Л.Оюун-Эрдэнэ амралтын өдрүүдэд Хэнтий аймагт ажиллалаа | News.MN

Л.Оюун-Эрдэнэ амралтын өдрүүдэд Хэнтий аймагт ажиллалаа

Л.Оюун-Эрдэнэ амралтын өдрүүдэд Хэнтий аймагт ажиллалаа

Л.Оюун-Эрдэнэ амралтын өдрүүдэд Хэнтий аймагт ажиллалаа

Монгол Улсын сайд, ЗГХЭГ-ын дарга Л.Оюун-Эрдэнэ амралтын өдрүүдэд Хэнтий аймагт ажиллаа. Тэрбээр УИХ-ын гишүүний хувиар тойргийнхоо Баянхутаг, Галшар суманд бямба гарагт очсон юм. Хэнтий аймгийг түүхэн аялал жуулчлалын бүс болгож хөгжүүлэх Засгийн газрын тогтоолын дагуу Хэнтий аймгийн сумдын түүхэн онцлогийг тусгасан олон бүтээн байгуулалтын ажлыг тойргийнхоо сум бүрт эхлүүлээд байгаа юм.

Баянхутаг сумын Ерөнхий боловсролын сургуулийн спорт барилгыг шинээр барих хүсэлтийг тус сумын иргэд гаргасны дагуу санхүүжилтыг 2018 оны улсын төсөвттусгуулсан бөгөөд ажлын явцтай газар дээр нь очиж танилцсан юм. Тус барилгын гүйцэтгэгчээр “Си Эйч Би Жи Констракшн” ХХК шалгарсан бөгөөд өнөөдрийн байдлаар ажлын явц 90 хувийн гүйцэтгэлтэй, хэвийн явагдаж байгаа, төлөвлөгөөт хугацаандаа буюу ирэх 09 дүгээр сарын 01 гэхэд ашиглалтанд хүлээлгэж өгөх боломжтой талаар тус компанийн инженер А.Боргил танилцуулсан юм. Мөн тус сумын төвд шаардлагатай дэд бүтцийн шугам хоолойг шинээр тавихад шаардагдах санхүүжилт зэрэг хэд хэдэн асуудлыг газар дээр нь шийдвэрлэсэн юм. Дараа нь тус сумын Сантийн хоолой буюу 3-р багийн төвд шинээр баригдсан Халхын сүүлчийн Сэцэн хан Ц.Навааннэрэнгийн хөшөөний нээлтэнд оролцсон юм. Энэхүү арга хэмжээнд Сэцэн хан Ц.Навааннэрэнгийн үр хүүхэд, ач гуч, нутгийн иргэд хүрэлцэн ирсэн бөгөөд цаашид Алтан ургийн сүүлчийн Сэцэн ханд зориулсан томоохон цогцолборыг байгуулах хүсэлтэй байгаагаа Л.Оюун-Эрдэнэ гишүүнээс хүссэн юм. Үр хүүхдүүдийнх нь хүсэлтийг дэмжиж байгаа бөгөөд түүхэн аялал жуулчлалын бүстэй хэрхэн холбох асуудлыг судалж үзэхээ илэрхийлсэн.

Дараа нь Галшар сумын Хужирт бригадын төвд Өвгөн ноён, Хардал жанжин бэйс  М.Пүрэвжавын дурсгалын цогцолбор, аялал жуулчлалын төвийн шав тавих ёслолд оролцов. Мөн энд цогцолбор шинээр бйагуулахтай холбогдуулж 16,5 км-ийн урт 35/10/0.4 кв-ын цахилгаан дамжуулах агаарын шугам, дэд өртөөг төр, хувийн хэвшлийн түншлэлээр тус бригад руу татах ажил дуусч, ашиглалтанд хүлээж авсан юм.Тус сумын харъяат Хасу мегават” компанийн захирал Ж.Түмэн-Аюуш энэхүү цогцолборын бүхий л ажилд гар бие оролцож байгаа юм. Түүний дэмжлэгтэйгээр энэхүү бригадыг түшиглэж бий болох цогцолборын цахилгааныг шийдсэн гэсэн үг. Мөн саяхан газрын гүнээс цэвэр ус гаргах ажил дууссан байна. Тэгэхээр цахилгаан, ундны усны асуудал бүрэн шийдэгдсэн гэсэн үг. Одоо Хужирт бригадын хуучирч, муудсан барилгыг сэргээж зочид буудал, рестораны зориулалтаар ашиглахаар засварын ажил хийгдэж байна.

Монгол морины удам угсааг хадгалан Галшар үүлдрийг үүсгэж, морины соёлыг үр хойчдоо өвлүүлэх түүхэн үүргийг гүйцэтгэсэн Өвгөн ноён М.Пүрэвжавын дурсгалд зориулсан энэхүү цогцолбороор дамжуулж Галшар сумыг, Галшар адууг түүхэн аялал жуулчлалтай холбож, Монгол моринысудалгааны гол төв болгохыг зорьж байна.

Эх сурвалж: ЗАСГИЙН ГАЗАР

"Болор дуран"-аар шалгав.
Энэ мэдээнд өгөх таны сэтгэгдэл?
6
ТэнэглэлТэнэглэл
0
ЗөвЗөв
0
ХахаХаха
0
ХөөрхөнХөөрхөн
0
ГайхмаарГайхмаар
0
ХарамсалтайХарамсалтай
0
БурууБуруу
Баярлалаа!

Холбоотой мэдээ

7 сэтгэгдэл

News.mn сайтад сэтгэгдэл оруулахад анхаарах зүйлс

Avatar

Зочин 2019-08-05 202.9.42.123

Нөгөө хоолны хордлого нь гайгүй юу. Хоолны хордлого хөлөндөө орох ч аюултай өвчин шүү. Ёстой нөгөө жинхэнэ эх оронч, ард түмний хүү болохоор шүдээ тас зуугаад л ард түмнийхээ төлөө амиа ч хайрлахгүй ажиллаж байгаа даа. Манай үеийн жинхэнэ баатар.

Avatar

Зочин 2019-08-05 202.131.244.210

Энэ үеийн онигооны баатар. Худлаа баг зүүхийг хар залуугаараа сурсан даа

Avatar

Zochin 2019-08-05 64.119.19.71

Мундаг залуу,амжилт.

Avatar

Zochin 2019-08-05 202.55.188.34

Амралтын өдрүүдэд гэж гарчиглахаар яадаг юм. Долдойдох гэхээрээ дэндүүлэх юм . Сэтгүүл зүй ингэж ч хөгждөггүй байх шүү. Нийтлэлийн бичлэгийн агуулгын өргөлт гэдгийг ингэж хийдэггүй юм даа News.mn минь

Avatar

Зочин 2019-08-05 192.82.65.168

Эх сурвалж – Засгийн газар гэжээ.

Avatar

pop 2019-08-05 192.82.64.214

TUSVIIn hurungiig urgui zartsuulj bn, NUhee maltaj bna, ene pop

Avatar

LAL 2019-08-05 192.82.64.214

Hentiid tusviin hrungiig ilii iheer zartsuulj Nuhee maltaj bn. l***r

NewsMN Гар утасны хувилбар Татах
NEWS.mn

Мэдээллийн эх сурвалж