ. Роберт Уилкоксийн таамгаар Япон нь 1945 оны наймдугаар сарын 12-нд буюу Хирошимагийн бөмбөгдөлтөөс зургаан өдрийн дараа Солонгосын хойгийн тухайн үед Конан гэж нэрлэгддэг байсан газарт амжилттайгаар атомын төхөөрөмж дэлбэлж туршсан байна.

Хирошимагийн бөмбөгдөлтөд 90 мянга гаруй, Нагасакид 40 мянга орчим хүн амь үрэгдсэн гэж үздэг. Япон улс 1945 оны наймдугаар сарын 15-нд буюу амжилттай туршилтынхаа дараа дайнд бууж өгснөө зарласан нь хариу цохилт өгөхөд хэтэрхий оройтсоныг ухаарсан гэж тэрбээр үзжээ. АНУ-аас Японд 12 атомын бөмбөг хаяхаар төлөвлөсөн байв.

АНУ-ын “Washington Post” сонины Токио дахь салбарын эрхлэгч Уиллиам Чапмэн 1991 онд өөрийн хэвлүүлсэн номдоо дайны дараах боловсролын систем нь Японы эзлэн түрэмгийллийн дор зовсон ард иргэдийн талаарх мэдээллийг нууцлах бодлого барьж байсныг онцолжээ. Түүний хэлснийг батлах мэт одоогийн Японы ерөнхий сайд Абэ Шинзо, баруун жигүүрийн популист улстөрч Ниппон Кайги нар тус улсын дайны гэмт хэргийг үгүйсгэх, нуун дарагдуулахыг оролддог гэж ажиглагчид дүгнэсэн байна.

Магадгүй Япон болон Өмнөд Солонгосын хоорондох сүүлийн үеийн зөрчилдөөний далд өдөөгч нь Токиогийн дээрх бодлогоос үүдэлтэй гэж ажиглагчид үзэж буй аж. Өмнөд Солонгос нь дайны үеэр албадан хөдөлмөр эрхэлж, бэлгийн мөлжлөгт өртсөн иргэдийнхээ төлөө Японоос нөхөн төлбөр шаардсанаас хоёр орны хооронд зөрчил үүссэн юм.

АНУ-ЫГ БӨМБӨГДӨХ ТӨЛӨВЛӨГӨӨ

Япон улс атомын бөмбөг амжилттай бүтээсэн ч хожимдсон тухай цөөн орон, тэр ч бүү хэл АНУ сүүлд мэджээ. Япон улс атомын бөмбөг хийж байгааг АНУ 1945 оны эхээр олж мэдсэнээр өрсөж хөдөлсөн аж. Тухайн үеийн АНУ-ын тагнуулын байгууллага 1945 оны хоёрдугаар сард хийсэн тэмдэглэлдээ дайсны (Япон) байлдааны онгоц цөмийн зэвсэг ашигласан талаар дурджээ. Үүнээс хэдэн сарын дараа Японы тухайн үеийн парламентад эрдэмтэд дайсны усан цэргийн флотыг хэдхэн хормын дотор устгах боломжтой судалгааны ажлаа танилцуулсныг холбоотны тагнуулууд мэдээлжээ.

1945 оны тавдугаар сард баригдсан Нацист Германы том хөлөг онгоц Япон руу хагас тонн уран тээвэрлэн хүргэхээр явж байсан нь АНУ-ыг сандаргасан аж. 1946 оны үед Японы офицертой уулзсан Дэвид Снелл гэгчийн мэдээллээр дайны төгсгөлд Япон улс гурван өдөр дараалан атомын бөмбөг туршжээ. Гэхдээ 1945 онд ЗХУ Солонгосын хойгийн ихэнх газар тэр дундаа Японы атомын бөмбөгийн хөтөлбөрөө хэрэгжүүлж байсан Конан орчмыг эзэлсэн нь Токиод боломж олгоогүй аж.

Тухайн үед ЗХУ атомын бөмбөггүй байв. Солонгосын хойг дахь төсөл дээр 40 мянган япон хүн ажиллаж байсны 25 мянга нь инженер, шинжлэх ухаанчид байв. Тус байгууллага нь ажилчдаа барилгад хаалттай бүсээр ялгаварлан нэвтрүүлдэг ба цөмд нь 400 орчим мэргэжилтэн нэвтрэх эрхтэй байжээ.

Японы атомын бөмбөгийн төлөвлөгөө нь холбоотнуудын хөлөг онгоцыг Камиказе гэх амиа золиослох нисэх онгоцны тусламжтайгаар устгах байсан аж. Японы атомын бөмбөг хийсэн эрдэмтэд өдгөө Москва хотноо хоригдож буй. Тэд эрдэмтдээс атомын бөмбөг хийх технологийг нь мэдэж авахын тулд тамлан зовоодог гэж эх сурвалж мэдээлжээ. ОХУ нь анхны атомын бөмбөгийг 1949 онд туршсан байна.

УРАН БОЛ ХОЁР ҮЗҮҮРТЭЙ СЭЛЭМ

Японы эрдэмтэд атомын онолын сайн мэдлэгтэй байсан ба тэсрэх бөмбөг хийхэд их хэмжээний уран хэрэгтэйг мэдэж байв. Япон улс Солонгосыг эзлэн түрэмгийлсэн нь хойгт ураны нөөц байх боломжтойн дээр усан цахилгаан станцын хүчийг нь ашиглахыг зорьжээ. Түүнчлэн Япон улс нь холбоотон Германаас хангалттай хэмжээний уран авахыг оролдсон.

Дайны төгсгөлд Нацист Германы хөлөг онгоц дээр хоёр япон офицертойгоор 1234.59 фунт ураны оксид тээвэрлэн явж байжээ. Энэхүү ураны оксидыг амжилттай баяжуулсан бол атомын бөмбөг хийхэд хангалттай хүрэх байв. Гэвч хөлгийг Японд хүрэхээс өмнө Нацист Германы удирдагч Адольф Гитлер амиа хорлож, дайнд ялагдсанаар хөлөг онгоц холбоотны хүчинд бууж өгчээ.

Роберт Уилкокс номынхоо төгсгөлд хэрэв Япон илүү хурдан байсан бол АНУ-д атомын бөмбөг хаях боломжтой байсныг өгүүлснээс бус Хирошимагийн бөмбөгдөлтийг шүүх гээгүй гэдгээ онцолжээ. Түүний хэлэх гэсэн гол санаа нь Япон улс бол атомын бөмбөг хийхэд тун ойртсон орнуудын нэг гэдгийг сануулах аж.

Эх сурвалж: THE DAILY BEAST

"Болор дуран"-аар шалгав.
Энэ мэдээнд өгөх таны сэтгэгдэл?
6
ЗөвЗөв
3
ХарамсалтайХарамсалтай
1
ХахаХаха
1
ТэнэглэлТэнэглэл
0
ХөөрхөнХөөрхөн
0
ГайхмаарГайхмаар
0
БурууБуруу
Баярлалаа!

Холбоотой мэдээ

19 сэтгэгдэл

News.mn сайтад сэтгэгдэл оруулахад анхаарах зүйлс

Avatar

Зочин 2019-08-07 146.115.163.21

ANUsuud odoo buruugaa jap ruu hiih getsen shaajeene

Avatar

Зочин 2019-08-07 202.21.107.75

Дэлхийн 2-р дайны үед Итали Герман Япон гурвын холбоо хүчтэй болж дэлхийг сөхрүүлэх цэргийн эрхтнүүдийн хийрхэл хүчээ авч байсан.

Avatar

Зочин 2019-08-07 202.131.245.243

Ёпооны дунд сургуулийн сурагчдын 80% нь Хирошима, Нагасаки хотуудад Оросууд атомын бөмбөг хаясан гэж үздэг юм билээ.

Avatar

Paвcaл 2019-08-07 174.216.42.225

Наад үлгэрт чинь чамаас өөр итгэх хүн байхгүй. Нэг хэсэг нь номоо зарах гэж зохиол бичнэ. Нэг хэсэг нь мангараа гайхуулж комми бичнэ.

Avatar

Зочин 2019-08-07 202.126.88.169

Ялсаны зөв
Ялагдсаны буруу гэж

Avatar

Зочин 2019-08-07 150.129.143.164

Бүлтэрч өгөх юмаа. Японыг дайнд буруутай байсан мэтээр харуулах нь холбоотны хувьд ану-ын зүгээс солонгосыг хамгаалж байгаа хэлбэр. Дайны төлбөр нэрээр олон жилийн турш японы технологиор амьдарч ирсэн солонгосын технологийн компаниуд хаалгаа барих болоод сандарч өмдөндөө дусааж байгаа нь тэр.

Avatar

Зочин 2019-08-07 202.131.245.243

Японоос америкийн баруун эрэг хүртэл хэдэн км вэ? Зүгээр л хар ухаанаар бодоод үз дээ. Тэр үед ядаж баруун эрэгт хүрч, бөмбөг хаях техникийн боломж японд байсан уу?

Avatar

pearl harbor 2019-08-07 49.0.212.71

202.131.245.243 ядаж кану үзэж байгаач.

Avatar

Зочин 2019-08-07 202.131.245.243

Японоос америкийн баруун эрэг хүртэл хэдэн км вэ? Японоос pearl harbor хүртэл хэдэн км вэ? Pearl harbor-оос америкийн баруун эрэг хүртэл хэдэн км вэ?

Avatar

Зочин 2019-08-07 49.0.212.71

тэгээд pearl harbor хүрээгүйээ гээч. номхон далайд хавай мэтэрхүү арал дээр японы милитари байрлаж байгаагүйээ гээч.

Avatar

Зочин 2019-08-07 202.131.245.243

Дебиль

0 0
Avatar

Зочин 2019-08-07 202.126.89.124

49.0.212.71 Ийм үмбүү ичихгүй сэтгэгдэл бичих юм аа. Үмбүүтээд байгаарай.

0 0
Avatar

Зочин 2019-08-07 49.0.212.71

тийм байнөө, сэлж барахгүйн бна. энэ өдрийн хоёр мангас яллаа

0 0
Avatar

Зочин 2019-08-07 202.131.245.243

Энгийн иргэдийг үйл олноор хөнөөсөн гэмт хэргээ цайруулах гэсэн америк маягийн суртал ухуулга байна. Иракийн эсрэг яг ийм ухуулга явуулсаар байгаад л цэргээ оруулсан, Саддам Хуссейнийг дүүжилсэн. 1,5 сая хүүхэд, эмэгтэйчүүд америкийн бөмбөгдөлтөнд амий алдсан. Гэтэл Иракаас ҮОХЗ олдоогүй. Хэн, хэзээ, ямар хариуцлага хүлээсэн бэ?

Avatar

Зочин 2019-08-07 66.181.177.65

ҮЛГЭР

Avatar

Зочин 2019-08-07 202.131.244.210

Иймэрхүү анхаарал татах, сенсаац дэгдээн номоо зарж мөнгө олох гэсэн уран зохиомжууд хаа сайгүй шдээ.

Avatar

Зочин 2019-08-07 202.126.89.124

Пропаганда гэж энэ дээ.

Avatar

Зочин 2019-08-07 203.169.49.123

АНУ Японы 2 хот дээр хаясан атомын бөмбөгдөлтийг бурууг цайруулж, Японыг цөмийн зэвсэгтэй болж байсан мэтээр бичжээ.

Avatar

Зочин 2019-08-07 64.119.26.12

Япон тухайн үедээ Хятад, Солонгосоос эхлээд зүүн өмнөд Азийг эзэлсэн байсан. Уламжлалт дайнаар Япон, АНУ талаас маш их зардал, хүний амь үрэгдэж байсан. Атомын бөмбөг хаяснаар түүнээс олон хүний амийг аварч чадсан чухал шийдвэр, үйл явдал болсон юм. Саяыг алж тэрбумыг авар.

NewsMN Гар утасны хувилбар Татах
NEWS.mn

Мэдээллийн эх сурвалж