Амь тэмцэж явсан арваад буудлын тэмдэглэл | News.MN

Амь тэмцэж явсан арваад буудлын тэмдэглэл

Амь тэмцэж явсан арваад буудлын тэмдэглэл

Амь тэмцэж явсан арваад буудлын тэмдэглэл

Нэг үеэ бодвол хот доторх нийтийн тээврийн үйчилгээ боломжийн түвшинд хүрчээ хэмээн иргэд ярьдаг. Зорчигчид зөвхөн урд хаалгаар орж, цэнэглэсэн картаа уншуулаад, дунд хаалгаар буух зэрэг зохион байгуулалт сайжирсан. Зогсоол дээр явах чиглэлийн схем байрлуулж, автобус зогсох газраа зарлаж илүү ойлгомжтой болсон. Дотроо хогийн сав байрлуулж, иргэд ч ил хог хаяхгүй соёлтой үйлчлүүлж байна. Гэвч автобусаар зорчсон арваад буудал газарт анзаарч харсан хэдэн зүйл буйг тэмдэглэн хүргэе.

ОРОЙН ЦАГААР АВТОБУС УДААН ХҮЛЭЭДЭГ

  • Оройн 18 цаг 10 минут. Багшийн дээдийн буудлаас Дарь-Эхийн хуучин эцэс хүрэхийн тулд “Сэлбэ-Амралт” чиглэлийн автобус хүлээв. Ажил тарсаны дараа хөл хөдөлгөөн ихдэж, автобусны буудал олон хүний хөлд дарагджээ. Бусад чиглэлийн автобусууд ирээд, явсаар…Бараг 30-аад минут хүлээсний дараа явах автобус ирлээ.
  • Буудлаасаа зөрөөд зайтай зогсох автобус руу иргэд яаран гүйлдлээ. Удаан хүлээсэн учир Дарь-Эх явах хүмүүс автобусанд битүү чихэлдэв. Энд суух суудал битгий хэл барих бариул үл олдоно. Тоормолзлох бүрийд уначихгүйн тулд урагш, хойш нэгийгээ түлхэнэ. Эд зүйлсээ хулгайд алдчихгүйн тулд цүнхээ бас тас тэврээстэй.

ЗӨВХӨН ЖОЛООЧИЙН ДЭЭР Л СЭНС БАЙНА

  • Олон хүний уур амьсгал, битүү шахалдаан дунд амьсгал давчдан, агааргүйтэх аж. Дээврийн агааржуулалт хагас нээсэн боловч жижигхэн зайгаар агаар, салхи орж байгаа нь эргэлзээтэй. Цонхны наагуур хөшигтэй тул дундуур яваа зорчигчдод агаарын солилцоо бүр очихгүй. Жаахан хүүхэд бачимдан уйлна. Энэ дунд жаргаж яваа ганц хүн бол жолооч. Түүний кабин дотор яг дээр нь сэнс үлээнэ. Жолооч ганцаараа сэрүүцсэн шиг сууж байхад, арын зорчигчид хөлсний үнэрт мансууран явлаа.
  • Зөвхөн хөлсний ч үнэр биш. Архины эхүүн үнэр хэн нэгнээс ханхалж, огиудас хүргэнэ. Хаягдал лааз цуглуулсан эрийн дагтаршсан хирийн үнэр халуун амьсгалтай нийлэн хамар сэтлэх дөхлөө.

АВТОБУС ДОТОР АМЬДРАЛ ҮРГЭЛЖИЛНЭ

  • Нэлээн хэдэн буудал явсны хойно зорчигчид шингэрч эхлэв. Арайхийж амьсгаа авахтайгаа боллоо. Настай эмээ бариулаас зуурчихсан явааг харсан нэгэн зорчигч хажууд нь суусан залуу эмэгтэйд суудал тавьж өгөхийг сануулаад буруудав. Уг эмэгтэй “Залуу гэхээр заавал суудал тавьж өгөх ёстой юу? Би өвчтэй хүн, энэ эмээгээс эрт яваад өгнө” хэмээн өндөр дуугаар хэлээд мэгшин уйллаа. Уйлж байхдаа өмссөн малгайгаа авахад үс нь үгүй болжээ. Зорчигчид бүгд нам гүм. Ямар нэгэн бодолд автжээ. Харин эмэгтэй уйлсаар, нөхөр нь аргадаж нулимсыг нь арчиж харагдав. Автобус дотор хүртэл амьдрал үргэлжлэх ажээ.
  • Хурд аваад давхиж явсан автобус гэнэт тоормолзлоход хүмүүс хажуу тийш ханаран унах шахав. Нэгнийхээ хөл дээр гишгэх, цүнх, тохойгоороо цохих бол энүүхэнд. Тэглээ гээд уучлалт гуйх хэрэг байхгүй. Учир нь дандаа ингэж явсаар бүгд нэгийгээ ойлгодог болчихож.
  • Арав гаруй буудлын дараа зорьсон газраа ирэв. Автобуснаас буугаад агаар эдэлж, шуналтайгаар хэд сорлоо. Бөгчим газар толгой дүүнгэтэрчээ. Бараг цаг гаруй зогсож явсан тул хөл ч нэлээн бадайрч. Нэг ёсондоо арваад буудал газрыг автобусанд амь тэмцэж өнгөрөөжээ. Гэхдээ өнөөх залуу эмэгтэйн “би энэ амьдралаас эрт яваад өгнө” гээд уйлах дүр төрх санаанаас огт гарсангүй. Улам бачимдаж, цээж давчидлаа…

НИЙТИЙН ТЭЭВЭР ЭРТ ЗОГСЧИХДОГ

Үдшийн 21 цаг 30 минут. Хотын төв рүү буцах боллоо. Автобус хүлээж ахиад 30 минут хэртэй хүлээв. Нэгэнт 22 цаг болсон тул автобус ирэхгүй гэдэг нь тодорхой байв. Ингээд микро автобусанд суухаас өөр аргагүй боллоо. Дарь-Эхийн хуучин эцсээс хороолол хүртэл нэг хүн 3000 төгрөг гэх ажээ. Гэсэн ч суудал дүүрэн хүн зорчино. Яасан үнэтэй юм бэ гэсээр мөнгөө төлнө. Өөр унаа байхгүй юм чинь яах ч билээ. Үүнийг ашиглаж микро автобусууд дуртай үнээ хэлэх юм.

Уг нь дэлхийн бусад улсын нийслэл түм түжигнэж, бум бужигнасан шөнийн амьдралтай байдаг. Үүнийг бодолцож нийтийн тээвэр нь шөнийн цагаар иргэддээ үйлчилдэг. Манайх ингэж шөнжингөө үйлчлэхгүй юмаа гэхэд ядаж шөнийн 12 цаг хүртэл явдаг болмоор. Оройтож ажил тарах, ээлжнээс буух, найз нөхөдтэйгээ уулзах гээд зайлшгүй шөнө оройн цагаар нааш, цааш явах тохиолдол олон. Гэтэл оройн 21 цаг өнгөрөөд автобус зогсож байгаа нь иргэдэд хүндрэлтэй байна. Энэ мэт амь тэмцэж явсан арваад буудлын тэмдэглэл ч бас иргэдэд ойр буусан байх. Нийслэл хотын зөвхөн нэг чиглэл рүү явахад ийм байна. Өдөр бүр хэдэн мянган иргэн Зүүн салаа, Орбит, Нисэх, Улаанхуаран руу ингэж л явдаг. Одоо оюутнууд ирэх үеэр нийтийн тээврээр үйлчлүүлэх бүр илүү хүнд болно. Гар, хөл хаана байгааг ч мэдрэхээ больтол шахалдана. Хамгийн гол нь удаан битгий хүлээлгээсэй, орой үдшийн цагаар тогтмол явдаг болоосой. Автобус тээврийн компаниуд харин үүн дээр анхаараасай билээ.

 

 

"Болор дуран"-аар шалгав.
Энэ мэдээнд өгөх таны сэтгэгдэл?
31
ЗөвЗөв
6
БурууБуруу
2
ХахаХаха
2
ГайхмаарГайхмаар
2
ХарамсалтайХарамсалтай
1
ХөөрхөнХөөрхөн
0
ТэнэглэлТэнэглэл
Баярлалаа!

Холбоотой мэдээ

37 сэтгэгдэл

News.mn сайтад сэтгэгдэл оруулахад анхаарах зүйлс

Avatar

ТААТАЙ ОРЧИНД ЗОРЧИМООР БАЙНА 2019-08-06 202.55.191.194

Иргэд бид хүссэн хүсээгүй нийтийн тээврээр зорчино. Гэхдээ ХОТЫН ДАРГА НАРААС асуумаар хэдэн зүйл байна. 1-рт, автобусны дотоод орчин, ариун цэвэр, суудлын бүрээсний байдал. Яагаад улиралдаа ядаж нэг удаа суудлын бүрээсийг угааж цэвэрлэж болдоггүй юм бэ? Яагаад ядаж 7 хоногт нэг удаа автобусны заалны шороо, тоосыг цэвэрлэж болдоггүй юм бэ? 2-рт, жолооч болон хяналтын ажилтан гэх хүмүүсийн ажилдаа хандаж байгаа байдал. Бүдүүлэг, дээрэлхүү харьцаатай, ялангуяа бага насны хүүхэд, эмэгтэйчүүдэд.

Avatar

ХОТЫН ЗАХИРГААНД САНАЛ ХҮРГҮҮЛЭХ НЬ 2019-08-06 202.126.88.237

НИЙСЛЭЛ ХОТ ЗОРИГ ГАРГААД ЦОО ШИНЭ ЦАХИЛГААН АВТОБУСНУУДЫГ ОРУУЛЖ ИРЭЭД 6-24 ЦАГ ХҮРТЭЛ АЖИЛЛАДАГ ТӨРИЙН БАЙГУУЛЛАГЫН СТАТУСТАЙ ХАГАС ЦЭРЭГЖИЛТТЭЙ МАЯГИЙН /ТӨМӨР ЗАМ ШИГ Ч ЮМ УУ/ БОЛГОЧИХВОЛ БАРАГ ЗҮГЭЭР ЮМ БИШ ҮҮ

Avatar

Зочин 2019-08-06 122.201.31.181

Автобусны ариун цэвэр бариул нь бохир суудалын бүрээс нь хүн аймаар эцсийн зогсоол дээрээ очоод хогоо шүүрдээд авах сэтгэлтэй байл даа.

Avatar

Үнэн нүүр 2019-08-06 112.72.11.108

Нийслэлийн удирдлагууд өгөх мөнгөө бага байлгахын тулд аютобусны гаралтыг багасшаж байдаг болсоноос та нар иххүвээвэг бол сон энэ учраас компаниудад илүү автобус олон байна гаралт цөөн байдаг бол он.Хэлэхээр санхүүжилтбайхгүй явбал яв байвал өөр компани байна гэдэг болсон та нар мэдэхгүй байгаа

Avatar

MGL 2019-08-06 103.229.178.2

Автобусаа цагийн хувиараар нь явуулаач. Метро барьж өгөөч???

Avatar

zochin 2019-08-06 202.179.24.140

neech ich changa duu chogjim tavichichaad jolooch nar n oorsdoo dagaj duulaad yuraad churdan davchidag boli.Ter ich changa ay chogjimd buuya gedgiig er sonsdoggui. Avtobusnii ariun chever ich muu ,zarimdaa sejig churdeg ,ter sandliin burees aimaar.

Avatar

Зочин 2019-08-06 66.181.181.119

энхбаярын зам энхболдын замаар шугам явуулж болохгүй юу

Avatar

хэдэн шүүмжлэл байна 2019-08-06 66.181.181.119

жолооч нар чадвар муу огцом тоормозлож ухас ухас хийж явдаг автобусан доторхи халтар хогийн савнуудаа хураавал яасийн муухай харагддаг жолооч нар суухад утсаар ярьж байдаг явж явж буухад ярьсаар л бдаг буудал дээр удаан зогсдог хүнээ буулгалаа суулгалаа шууд хөдлөж болдоггүй юм уу залхаадаг

Avatar

Монгол хүн 2019-08-06 202.126.89.76

Автобус тээврийн үйлчилгээ үзүүлж байгаа аж ахуйн нэгжүүдэд нэг зүйл хэлье. Автобусны сандал, бариулуудыг байнга уусмалтай усаар угааж байгаарай!!!!!, эрүүл мэндийн байгууллага хяналт сайн тавих хэрэгтэй, шал согтуу хүн суулгамааргүй байна!

Avatar

irgen 2019-08-06 150.129.140.186

cartaar yavaad dortson. geree ni duusaj baij gaigui boloh yumuu.

Avatar

ааа 2019-08-06 62.232.167.210

Би монголд бараг сар шахам амраад ирлээ. Монголд такси хямд ч гэлээ автобусаар нэлээд хэд явав. Учир нь автобус маш сайжирч. Ялангуяа очих цэгт автобусаар хүрч болохоор бол илүү амар байв. Тухайлбал, Бөхийн өргөө хавиас 1-р хороолол орох зэрэгт. Бага зэрэг хүлээх, чихцэлдэх, ханаруулан тормозлох, элдэв үнэр ханхалах зэргийг тэвчиж болно. Хулгайч байж магад учир өөрөө хянаад явж болно. Харин, ганцхан л зүйл маш хэцүү байв, энэ нь жолооч бүрийн радиогоор чанга орилуулах нийтийн дуунууд байлаа.

Avatar

eh hyn 2019-08-06 66.181.179.101

Hotiin darga anhaaraldaa avmaar bainaa bidnii amidral neg iimerhyy l bna daa .jolooch nar ne buduuleg ug yruatai mungu uguh humuusiig andahgyi nastai humuus jaahan hijindood oroh gehed iorhiod davhina ted nar belen mungu uguhgyi yum chine .Dotor ugaalaga tseverlegee gej bhgyi .odoo boroonii daraa hatsan shoroo bujignaad arail bihs bna aa

Avatar

Ард 2019-08-06 202.9.42.195

Мэргэжлийн хэлээр хүн тээвэрлэх биш мах ачих гэж ярьцгаадгийн учрыг ойлгодоггүй ээ!!! Ялзарчихаагүйдээ баярла! гэл үү!!!

Avatar

Зочин 2019-08-06 202.21.96.212

Явган явах гэхээр машинууд нь бохир ус цацаж хувцас бие будаад. Такси барих гэхээр тэр бүр олдохгүй. Автобусанд суух гэхээр хүлээлгэнэ, хүлээлгэсний эцэст өмхий 00-д орох мэт бие, сэтгэл тавгүйтэж, бүр ханиад ч халдана. Өмхий автобуснууд нь өв өмхий хар утаа ялгаруулна. Дугуй унах гэхээр машинд мөргүүлж үхчих гэнэ. Тийм учраас л энэ хүмүүс чинь муу ч гэсэн өөрийн гэсэн нэг 4 дугуйтай төмөр унаад, хамаг мөнгөө төмрийн сэг болгоод дууслаа!!! Тэр нь Япондоо гологдол, Монголдоо том хөрөнгө оруулалт.

Avatar

Зочин 2019-08-06 202.21.100.210

Нийтийн тээврийн асуудлаа эхлээд цэгцлээд дараа нь А/Б бүс гэж ярих хэрэгтэй

Avatar

Зочин 2019-08-06 66.181.168.81

Автобусны жолооч нар замын хөдөлгөөнд соёлтой оролцмоор байна. Өнөөдөр л гэхэд 2 автобус огцом дайрч машин мөргөчих шахаад явлаа. Мөн нийтийн тээврийн шинэчлэлт, ариун цэвэр, тав тухад анхаармаар байна. Хэн ч бага зардлаар түргэн шуурхай ажлаа амжуулахыг бодно. Даанч заваан, аюулгүй байдлын талаар дурьдаад ч хэрэггүй өнөөгийн нөхцөлд хүн бүр л боломжоороо хувийн унаатай явахыг илүүд үзнэ. Бас явган явах цэвэрхэн замтай, унадаг дугуйн зориулалтын замтай болсон цагт замын түгжрэл багасах буй за.

Avatar

зочин 2019-08-06 66.181.188.97

Нийтийн тээврээр зорчино гэдэг үнэндээ л шийтгэл болоод байна
Халуун бүгчим дээр нь онгойх цонх бага, зарим автобусны том цонх
онгойх хэсэг байхгүй зөвхөн доогуур жижиг цонхтой боловч бөглөөнд огт салхи
орохгүй. Автобуснд агааржуулагч байхгүй, байгаа мэт боловч хэзээ ч ажиллахгүй.
Энд нийтийн тээврийн заваан бохирыг бичээд бахав ямар засрах биш.

Avatar

Zochin 2019-08-06 202.126.89.115

Avtobusnii jolooch nar mergesjsen bdag gee bizdee, zarim ni mergesheegui yum shig baih yam aa. Genet genet huchtei toormozlood, zarim ni ih istresstei haragddag.

Avatar

zochin 2019-08-06 203.91.115.246

Аль ч автобусны жолооч улайм цайм бэлэн мөнгө авна. Баазаас нь ийм чиг өгсөн гэлтэй. Ер нь баазуудад зорчигч карт уншуулах эсэх нь хамаагүй болсон. Тийм болохоор жолооч үйлчлэх сэтгэлгээгээ гээж зорчигчийг бэлнээр тооцоо хийх нь үү үгүй юу гэдэг өнцгөөс харж буудал дээр яаран ирж байгаа хөгшин хүнийг заавал орхиж явна. Доторх нь бол ойлгомжтой дээр өгүүлсний дагуу бас дээрээс нь жолооч нарын дийлэнх нь тамхичин автобус дотроо л юу яана

Avatar

ок 2019-08-06 182.239.119.24

ЭНЭ СЭТГҮҮЛЧИД БАЯРЛАЖ БАЙНА. ҮНЭХЭЭР ЗАРИМ ХҮМҮҮСИЙН МЭДДЭГГҮЙ АМЬДАРЛЫГ БИЧСЭН БНА. МАНАЙ СЭТГҮҮЛЧИД ИХЭНХ НЬ ТӨРИЙН ОРДОНГ Л БИЧИЖ МӨНГӨ ОЛДОГ. ТИЙМЭЭС ХҮМҮҮС ТӨРИЙН ОРДОНГ Л АНХААРДАГ. ЖИНХЭНЭ ИЙМ АМЬДРАЛЫГ ХҮМҮҮСИЙН АНХААРАЛД ОРУУЛАХ ХЭРЭГТЭЙ.

Avatar

зочин 2019-08-06 192.82.65.168

bi nisehruu yabhiin tuld tob nomiin sangiin buudal deer buten tsag huleedeg arai udaaan, bas ene zamiin tugjrel arai ymaaaaaaaa. ug n UB hot anh zohion baiguulahdaa 500.000 hun amidrahaar tolobloson gdg, harin odoo 2 say garan hun amidarch bn. hotoooo telmeer bn daguul hot ntr baiguuldag bol teriig n baiguulaasai.

Avatar

Tsuka 2019-08-06 66.181.161.37

100 ailaas baruun 4 zam chigleld yavdag 17a, 17 b avtobusnuud ih tsuuhun yavdag shuu 30-40 minut, zarimdaa 1 tsag orchim bolj bj irdeg, uneheer hundreltei. Niitiinh teevriin hureltseetei, shaardlaga hangasan avtobus yavuulmaar ym. Aimaar muuhai utaa haydag, solongost heregtseegui bolson avtobus oruulj ireed yavuulaad bhii, dundaas ni mungu iddeg garuud bhiim.

Avatar

Зочин 2019-08-06 202.4.248.66

Энэ нийтийн тээврийнхээ асуудлыг шийдэх чадвартай хүмүүсийг нийслэлд ажиллуулмаар байна. Хичнээн олон жил ийм байх юм бол? Жолооч нарын тухайд ярих ч юм байхгүй. Зорчигчдоо тухтай явуулах нь хамгийн чухал гэдгийг ойлгодог жолооч байдаггүй. Зам сүлжиж давхидгаа чадвар гээд ойлгочихсон мунхаг жолооч нар олон байдаг.

Avatar

MONGOL 2019-08-06 202.126.89.55

Zarim avtobusnii jolooch nar noir muutai yavdag yum shig sanagdsan. Avtobusnuud har utaa ih yalgaruulj bn aa, im avtobusiig yavuulmaargui bn, irged eruul, ayulgui orchind amidrah erhtei!!!!!!!!!!

Avatar

Зочин 2019-08-06 202.126.89.55

Манай автобусны жолооч нар мах ачсан юм шиг тэнэг давхидагаа одоо болих хэрэгтэй шүү, Баянхошуу руу явдаг автобус арай дэндүү ачаалалтай байдаг

Avatar

зочин 2019-08-06 202.9.43.35

Эцсийн ганц шийдэл бол МЕТРО шдээ Энийг эртхэн л ойлговол өөрсдөнд чинь л хэрэгтэй шүү .

Avatar

Зочин 2019-08-06 202.131.228.20

Картаар зорчдог болсноос хойш автобусны жолооч нар буудал дээрээ зогсохгүй хүнээ авахгүйгээр шууд яваад өгдөг болсон. Хүний төлөө үйлчилж байна гэсэн сэтгэл огт байхгүй. Нээх олон автобус яваад л байдаг үнэндээ хүрэлцээ нь маш муу байдаг. Ирэхгүй удна ирснийхээ дараа үхтэлээ чихэлдэнэ бас агааргүй дээрээс нь тэнэг замын цагдаа нар өглөө болгон тэмээтэй уулзвар дээр баруун талын урсгалаа нам хааж бусдыг нь явуулаад хотын төв рүү ажилдаа явж байгаа бүх хүмүүсийг ажлаас нь хоцроодог тийм л байна

Avatar

Z 2019-08-06 98.169.35.210

Hoorhii ter bugsuig bodood bi bas end tseej davchdaad irlee. Neeree l bodit amidraliig nudend haragdtal bichjee. Nom bichvel saihan zohiol bichih mayagiin setguulch bna shuu. Ter busguid tuslah umsan

Avatar

Za bas DUGUUNDUH ni uu 2019-08-06 64.119.16.236

ZA bas handiv shuuruulj DULGUUNDUH ni uu

Avatar

Зочин 2019-08-06 202.126.88.221

Ёстой үнэн Нийтийн тээврийн чанарыг сайжруулснаар бнаа

Avatar

Зочин 2019-08-06 202.179.31.36

яг үнэн

Avatar

Зочин 2019-08-06 43.228.129.204

Үнэн л бичиж дээ

Avatar

jargal 2019-08-06 103.9.90.3

Hotiin darga, holbogdoh albaniihan anhaaraarai

Avatar

Зочин 2019-08-06 66.181.183.70

Заваан шүү энэ нийтийн тээвэр гэгч… Алхаад явсан нь хамаагүй дээр бдаг

Avatar

Зочин 2019-08-06 66.181.178.243

ЭНЭ ЁСТОЙ БОДИТ ҮНЭН БИЧСЭН БЙНА ХОТЫН ДАРГА БОЛОН ТЭЭВЭР ХАРИУЦДАГ НӨХДҮҮД АНХААРЧ ЗӨВ МЕНЕЖЕМЕНТ ХИЙХ ЦАГ БОЛСОН ШҮҮ

Avatar

Зочин 2019-08-06 202.21.108.141

Хамгийн гол нь эрт бууж байгаадаа биш харин ажлаа эрт орхидог, байнга утсаар яриатай, ямар ч соёл хүмүүжил, ёс суртахуунгүй, хүмүүжил муутай арай гэж цагаа л дуусгах гэсэн арчаагүй жолооч нарт юу ч хэлсэн нэмэргүй!Тэдний ийм байдлыг давруулсан тээврийн удирдлагын харалган, хүйтэн сэтгэл билээ?? Араас нь ямарч журамгүй тэднээсээ долоон дор"МИКРОНЫХОН" орж байна. Ямар ч хяналтгүй хэдэн мөнгө хөөсөн залуус.Улам л дэвэргээд байхаас огт ажил хийхгүй байгаа Нийтийн тээврийн удирдлага???

Avatar

Монгол цус 2019-08-06 59.153.114.138

Hodoonoo gologdson hotod gologdson tiim neg zawsariin yumnuud Ene stress buhimdliig mash ih bii bolgodog.

NewsMN Гар утасны хувилбар Татах
NEWS.mn

Мэдээллийн эх сурвалж